قدام باب الجامعة كانو واقفين هدى وعامر وكمال و وائل
هدى : خلاص ي شباب انا ماشة على اروى اشوف الحاصل عليها شنو وبعدين بتصل عليكم اطمنكم😁😁
عامر : خلاص تمام منتظرنك✋🏼✋🏼
وبعدها هدى مشت..
وائل : يا شباب اها هسي الحنك شنو ؟!🤔🤔
كمال : انا ماشي انوم تعبان✋🏼😖
عامر : انا زاتي والله💔💔
وائل : تصدقو انا زاتي نفسي انوم ،، خلاص يلا نتلاقا👋🌚
ودعو بعض واي زول رجع على بيتو..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
* عند هدى •
وصلت بيت ناس اروى .. فتحت باب المدخل الخارجي ( مدخل الحديقة ) ودخلت عشان تدق الباب .. سمعت صوت عربية التفتت لقتها عربية اخو اروى كانت سايقاها ومعاها انفال ( اخت اروى متزوجة راجلها اسمو مزمل ) وقفو العربية ونزلو منها .. هدى مشت وسلمت عليهم ودخلو البيت سوى سلمو على ناس البيت وبعدها هدى واروى طلعت فوق غرفة اروى..
هدى : وين انتي الليلة ي بت ،، قلقنا عليكي وتلفونک مقفول ؟!😰😰
اروى : والله انفال دي كانت حاسة بدوخة وبطنها طامة وقلتا اوديها المستشفى لانو مزمل راجلها في الشغل واخوي طلع من البيت م عارفة وين ،، واصلاً بعرف السواقة قلتا اوديها انا ،، وبس ياهو لما جينا طالعين كنت ماسكة تلفوني و وقع اتكسر م لقيت وقت ارفعو وطلعنا
هدى : ي زولة عدت ع خير ،، وأها انفال الحاصل معاها شنو ؟!🤔🤔
اروى : طلعت حامل يسسس يس😍👏
هدى قامت وحضنتها شديد : الف مبروك ياخ ح تبقي خالة وأخيراً😍😍
اروى : الله يبارك فييك😘🔥
هدى : ههه ،، كان نفسي ابقا خالة او عمة بس للأسف ماف طريقة بختك والله (( هدى البت الوحيدة عن امها وابوها ))💔💔
اروى : ي بت نحن اخوات ،، واكيد ح تكون خالة لي ود انفال🐸💚
هدى : الله يخليك لي ياخ .. وحضنتها😍🔥
عامر اتصل في تلفون هدى وردت عليهو📞^_^
عامر : اها اروى حاصل عليها شنو ؟!🤔🤔
هدى : .... (( حكت ليهو الحاصل ))🙂🙂
عامر : ايوااا اديني ليها كدي😁😁
سلم على اروى وبارك ليها وبعدها فصل الخط..
هدى : ي اروى🌚🌚
اروى : نعم🌚🌚
هدى : م ناوية تعترفي لي عامر انك بتحبيهو🙄🙄
اروى : لا طبعاً مستحيل اقول ليهو😳😳
هدى : امممم ،، طيب ح تعملي شنو ،، دي اخر سنة لينا في الجامعة ،، ح توريهو متين😑😑
اروى : م بعرف بس م بقدر ،، هسي انتي حصل اعترفتي لي وائل بي حبك ليهو😜😜
عدى : هههه لا طبعاً م بقدر🤗🤗
اروى : بس خلاص ،، يوم انتي تعترفي لي وائل انا بتعرف لي عامر😝😝
هدى : ي كلبة عشان عارفاني م بقدر اعترف ليهو ،، ومستحيل اليوم دا يجي😒😒
اروى : لي مستحيل ،، ان شاء الله يكون هو زاتو بحبك😋😋
هدى : ان شاء الله ،، ياخ الله يسمع منك ،، يلا بعد دا لازم امشي إتاخرت ،، رسلت ليك المحاضرتين حقات الليلة في تلفون انفال قبل شوية🐸👏
اروى : تسلمي حبيبتي ياخ😻🔥
ونزلت معاها قدمتها للباب و ودعتها وبعدها مشت..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نهاية الحلقة السادسة ... 💜🎶
