* توتي •
كانو هالة وداليا وحسن قاعدين في الصالة وبتونسو سوى .. جاتهم ابتهال ومعاها الصادق ..
الصادق : داليا ي بتي ،، بعد دا مفروض تبدي تجهزي ،، عرسك قرب😁💙
ابتهال : اي ي بتي ،، امشي انتي وهالة السوق وخلي حسن يمشي معاكم ،، جيبي حاجاتك اللازماك وتعالي ،، وانا بعدين بمشي بجيب ليك بقية حاجاتك💜💙
داليا : طيب ي امي😊❤️
☄☄☄☄☄☄☄☄☄☄☄☄☄
* الخرطوم •
اروى كانت بتشرب في الشاي بمزااج .. بس فجأة جاتها رسالة في التلفون .. قرتها وكان مكتوب (( صدقيني مهما عملتي م ح اخليك في حالك ))
اروى بينها بين نفسها (( لالا مستحيل يكونو اولاد ساي ،، اكيد في حاجة ))😰💔
اتصلت على هدى وكلمتها انها جاياها هسي ..
هدى : خير ،، مش كنت جاياكي انا العصر😰💔
اروى : اي بس غيرت رأيي وعايزة اجيكي انا😅💔
هدى : طيب منتظراكي❤️❤️
اروى فصلت الخط وقامت تجهز .. اما هدى قامت رتبت الغرفة وكدا ..
☄☄☄☄☄☄☄☄☄☄☄☄☄
* امريكا •
مشت وقَعَدت جمب اخوها وهي بتبكي .. ضماها عليهو شديد وقال ليها : بعرف حبيبتي ،، بكرا حا تكون تمت سنة على وفاة امي وابوي💔💔
لجين بكاها زاد وبقت بتشهق .. لؤي حاول يهديها بس بدون فايدة لغاية ما براها بعد مسافة تعبت ونامت ..
جاهو اتصال عاين لي لجين ولقاها نايمة .. قام براحة وشال تلفونو طلع الصالة ورد على الاتصال ..
المتصل : لؤي ،، كيف صحتك❤️❤️
لؤي : ود العم ،، بخير والله ،، وانت❤️❤️
المتصل : بخير والله ،، ما ناويين تجو السودان بعد دا🌚❤️
لؤي : ما ح احاول اجي قبل ما لجين تبدأ تتأقلم مع فكرة انو امي وابوي ماتو ،، لسا الموضوع دا مؤثر عليها شديد😔💔
المتصل : ان شاء الله شوية زمن وبتتأقلم ،، م اشغلك ي زولي ،، يلا سلام❤️❤️
لؤي : مع السلامة❤️❤️ (( وانتهت المكالمة ))
* لؤي .. شاب في منتصف العشرينات .. وشغال في مجال الشركات وكدا وزول معروف وشغلو ممتاز .. عندو اخت واحدة اصغر منو اسمها لجين .. اتخرجت من الجامعة قريب .. وهم حالياً ساكنين في امريكا .. لانو بعد حادثة وفاة امهم وابوهم لجين حالتها النفسية اتدهورت .. فقرر يسوقها ويجي بيها امريكا ويبعدها عن السودان شوية 💔💔 •
☄☄☄☄☄☄☄☄☄☄☄☄☄
* الخرطوم •
خلص دوامهم في الجامعة .. قبل ما يطلعو .. زياد اتصل على رنا وكلمها انو ح يجي يسوقها من الجامعة .. طلعو و وقفو برا هي ولين .. بعد مسافة جا زياد .. مشت رنا ومعاها لين سلمت على زياد و ودعت رنا .. و زياد كان بعاين لي لين لغاية ما ركبت في العربية التانية ومشت ..
رنا : خير اتذكرتني من وين الليلة😂💔
زياد : والله لينا زمن م طلعنا سوى ،، قلتا اجي اسوقك ونمشي نقعد لينا في مطعم ظريف ،، رأيك شنو ؟!😍❤️
رنا : اوكي طوالي😍❤️
و إتحركوو .. مشو قعدو في مطعم راقي كدا طلبو وقعدو يتونسو سوى ..
☄☄☄☄☄☄☄☄☄☄☄☄☄
* توتي •
هالة و داليا مشو السوق ومعاهم حسن .. جابو حاجات كتيرة وبعدها رجعو البيت .. وحسن كان عامل ليهم مفاجأة وجاب لي اي واحدة تلفون .. انبسطوو شديد وشكروهو .. وبعدها قعدت داليا مع امها اتناقشو في كم شيء .. وبعد مسافة ابتهال طلعت ومعاها الصادق مشو السوق يجيبو كم حاجة ..
☄☄☄☄☄☄☄☄☄☄☄☄☄
* الخرطوم •
اثناء ما قاعدين بياكلو وبتونسو سوى ..
رنا : زياد🌚💜
زياد : ايون🐸💚
رنا : ممكن نمشي لي ناس عمو علي ؟؟😆❤️
زياد : مش مشينا ليهم قبل كم يوم ؟!🤔🤔
رنا : ااي بس اشتقت ليهم ،، خلينا نمشي عليييك الله عشاني☹️💔
زياد : طيب طيب ،، نكمل اكلنا ونمشي ،، تمام ؟!🌚💜
رنا : تمام😍❤️
اكلو وبعد خلصو إتحركوو على بيت ناس وائل ..
☄☄☄☄☄☄☄☄☄☄☄☄☄
* غرفة وائل •
قاعدين بتونسو هو وكمال وعامر .. جاتهم منيرة كلمتهم انو ينزلو يسلمو على زياد و رنا ومشت .. كمال قام وشال عطور وائل كلها اتعطر بيها و وقف قدام المراية بقا يظبط في قميصو وحركات ..
كمال : احم مرتي جات لازم تشوفني بطريقة حلوة😂❤️👋
وائل : استهدي بالله متين بقت مرتك😂❤️
عامر : خليهو دا مجنون ساي😂💔
بعد ما اتظبط وحركات نزلو الثلاثة وطبعاً كمال قدامهم .. اثناء ما نازلين في السلم رفع عينو وعاين لي رنا وبقا مركز معاها وفي اخر عتبتين اتعتر وجا واقع .. و وائل وعامر بدل يرفعوهو وقعو وراهو من الضحك .. إتحرج شديد وقام على حيلو .. مشو وسلمو عليهم وقعدو سوى .. بقو بتونسو كلهم .. الا كمال كان مركز مع رنا البتعاين كل شويتين لي وائل بنظرات م قدر يفسرها ..
كمال بينو وبين نفسو (( معقولة بتحب وائل ،، لا ياخ م اظن ))
وبقا مركز معاها وهو بعاين ليها شديد ..
☄☄☄☄☄☄☄☄☄☄☄☄☄
نهاآيةة الحلقةة الراآبعة والثلاثووون ... 💜🎶
