* توتي •
كمال كان صاحي .. وقاعد مع عامر بشربو في الشاي سوى .. وصلتو رسالة في الواتس و فتحها .. كانت من رنا : صباح النور ،، اسفة يادوب شفت الرسالة💔
كمال : ولا يهمك ،، كيفك انتي ؟!
رنا : بخير وانت
كمال : بخير ،، خلصتو تقريباً صح ؟!،، لانو الليلة عندكم محاضرة واحدة !!
رنا : ااي ،، بس انا في المكتبة هسي
كمال : اها
رنا : استأذنك عندي قراية
كمال : لالا ياخ اذنك معاك
رنا : سلام
كمال : سلام
☄☄☄☄☄☄☄☄☄☄☄☄☄
* وائل و هالة •
هالة : اه واخيراً خلصنا
وائل : بجد ياخ💔
هالة : ههه معليش تعبتك معاي
وائل : لالا ياخ بالعكس موضوع ظريف🐸
رقد في الارض وغمض عيونو .. هالة بقت قاعدة وبتعاين ليهو وهو لسا مغمض .. اول مرة تركز في ملامحو شديد .. وأثناء ما هي بتعاين ليهو حست بشيء غريب وقلبها دق بسرعة قامت على حيلها براحة وبدون م يسمع مشيها ورجعت البيت .. اما هو من تعبو اول ما رقد ما حس بي روحو وغفا شوية .. اول ما صحى عاين حوليهو وما لقا هالة ..
وائل : بِسْم الله مشت وين دي
وبقا بفتش فيها .. ما لقاها وانتظر قريب الساعة م جات .. رجع المبنى وهو مقلق وبفكر فيها .. دخل رقد في سريرو وبقا بتذكر فيها وفي ملامحها وطريقة كلامها وقال ( ربنا يحفظك ي هالة ❤️ ) .. وأثناء ما هو بفكر كدا شالتو نومة ..
☄☄☄☄☄☄☄☄☄☄☄☄☄
* عند اروى و هدى •
اروى : هدى انا زهجانة
هدى كانت ساكتة وبتفكر في وائل والبت الكانت قاعدة معاهو ..
اروى : هدى
هدى انتبهت وقالت ليها : اه نعم
اروى : وين سرحانة
هدى : لا بس تعبانة شوية
اروى : مالك حاسة بشنو ؟!
هدى : لا يعني تعب عادي امس م نمت كويس بس ومصدعة حبة
اروى : اجيب ليك بندول ؟!
هدى : لالا حبيبتي تسلمي بلعت قبل شوية بس تعالي اقعدي جمبي
مشت قعدت جمبها في الكنبة ..
هدى : اممم اروى
اروى : نعم
هدى : في رأيك معقولة وائل يكون بحب ؟!
اروى : انتي مجنونة ،، اكيد لا لو كان في شيء زي دا كان ح نعرف اكيد
هدى : اممم ،، امس لما كنتي بتتكلمي مع عامر بالمساء مش انا طلعت ؟! يلا بس مشيت المزرعة الجمبنا ديك ،، كنت حابة أتمشى شوية فيها وشفتو قاعد وجمبو بنت بس م عرفتها منو لاني كنت بعيدة منهم بس هو عرفتو من لبستو ..
اروى : بت !! دي منو ي ربي !!
هدى : م بعرف والله
اروى : على العموم بس لو كان بحب او مرتبط كان عرفنا
هدى : م بعرف غايتو
اروى : ارح خلينا نعمل ميكب ونتصور سوى اصلاً ماف موضوع😂💔 ( دا كلو عشان تشغلها من سيرة وائل شوية )
هدى : طيب يلا🐸👋
☄☄☄☄☄☄☄☄☄☄☄☄☄
نهاية الحلقة الثامنة والخمسوون ... 💜🎶
