عامر : بصراحة كدا ،، عايز احكي ليكم حاجة مهمة ودايركم تساعدوني فيها😁😁
وائل وكمال عاينو لبعض ورجعو عاينو ليهو : احكي سامعنك😐😐
عامر : انا بحب اروى لي ٣ سنين وما حصل اعترفت ليها لي هسي😅😅
وائل : شوف الحيوان دا ،، ولي م كلمتنا من زمان😒😒
كمال : لا ،، وما اعترفت ليها لي هسي لييه !!😐😐
عامر : والله ي جماعة م اقول ليكم اني م بحب الارتباط ،، بس يعني خفت انو لو ارتبطنا وحصلت مشكلة نخسر بعض ،، عشان كدا قلتا تخلص الجامعة وأوريها ،، ولو طلع لي نصيب معاها امشي زول عرس عديييل🌚🙌🏿
وائل : اها وبعدين !!😐😐
عامر : يلا شوفو دي اخر سنة ،، والسنة دي بدت قريب يعني لسا فاضل شهور طويلة ،، وانا م قادر انتظر وعايز اعترف ليها ،، يلا دايركم تساعدوني😅😅
وائل : امممم ،، بس كدا !! بسيطة اعتبرها محلولة ،، بس هي بتحبك ؟!🤔🤔
عامر : والله م عارف ،، انتو عارفنها هي وناسة وظريفة بس نهائي م بتبين او بتقول لي زول شيء😑😑
كمال : ي زول ان شاء الله خير🐸💔
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
🌸 توتي 🌸
شالتهم الونسة وداليا م حست بالوقت..
داليا : الساعة كم ي اسيا ؟!🤔🤔
اسيا كان عندها ساعة يد صغيرة طلعتها من الدرج وقالت ليها : الساعة ١٠م يادوب😀😀
داليا : يادوب كمان ،، انتي مجنونة ي بت لازم ارجع البيت😨😨
اسيا : ياخ خليكي نومي معانا الليلة☹️☹️
داليا : بس م كلمت اهلي😅😅
اسيا : عادي نتصل عليهم هسي المشكلة شنو🐸💔
داليا : طيب😅😁
اسيا كلمت ابوها .. وهو اتصل على الصادق ابو داليا كلمو و وافق..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
🌸 الخرطوم 🌸
وائل : اها ي شباب انتو ناويين تبيتو هنا ولا شنو😅😅
كمال : صح والله ،، الوقت إتأخر ،، يلا نرجع بعد دا🐸👋
وائل : ارح اوصلكم🌚👋
ركبوو مع وائل و وصلهم بعدها رجع البيت .. دخل وسلم على اموو..
منيرة : شنو ي ولدي إتأخرت كدا😰😰
وائل : كنت مع أصحابي وما حسينا بالوقت😎😎
منيرة : طيب امشي المطبخ الاكل جاهز خلي حواء تسخنو ليك اكل واطلع نوم🙂🙂
وائل : خلاص طيب😌😌
كلم حواء وطلع غرفتو غير وصلى العشاء .. ونزل اكل وبعدها دخل غرفة سهى لقاها بتلم في كتبها من السرير..
وائل : حبيبه عموو😍😘
سهى التفتت عليهو وجرت حضنتوو..
وائل : لي م نمتي لسا ؟!😕😕
سهى : كنت بذاكر وخلصت هسي🙂🙂
وائل : ايوااا شاطرة ،، يلا ارقدي نومي بعد دا🌚👋
سهى : حااضر ،، تصبح ع خير ي عموو🐸❤️
وائل : وانتي بخير حبيبتي😘😘
طلع من غرفتها وقفل الباب وراهو .. طلع غرفتو وخت تلفونو في الشاحن جهز حاجاتو ورقد ناآم۔۔
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
🌸 توتي _ ١٢ ونص بليل 🌸
كانو كل ناس البيت نايميين .. وداليا فضلت صاحية م جاها نوم .. طلعت قعدت برا في النجيلة وبقت سرحانة في النجوم .. سمعت صوت خطوات وراها التفتت بسرعة لقتو سعد..
سعد : اسف م اكون ازعجتك ؟!😅😅
داليا : لا ماف ازعاج ،، عادي😅😅
سعد : ممكن اقعد معاك ؟!🤔🤔
داليا : اتفضل😊😊
وقعد على مسافة منها .. كانو الاتنين ساكتين .. ومر وقت وهم على الحالة دي قبل م ينطق سعد ويقوول..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نهاية الحلقة الحاديةة عشرر ... 💜🎶
