🍂 بيت ناس بتول 🍂
لجين وبتول جهزو .. وقعدو ف الصالة منتظرين صالح يجي ويوديهم السوق .. لؤي جا داخل البيت سلم عليهم وقال : على وين قاشرين كدا🌚
لجين : ماشين السوق
بتول : ارح معانا ي ولدي
لؤي : ي ريت بس شوفي شايل فايلات قدر شنو ي عمتو والله عندي شغل لي فوق راسي يادوب الحق اخلصو..
بتول : خير ي ولدي .. الله يوفقك
لؤي : تسلمي ي عمتو
طلع غرفتوو وفي نفس اللحظة جا داخل صالح .. باس امو ف راسها وسلم على لجين ..
صالح : نمرق بعد دا !!
بتول : ااي
طلعو وركبو ف العربية .. طبعاً بتول ركبت قدام جمب ولدها .. ولجين ركبت ورا
من قدام المراية كانت عاكسة على لجين .. رفع عيونو وعاين ليها بالمراية مسافة وهي شغالة بالتلفون وما منتبهة ليهو .. ركز فيها مسافة قبل ما ينزل عيونو و يتحرك ..
🔹🔸🔹🔸🔹🔸🔹🔸🔹🔸🔹
🍂 عند هدى 🍂
كانت ف البيت .. ومعاها اروى .. بتونسو سوى ..
هدى : اروى ارح نشتري لينا شبس او اي مصيبة من الدكان ..
اروى : والله م قادرة .. تعبانة .. لكن نفسي فيهو .. اشتري وجيبي لي معاك (( نداء للقاعدة العامة .. بالله بطلو خساساتكم دي🙂 ))
هدى : غايتو انتي😒سمح
مشت لبست عباية وطرحة وشالت قروش قبل ما تنزل على الدكان ..
🔹🔸🔹🔸🔹🔸🔹🔸🔹🔸🔹
🍂 عند لؤي 🍂
ضرب تلفون لي لجين .. اتذكر حاجة وعايز يوصيها تجيبها ليهو معاها .. بس طلع م عندو رصيد .. إتأفف بزهج وهو بجر رجولو لغاية ما لبس سفنجتو وطلع مشا الدكان ..
اثناء ما ماشي عليهو .. شاف هدى وهي طالعة منو ..
قال ليها بصوت عالي شوية : هدى✋🏼
التفتت عليهو قبل ما تبتسم وتقول : اووه لؤي ،، اهلين☺️
لؤي : كيف حالك !!
هدى : بخير والله الحمدلله .. وانت !!
لؤي : اكيد بخير بعد شوفتك .. كيف بقيتي !!
هدى : والله احسن بكتير الحمدلله
لؤي : الحمدلله
وقفو مسافة وهم ساكتين قبل ما ينطق لؤي ويقول : اممم هدى🙄
هدى : ايوة !!
لؤي : بمناسبة انو نحن بقينا اصحاب او شبه كدا وساكنين قريب لبعض .. يعني م عارف اقولها ليك كيف علشان نتواصل .. ممكن رقمك !! بعدين اكيد الاصحاب لازم يتواصلو .. صح😅😂
هدى فكرت مسافة وهي بتعاين ليهو قبل ما تقول : امم طيب
لؤي طلع تلفونو وهو م مصدق : طيب اها !!
ملتو الرقم ..
لؤي : تسلمي .. وبينا تواصل ان شاء الله😉😉
هدى : ان شاء الله ،، استأذنك ،، يلا سلام✋🏼
لؤي بابتسامة : سلام✋🏼
مشت .. وهو فضل متابعها بعيونو مسافة قبل ما تختفي من نظرو .. دخل الدكان اشترى رصيد قبل ما يتصل على لجين وهو راجع على البيت .. كمل شغلو وهو مبسوط بي انو قدر ياخد رقم هدى ..
🔹🔸🔹🔸🔹🔸🔹🔸🔹🔸🔹
🍂 بابليون 🍂
اثناء ما وائل بتونس مع اصحابو .. فتح الواتس وبقا بقلب ف جهات اتصالو وبقرا الحالات وكدا .. فجاة لمح اسم هالة
ابتسم وهو بقول بينو وبين نفسو (( امم يعني عملت واتس .. حلو❤️ ))
عامر : هوي ي اخ انت معانا !!👏👋
وائل : اي اااي م تخاف
رسل ليها : نورتي الواتس ..
وبعدها قفل تلفونو وتم ونستو مع اصحابو ..
🔹🔸🔹🔸🔹🔸🔹🔸🔹🔸🔹
🍂 في السوق 🍂
بتول : صالح انا سايقة معاي لجين المحل داك بس ١٠ دقايق كدا وبنطلع
صالح بإبتسامة : راحتك ي امي☺️
نزلو سوى .. وصالح من بعيد بعاين لي لجين ومراقبها بعيونو لغاية ما دخلت مع امو المحل .. اتكل على الكرسي وغمض عيونو .. مر شريط ذكريات طفولتو معاها .. في يوم قبل ما يتوفى ابوهو .. كانو قاعدين ف النجيلة وبلعبو سوى هو ولجين ..
صالح : لجين
لجين : ايوة ي صالح
صالح : انتي لما تكبري ح تعرسي منو
لجين : ح اعرسك انت زي ما انت راجلي ف اللعبة هسي
صالح بفرح : قولي والله😍
لجين : ااااي والله😍
صالح : ي سلاااام
ولجين قعدت تضحك ..
فجأة قطع تفكيرو صوت الشباك الجمبو وهو بضرب .. التفت لقاهو شافع صغير شكلو محتاج .. فتح الشباك قبل ما الشافع يبكي ويقول ليهو : ي عمو الله يخليك ساعدني انا جعان اديني حق العيشة بس💔
نزل من العربية ومسك الشافع من يدو مشا اشترى ليهو سندوتش وعصير وشوكولاتة صغيرة .. واداهو ٢٠ جنيه ف يدو
الولد بفرح : شكراً شديد ي عمو❤️
صالح ابتسم ليهو وقال : عفواً وانتبه على نفسك❤️
الولد هز راسو وهو مبتسم قبل ما يمشي
رجع العربية ولقا امو ولجين جايين عليهو .. ركبو العربية قبل ما يتحركو ويرجعو على البيت ..
🔹🔸🔹🔸🔹🔸🔹🔸🔹🔸🔹
※ نهاية الحلقة الثانيةة والعشروون ۔۔۔ 💙✨
