قروية

٣

لؤي نزل وصبح على عمتو واختو ..

لجين : نهارك سعيد م صباح الخير😂💔
لؤي : هههههه ،، مالكم م صحيتوني بدري🌚
بتول : قلتا ماف داعي بتكون تعبان😄
لؤي : ايوااا ..
لجين : عايز شاي ؟!
لؤي : لالا بس اديني موية أشربها طالع أتمشى شوية ..
لجين : طيب
لؤي : ي عمتي ،، وين صالح ؟!
بتول : عندو محاضرة مشا يدرسها نص ساعة كدا وبجي ..
لؤي : اهاا تمام

🔹🔸🔹🔸🔹🔸🔹🔸🔹🔸🔹

🍂 توتي 🍂

هالة كانت بتسوي في الفطور .. جهزتو وقعدو ياكلو كلهم .. كانو بتونسو مع بعض بس هي مرة معاهم ومرة لا .. داليا لاحظت ليها بس م حبت تسألها قدام اهلهم  .. بعد خلصو داليا غسلت العدة ومشت لي هالة في الغرفة ..

داليا : هالة انتي الليلة جد غريبة .. وريني في شنو ؟
هالة : لا ماف شيء تعبانة بس ..
داليا : ي بت انا بعرفك .. احكي يلا
هالة : داليا بصراحة انا م فاهمة مالي💔تتذكري وائل ؟ الولد القلتا ليك بغني داك
داليا : ااي الولد السمح😂😍
هالة : المهم بس ،، الليلة مشو الصباح وما عارفة يعني حاسة نفسي متضايقة💔لي كدا ياخ
داليا : اممم طيب ،، انتي كان نفسك يمشي يعني ولا لا ؟!
هالة : اكيد لا
داليا سكتت مسافة قبل ما ترسم ابتسامة على شفايفها وتقول : انتي بتحبيهو ي هبلة😍
هالة عاينت ليها بخلعة قبل ما تقوم من السرير وتفك شعرها وتقيف قدام المراية وتشيل الفرشة وتمشيها فيهو .. بعد مسافة قالت : هه ، احبو ؟ مستحيل طبعاً💔بعدين مالي على روحي وانا اصلاً عارفة انو بناتهم سمحات ومتعلمات مستحيل يفكر فيني💔
داليا قامت ومشت حضنتها وقالت : ما تغشي على نفسك عارفاك بتحبيهو ، وبالمناسبة لاحظت ليهو يوم قعدنا معاهم كان بعاين ليكي كتير ومركز معاكي شديد خصيصاً لمن تضحكي🙈💗
هالة : جد ؟😍
داليا : والله🙈
ابتسمت قبل ما تقول ليها داليا : احم احم😉
وقعدو يضحكو سوى ..
هالة : بالمناسبة اذا م عندك مانع يعني انا عزمتو يجي العرس🌚
داليا : خير ما فعلتي والله ،، بس في مشكلة لكن
هالة : شنو ؟😳
داليا : خايفة يوم العرس اخلي العريس وامشي ليهو😜
هالة وهي بتضحك : ما جادة طبعاً😹
وتمو ونستهم سوى ..

🔹🔸🔹🔸🔹🔸🔹🔸🔹🔸🔹

🍂 الخرطوم 🍂

هدى كانت قاعدة في غرفتها ومتضايقة وبتفكر في هالة و وائل ونظراتهم لبعض .. حست في انسجام ما طبيعي بينهم .. فجأة دموعها نزلت .. شالت دفترها وبدت صفحة جديدة كتبت تاريخ اليوم وفطت كم سطر وبدت تكتب : ........

كنت أحاول أن أكسب حبك بشتى الطرق .. كنت أراك النظر لعيني .. والهواء الذي اتنفسه .. ولحن انغامي .. ولكن قبل ان أكسبك .. هنيئاً لكي أيتها القروية هالة❤️ .. وائل حبيبي وإن كنت أحببتها حقاً فلن أنساك .. لقت تخطيت مرحلة الحب بكثير .. وأصبحت في مرحلة الخطر .. مرحلة الغرام والعشق .. أحبك💔 ......
~•~•~•~•~•~

قفلت الدفتر ومسحت دموعها .. سمعت امها بتنده عليها
هدى : جااااية ي امي جاية🗣
نزلت ليها ..
- عليك الله ي بتي بتقدري تجيبي لي كستر من الدكان ؟!
- حاضر ي ماما بس امشي البس واجيكي
- لالا ما تطلعي فوق شيلي توبي هداك
- حاضر

لبستو وشالت القروش من امها وطلعت .. اثناء ما هي ماشة في الشارع لمحت واحد اول مرة تشوفو هنا .. سمح سماحة ما طبيعية .. اول ما حست انو بعاين ليها التفتت طوالي .. جابت الكستر ورجعت البيت .. لما طلعت غرفتها لقت كم مكالمة من اروى ..
قالت : بصلي الضهر وبرجع ليها ..

🔹🔸🔹🔸🔹🔸🔹🔸🔹🔸🔹

🍂 عند لؤي 🍂

اثناء ما هو بتمشى .. شافها ودقق فيها شديد وبقا مركز معاها .. بعد ما مشت قال بينو وبين نفسو ( يا ربي دي ساكنة هنا ؟ بِسْم الله ماشاءالله سمحة شديد😍 ) .. وكمل طريقو وهو بتبسم ساي ..

🔹🔸🔹🔸🔹🔸🔹🔸🔹🔸🔹

※ نهاية الحلقة الثالثة ۔۔۔ 💙✨