🍂 بيت بتول 🍂
لجين نزلت المطبخ عشان تشيل من الحاجات الجهزتها لي ملاذ ..
بتول : انتي ي بتي صحبتك دي كانت معاك في الجامعة هنا قبل ما تسافرو ؟!
لجين : لا ي عمتو .. نحن قدر بعض .. بس انا اتخرجت قبلها .. كانت صحبتي في الحي الساكنين فيهو من صغار وكدا .. وانا فططوني سنتين في الاساس ..🌚
بتول : ايوااا تمام🐸👏
صالح كان بعاين ليهم من بعيد .. جا ماري بالمطبخ وماشي على الصالة ف شافهم .. وبقا واقف وبعاين لي لجين مسافة بنظرات اعجاب😍وبعدها مشا قعد انتظر لؤي شويتين ونزل ليهو وطلعو سوى ..
🔹🔸🔹🔸🔹🔸🔹🔸🔹🔸🔹
🍂 إيطالي 🍂
جابو ليهم العصير ..
وائل : اها بعد دا العصير وجا😂قولي
رنا : امممم طيب ي وائل ( سكتت واتعدلت في قعدتها قبل ما تثبت نظرها في عيونو وتكمل كلامها ) بصراحة انا في حاجة عايزة اقولها ليك من زمان بس كنت مترددة😅
وائل : (( اخخ😍 شكلها ح تقول لي انها بتحب كمال .. بسس كدا الموضوع ظبط )) اتفضلي🌚
رنا : بصراحة .. انا .. ( وسكتت مسافة )
وائل : إنتي شنو ..!🙄
رنا : انا بحبك❤️🔥
وائل عاين ليها مسافة وهو م مصدق .. ضحك قبل ما يقول ليها : ما جادة انتي صح😂💔
رنا : لا جادة .. والله بحبك🔥
/بقا بعاين ليها وما عارف يقول او يعمل شنو ..
رنا : امم .. يلا قول لي .. كنت عايز توريني شنو انت ؟!😕
وائل : بصراحة انا .. أ اأنا يعني😅(( وسكت مسافة قبل ما يقول )) يا جرسوون✋🏼الحساب لو سمحت
جاهو ودفع الحساب .. وبعدها مشا ..
رنا : اها انت شنو ؟!😍
وائل : ضروري أمشي بعد دا عندي حاجة ضرورية شديد✋🏼سلام
ومشا بسرعة حتى بدون ما تودعو .. طلع من المطعم بدون ما يبدي اي اهتمام لي انها كانت بتنده بي اسمو عشان يوقف .. ركب عربيتو ورجع البيت .. دخل غرفتو طوالي بدون ما يسلم على اي زول .. قفل الباب وشال جوالو طفاهو .. قعد في طرف السرير وقال : هسي دي شنو المصيبة دي .. ي ريت لو كلمتها و رفضتو ساي .. بس اقول ليهو طلعت بتحبني💔
🔹🔸🔹🔸🔹🔸🔹🔸🔹🔸🔹
🍂 عند رنا _ في المطعم 🍂
كانت حاسة بزعل م طبيعي لانو فهمت من تصرفو انو طلع م بحبها .. قامت ورجعت البيت .. دخلت غرفتها وبقت بتبكي .. شالت تلفونها وكتبت في حالتها :-
وبعد أن ظننت ان حلمي سيحقق وأنني قريبة جداً إليک .. أدركت انني لم اقطع خط البداية حتى💔
🔹🔸🔹🔸🔹🔸🔹🔸🔹🔸🔹
🍂 عند كمال 🍂
اتصل على وائل كم مرة بس تلفونو مغلق .. قال يمكن الشبكة ساي .. دخل الواتس على امل يلقاهو بس م كان متصل .. فتح محادثتو مع رنا .. لقاها خاتة بروفايلها صورة بت بتبكي جمبها قلب مكسور .. دخل وفتحها وقرا الحالة ..
كمال : بِسْم الله دي مالا🙄
.......
رجع تاني اتصل على وائل وبرضو م رد ..
كمال : م وقتك هسي ي وائل ياخ رد💔
وكان قاعد على اعصاابووو ..
🔹🔸🔹🔸🔹🔸🔹🔸🔹🔸🔹
🍂 بيت بتول 🍂
ملاذ ولجين نزلو سوى تحت ..
بتول : على وين ؟!🌚💜
ملاذ : لازم أمشي بعد دا ي عمتو جايننا ضيوف في البيت الليلة😊💚
بتول : لكن لازم تعيديها تاني ي بتي💙
ملاذ بإبتسامة : إن شاء الله☺️💜
ودعت بتول .. ومشت و وراها لجين عشان تقدمها للباب .. قبل ما تودعها قالت ليها : رأيك شنو بكرا اجي اسوقك وتمشي معاي الجامعة ؟!😍🔥
لجين : انتي مجنونة🙄اعمل شنو فيها !!
ملاذ : الله يخليكي يااخ تغيري شوية زاتو .. م فيها شيء .. عشاني عشاني عشاني☹️💔
لجين : امم طيب خلاص اشوف لؤي بقول شنو وبكلمك😪💔
ملاذ : طيب تمام😁
و ودعو بعض بالاحضان .. وبعدها ملاذ مشت .. اما لجين طلعت غرفتها غسلت وشها واتوضت وصلت .. غيرت هدومها ولبست قميص بيت طويل لونو بنفسجي فيهو كريستالات بالكحلي والأخضر بتلمع في صدريتو لي فوق .. ولبست طرحة باللون البنفسجي الطافي وختتها على كتفها .. ونزلت تتونس مع بتول ..
🔹🔸🔹🔸🔹🔸🔹🔸🔹🔸🔹
※ نهاية الحلقة السادسة ۔۔۔ 💙✨
