* الكوفير *
لين عملو ليها شعرها بمكوة سيراميك ومطلعة من قدام جزء من شعرها وبقية شعرها مرفوع بتاج على شكل نجوم ..
رنا لما شافتها : مبااالغة يا انتي بسم الله ماشاءالله
لين بإبتسامة : تسلمي
رنا : الليلة زياد حيقلبو عقد عدييل ههههه
لين : ههههه كمان ما قدر دا ؛؛ يلا يلا اقعدي م عندنا وقت .
رنا : طيب
--------------------------------------------
* مر الوقت _ العصرية *
لجين سمعت الاذان قامت اتوضت وصلت ودقت الباب لصالح كم مرة علشان يصحى بس ما صحى..فتحت الباب براحة وبقت تقول بصوت واطي : صالح صالح
اتقلب في السرير على الجهة التانية واداها ضهرو ..
لجين : اففف يااخ
دخلت وبقت واقفة قدام السرير : صالح قووم قووم
وهو في سابع نومة وبشخر كمااان
ضربتو على كتفو براحة كم مرة وهو فجأة رقد ع ايدها. سحبتها براحة ورجعت تصحيهو تاني مسافة حتى فتح عيونو
لجين : اااه واخيرا قوم كرهتني
صالح وهو بحك في عيونو : طيب طيب اهو قمت
قام ودخل الحمام .. اما هي لما جات طالعة شافت الدرج مفتوح وفيهو اوراق قرت سطر مكتوب عليهو قرار رفض..سحبتها براحة ولما قرتها عرفت انو صالح اترفض من التدريس في الجامعة الفاتت..استغربت لانها على حسب ما بتعرف انو شاطر شديد وشغلو كان ماشي كويس..اول ما سمعت صوت باب الحمام عايز يفتح رجعت الاوراق بسرعة وطلعت من الغرفة ..
طلع من الحمام وكان متوضي وصلى العصر .. اما لجين طلعت غرفتها وبدت تجهز وفي ستين الف مليون سؤال في راسها عن موضوع رفض صالح دا...
--------------------------------------------
* توتي *
داليا وسعد جابو حاجاتهم المحتاجين ليها وختوها في بيت الصادق
اما هالة جهزت ليهم غرفة حسن علشان يقعدو فيها (( بالنسبة لحسن بقا ساكن مع اهل مرتو اسيا ))
داليا اثناء ما كانت مع هالة في غرفتها وبتتكلم معاها تلفون هالة ضرب..شالتو ولقت دا وائل..ردت عليهو
هالة : الو
وائل : هلا
هالة : اهلين
وائل : كيف حالك
هالة : الحمدلله
وائل : كيف كان يومك
هالة : عادي مافيهو شيء
وائل : انا اسف
هالة بإستغراب : على شنو!!
وائل : كان مفروض اصلك بالباب عديل واعزيك بس امتحاناتي بكرا والله
هالة : لالا عادي ما تشيل هم عارفاك م بتقصر
وائل : طيب
عالة : يلا استأذنك مشغولة شوية .. سلام
وائل : سلام
داليا : هالة تعالي اقعدي جمبي ثواني
جات وقعدت جمبها..اما داليا مسكت يدها وقالت ليها : انا بعرف انو فقد امي ما ساهل عليك ولا علي بس في النهايةة دي الدنيا كدا..كونك تبعدي نفسك عن وائل او تبطلي اكل دي ما حاجة صح نحن علينا ندعي ليها وهي ما غاليةة على ربنا..تمام !!
هالة دموعها نزلت قبل ما تعاين لداليا وتهز راسها
--------------------------------------------
* بيت بتول *
لجين كانت في الصالة وشغالة بتلفونها
صالح جا طالع من الغرفة : نطلع بعد دا !!
رفعت راسها من التلفون وعاينت ليهو قبل ما تقول : طيب يلا
قبل ما يطلعو .. لجين قالت ليهو : كلمت امك !!
ابتسم وهو بقول : ااي واخوك كمان م تخافي
فتح الباب وطلع وهي طلعت وراهو..ركب العربية وهي لما جات تركب ورا صالح فتح الشباك وقال ليها تعالي قدام
ردت عليهو بتوتر : طيب
ركبت جمبو قدام وهو دور العربية واتحرك..
--------------------------------------------
#نهاية_الحلقة_الثامنة_والعشروون
