🍂 تاني يوم _ الإثنين 🍂
في جامعة ناس رنا ولين .. اتلاقو قريب الساعة ٧ كدا .. وقعدو سوى قبل المحاضرة ..
رنا : اها قررتي شنو ..
لين عاينت ليها قبل م تقول : اممم طيب موافقة😪
رنا من الفرحة نطت حضنتها😍💕
واتصلت على زياد كلمتو يجي يسوقهم الاتنين من الجامعة بعد ما يخلص دوامهم عشان يطلعوو سوى ..
🔹🔸🔹🔸🔹🔸🔹🔸🔹🔸🔹
🍂 عند هدى 🍂
طلعت من البيت وهي ماشة بسرعة .. الليلة إتأخرت شديد والمحاضرة قربت .. اثناء ما هي ماشة حست راسها تقيل شديد .. وقفت ومسكتو بيدينها الاتنين .. وغمضت عيونها بقوة .. لما رجعت وفتحتها بقت شايفة طشاش طشاش .. غمضت عيونها تاني وقبل ما تفتحهم حست روحها واقعة في الارض وتاني ما حست بشيء ..
لؤي طلع من البيت وساق عربيتو وإتحرك .. ما مشا بالعربية ٥ دقايق الا وشاف واحدة واقعة في الارض على الجهة التانية .. طبعاً الشارع هادي وما فيهو حركة كدا .. طلع من العربية بسرعة ومشا وهو بنده عليها وبقول : يا انسة😥
مشا ونزل جمبها .. زح الطرحة من وشها لقاها هدى .. عاين ليها بخلعة قبل ما يرفعها بيدينو الاتنين زي طفلتو .. وكان خايف عليها شديد .. دخلها في العربية وإتحرك على المستشفى ..
🔹🔸🔹🔸🔹🔸🔹🔸🔹🔸🔹
🍂 الجامعة 🍂
اروى كانت منتظرة هدى .. وقَعَدت مسافة ومن القلق بقت بتضرب في رجولها بالأرض .. بتتصل عليها ما بترد .. بعد شوية جاها اتصال من هدى .. ردت بسرعة وهي بتقول : الوووووو💔
جاها صوت شاب بقول : السلام عليكم ..
اتوترت .. ردت عليهو بقلق : وعليكم السلام ..
المتصل : انتي بتقربي لي ست التلفون دا ؟!
اروى بقلق : اااايوة انا صحبتها ،، في شنوو !!😰
المتصل : بصراحة كنت سايق عربيتي ولقيتها واقعة في الشارع .. جبتها المستشفى وكنت سامع تلفونها بضرب بس بعد ما وصلنا لقيت اسمك متصل عليها كتير ف ضربت ليكي ..
اروى : شنوووو !! هدى !! انتو في ياتو مستشفى ؟!😰
المتصل : ( يعني اسمها هدى ) مستشفى .... الغرفة رقم ٦
اروى : طيب شوية وبكون معاكم الله يخليك خليك معاها💔مسافة نجي بس
المتصل : اكيد في انتظاركم ..
فصلت الخط .. وجرت لي ناس وائل قالت ليهم : يا شباب💔
عاينو ليها التلاتة بخلعة
اروى : يلا معاي بسرعة هدى في المستشفى💔
وائل : نعععم !! وين في ياتو مستشفى ومالا !!
اروى : في واحد لقاها واقعة في الشارع و وداها مستشفى ...
عامر : قومو قومو يلا
كمال : ربنا يستر
وطلعو كلهم من الجامعة ركبو امجاد واتحركو على المستشفى ..
🔹🔸🔹🔸🔹🔸🔹🔸🔹🔸🔹
🍂 المستشفى 🍂
الدكتور كان مع هدى في الغرفة وبفحص فيها وبسجل في كم حاجة وبهز في راسو بي أسف ..
