قروية

الجزء الثالث ٩

~~~~~~~~~~~~~~~~~~

وائل شال تلفونو ورد : ايوا يا امي خير

جاهو صوتها وهي بتقول : وائل يا ولدي نحن ماشين على المستشفى ايناس دي جاها الوجع وشكلها الولادة خلاص ..

وائل : يا امي مشيتو على ياتو مستشفى !!

منيرة : مستشفى ( ... )

وائل : خلاص خير بلاقيكم هناك مسافة السكة بس

اول ما فصل الخط سألو كمال : خير ي صحبي ف شنو ؟

وائل : ولادة ايناس

عامر : طيب راجي شنو ابقا مارق نحن زاتنا جايين معاك

وكل واحد فيهم ركب عربيتو واتحركو على المستشفى ..

اول ما وصلو وائل اتصل على امو وسألها هم في اي طابق .. وبعدها مشو عليهم ..

لقوهم كلهم قاعدين..

وائل : لسا العملية ما خلصت ؟

منيرة : لسا والله ي ولدي

فضل واقف مسافة بعدها عاين حولينو ورجع عاين ليهم قبل ما يسألهم : سهى وين ؟؟

وائل : خليناها ف البيت معاها رنا بت عمك

وائل : ايواا تمام

وهم في وقفتهم ديك جاتهم سعاد (( ام ايناس )) سلمت عليهم قبل ما تسألهم حصل شنو وكلمتها انها جوا ف غرفة العمليات وكدا ..

بعد نص ساعة كدا طلع الدكتور ووراهو ممرضة شايلة البيبي .. كلهم مشو عليهو .. 

الدكتور : حمدلله على سلامة البيبي والمداام وهي حاليا كويسة بس لسا تحت تأثير البنج وما صحت يعني ماف اي خوف ..وألف مبروك يتربى في عزكم ان شاء الله

سعاد ومنيرة حضنو بعض وبقو ببكو .. وكمال وعامر باركو للواقفين كلهم واولهم عمر طبعا ..

بعد ساعتين ..

ايناس فتحت عيونها لقت منيرة وسعاد قاعدين في الكنبة الجمبها ..

منيرة اول ما شافتها قامت بسرعة : ايناس

سعاد قامت وراها : بتي حمدلله ع سلامتك 

ومشو عليها قضوها بوس وقليد ومبروك وبتاع😂

ولبسوها طرحة طويلة كدا قبل ما يكلموهم برا انها صحت..دخلو كلهم باركو ليها وحمدو ليها السلامة وطلعو ..حتى بعدهم جا عمر وقفل الباب وراهو..

مشا قعد جمبها في الكرسي ومسك يدها وقال : الف مبروك لينا حبيبتي وحمدلله على سلامتك💜