* امريكا •
لؤي : ااي بعد اسبوع الاجتماع ،، ااي ح اكون في السودان وتقريباً ما بعرف ارجع تاني ولا لا عشان كدا اشرف لي على الاجتماع هنا وانا ح اتابع الشغل من هناك..
- حاضر يا أستاذ لؤي (( وانتهت المكالمة ))
جات لجين وقالت ليهو : لؤي ..
لؤي : نعم ؟!
لجين : نحن ح نسافر الساعة كم ؟!
لؤي : ٢ صباحاً كدا🙂👍🏻
لجين : اهاا يعني مساء بعد بكرا ؟!
لؤي : ايوة
لجين : طيب ،، طيب تمام💛💙
☄☄☄☄☄☄☄☄☄☄☄☄☄
* تاني يوم •
الصباح عامر اتصل على اروى .. وبعد مسافة ردت عليهوو وقالت : الوو ..
عامر : صباحوو❤️
اروى : صباح النور💙
عامر : النوم ليك لي هسي شنو صحصحي خلااص🐸👊🏻
اروى : ياخ عايزة انوم👋🌚
عامر : حبيبتي مش ماشين المزرعة قومي يلاا☹️❤️
اروى : طيب طيب😁😁 (( وانتهت المكالمة ))
~••~••~••~••~••~••~
هدى صحت وصبحت على اروى وسألتها حصل شنو وكداا .. واروى حكت ليهاا ..
هدى : شفتي كل شيء رجع تمام الحمدلله❤️
اروى بإبتسامة : الحمدلله❤️
☄☄☄☄☄☄☄☄☄☄☄☄☄
* الخرطوم •
في صفرة الفطور ..
منيرة : عمر ي ولدي صحي إيناس حا تتأخر على شغلهاا ..
عمر : اخدت إجازة الليلة
منيرة : ايواا تمام
بعد الفطور عمر طلع الغرفة لقا ايناس لسا نايمة .. حاول يصحيها بس م صحت ليهو نهائي .. بس جرا الملاية من تحتها وهي وقعت .. قامت عاينت ليهو مسافة🙄ورجعت نامت في الارض😂💔
مشا شال موية رشاها فيها حتن صحصحت ..
ايناس : عمر مالك ياخ
عمر : قومي يا ولية الليل جاا👋
ايناس : استغفر الله ياخ💔
قامت وغسلت وشها وكدا .. نزلت تشرب الشاي في المطبخ .. جاها عمر قعد معاها ..
ايناس : اه بالمناسبة امس قلتا عندك موضوع معاي ،، خير في شنو ؟!
عمر عدل قعدتو وعاين ليها وقال : ايناس ،، انا شايف انو موضوع شغلك ماف داعي ليهو ،، كفاية انا شغال يعني وماشاءالله ما محوجكم شيء😅
ايناس ختت الكباية من يدها .. سكتت مسافة قبل ما تقوول : عمر ،، انت عارف اني ما بشتغل عشان القروش ،، بشتغل لانو انا حابة كدا✋🏼
عمر : طيب بس انا شايف انك تاعبة نفسك زيادة عن اللزوم💔
ايناس : عمر ،، ماف شيء ساهل ومريح وفي النهاية انا دكتورة ف اكيد شغلي طبيعي يكون كدا✋🏼
عمر : ايناس بس
قاطعتوو وهي بتقول : عمر خلاص الله يخليك✋🏼
وقامت طلعت الغرفة وقفلتها من جوا ..
☄☄☄☄☄☄☄☄☄☄☄☄☄
* توتي •
جهزو كلهم .. ومشو المزرعة ..
// عند داليا //
داليا : ي هالة يلا ،، مش امس اتفقنا معاهم على انو نلاقيهم الصبااح ..
هالة : داليا شوفي انا عندي شغل هناك بمشي بس م بقعد معاكم وعليك الله ما تتعولقي وتعملي حركات انا م دايرة اقعد معاهم✋🏼
داليا : كويس كويس فهمت✋🏼
جهزو ومشو .. داليا سلمت عليهم وقَعَدت معاهم .. اما هالة كانت بعيدة منهم شغالة وكدا ف ما شافوها ..
وائل : داليا وين اختك ؟!
داليا : شغالة
وائل : وين ؟!
داليا اشرت ليهو بإيدها وقالت : في الجهة ديك👆🏻
وائل : اهاا ،، وما ح تجي تقعد معانا ؟!
داليا : ما اظن
وائل قام وقال ليهم : ثواني وبجيكم ..
ومشا طوالي يفتش على هالة .. لقاها قاعدة في الارض ومدياهو ضهرها وشغالة .. مشا عليها وقال : السلام عليكم
هالة اتخلعت .. قامت على حيلها والتفتت عليهو : وعليكم السلام
وائل : كيفك ؟!
هالة : بخير وانت ؟!
وائل : بخير الحمدلله ،، ليه يعني م عايزة تقعدي معانا ؟
هالة : دي داليا قالت كدا صح ؟!😒
وائل : ههههه لا انا عرفت براي ..
فضلت ساكتة مسافة قبل ما وائل يقول : طيب حصل خير ،، المهم بتعملي في شنو ؟!
هالة اشرت ليهو على الارض وقالت ليهو : زي ما شايف ،، بزرع في كم حاجة
وائل : اساعدك ؟!
هالة : بتعرف !!🙄
وائل : تقريباً ااي😅
هالة : طيب ..
وبدو يشتغلو سوى .. وبعد خلصو هالة قالت ليهو : شكراً ليك كتير😄
وائل : العفو ولو ،، يلا بعد دا اديني حقي على المساعدة دي وتعالي اقعدي معانا😂💔
هالة : اممم بفكرر
وائل : لا يااااخ احلفي🐸💔
هالة : هههه طيب ..
غسلو أياديهم ومشو على الجماعة ديلك ..
☄☄☄☄☄☄☄☄☄☄☄☄☄
نهاآية الحلقةة التاسعة والاربعوون ... 💜🎶