🔹🔸🔹🔸🔹🔸🔹🔸🔹🔸🔹
برا الغرفة كان لؤي ماشي وجاي وهو مقلق شديد عليها .. فجأة شاف بنت وتلاتة اولاد جاريين عليهو ..
اروى عاينت لي رقم الغرفة وعرفتها الغرفة المرقدين فيها هدى .. التفتت على الزول الواقف وقالت ليهو : لو سمحت انت أستاذ ؟؟
لؤي : لؤي .. اسمي لؤي .. انتي اروى ؟!
اروى : ايوة .. دي غرفة هدى صح !!💔
لؤي : اي .. حالياً الدكتور معاها جوا م ح يخليكي تدخلي ..
وائل : تسلم ي أستاذ كتر خيرك والله م قصرت😊
لؤي : العفوو م عملت غير الواجب ..
وكان ماسك شنطة هدى وتلفونها اداهم لي اروى ..
🔹🔸🔹🔸🔹🔸🔹🔸🔹🔸🔹
جوا في الغرفة .. هدى بدت تفتح عيونها .. عاينت للدكتور ونقلت نظرها في ارجاء الغرفة وهي بتحاول تعرف الجابها هنا شنو .. تاني اتذكرت انها الصباح تعبت وتاني وقعت وما حست على شيء ..
الدكتور : حمدلله على السلامة ..
هدى اكتفت بالابتسام ..
الدكتور : ممكن اسالك سوْال ي استاذة !!
هدى : اتفضل
الدكتور : انتي م بديتي في العلاج للان لي !! عارفة انو في الحالة دي التأخر في العلاج م كويس ليك ابداً وحالتك ماشة من سيّء لي أسوأ
هدى عقدت حواجبها بإستغراب وهي بتعاين ليهو بقلق وبتقول : انا عندي شنو ي دكتور ؟!😨
الدكتور لسانو اتربط ونزل راسو .. عرف حالياً انها م عارفة شيء ..
هدى : الله يخليك ي دكتور كلمني😭
الدكتور : ي استاذة انتي .. ( وسكت )
هدى بتوتر : انا شنو مالي !!💔
الدكتور : مصابة بي ورم او زي ما بقولو كانسر في الراس
هدى عاينت ليهو بخلعة .. فجأة بقت بتضحك وهي بتقول : انت بتهظر ي دكتور صح .. الله يخليك قول انك بتهظر معاي😂💔
الدكتور نقل نظرو للارض .. دلالة على انو جادي
اتلاشت ابتسامة هدى .. قالت ليهو بصوت اقرب للهمس : ممكن طلب ي دكتور !!
- اتفضلي
هدى : م عايزة اي زول يعرف بي مرضي دا ..
الدكتور وهو معارض لانو عارف حالتها ماشة سيئة جداً : بس
قاطعتو وهي بتقول : بدون بس .. دي معلومات بتخص المريض .. وأفتكر انو بدون موافقتي م مفروض زول يعرف حاجة عن مرضي او كدا ..
الدكتور م قدر يعترض لانو في الاخر كلامها صح .. قال ليها : طيب .. والقاعد برا دا منو بكون !! هو الجابك
هدى : عامل كيف !!
الدكتور : .... ( وصفو ليها )
عرفتو لؤي من وصفو .. استغربت انو هو جابها .. قالت ليهو : اا .. دا صحبي🙂
الدكتور : طيب تمام
طلع من الغرفة .. وديلك جو عليهو طوالي ..
اروى : ي دكتور كيف هدى طمنا !!💔
الدكتور : مجرد تعب وإرهاق بس محتاجة ترتاح وتآكل كويس😊وحمدلله على سلامتها💕
كلهم اتنهدو بإرتياح .. وخصيصاً لؤي الكان شايل هم الدنيا كلها فوق قلبو💔...
🔹🔸🔹🔸🔹🔸🔹🔸🔹🔸🔹
※ نهاية الحلقة الحاديةة عشر ۔۔۔ 💙✨
