* الخرطوم •
لين كانت قاعدة في غرفتها .. جاها اتصال وردت عليهوو ..
لين : اهلاً ،، اها كيف ماشة الخطة ؟؟
- تمااام م تخافي
لين : الحمدلله ،، طيب وما عرفت الحصل شنو ؟!
- لا بس لسا م إتكلمت مع ميسون عشان اعرف منها
لين : اهاا تمام (( وانتهت المكالمة ))
☄☄☄☄☄☄☄☄☄☄☄☄☄
* مطار امريكا •
لؤي : اي ي عمتو بتول خلاص بعد دا راكبين الطيارة..
بتول : يلا ي ولدي ،، تصلو بالسلامة💜
لؤي : الله يسلمك💙 (( وانتهت المكالمة ))
☄☄☄☄☄☄☄☄☄☄☄☄☄
* توتي •
ميسون : عفواً ،، وائل انتو الحاصل شنو ،، حتى اروى و هدى جوني الصباح🙄🙄
عامر : ي جماعة فهموني🙄🙄
اروى فتحت الصور وأدت التلفون لي عامر : شوف
شاف الصور وعاين لي ميسون : دا شنو ،، دا منو الصورنا دا ؟!
ميسون : علمي علمك
في اللحظة دي سمعو صوت كمال بقول : شباب✋🏼
كلهم التفتو عليهو ..
كمال : عامر واروى انتو بالذات اسمعو كلامي دا كويس ،، لين اختي طلعت بتحبك ي عامر من زمان ..
اروى وعامر والباقيين بقو يعاينو لي كمال بخلعة😨
كمال : عارفكم مصدومين ،، بس ي جماعة رنا حكت لي الحاصل وطبعاً هي صحبت لين ،، وقالت ح تعمل اي شيء عشان تكسبك ي عامر ،، يعني الرسالة والصور الكنتو بتتكلمو عنهم هسي والحاجة الحاصلة دي سببها لين اختي ،، بجد م عارف اقول شنو ،، اسف يااخ💔
عامر : م غلطت انت ي زول❤️
اروى : اذا كدا ،، ميسون م عندك شيء تقوليهو ؟!
ميسون : امم بصراحة ي جماعة ،، مسعود اتصل علي وقال لي الفي اي موضوع لي عامر عشان تقابليهو وخلي اي زول يصوركم مع بعض وقدر ما سالتو لي قال لي بس انتي اعملي زي ما قلتا ليك ،، و والله عشان هو قريبي م افتكرت الحاصل كدا ،، اسفة💔
هدى : حصل خير ،، المهم هسي اروى عرفتي الحاصل !!
اروى : ااي😁😁
وبعدها دخلو المبنى واي جماعة مشت على غرفتها ..
كمال اتصل على لين وشاكلها بس ما وراها انو رنا كلمتو ولا هي اصلاً عارفة انهم بقو اصحاب .. اما عامر اتصل على مسعود واتشاكل معاهو مسافة قبل ما يكلمو انو كل الصداقة البينهم انتهت .. كان مصدوم شديد انو هو عمل الحاجة دي ..
☄☄☄☄☄☄☄☄☄☄☄☄☄
* الخرطوم •
سهى جات داخلة البيت .. وسلمت على حبوبتها .. وبعدها مشت غرفتها ونامت .. ولانها مفتكرة انو امها وابوها في الشغل ف ما طلعت تسلم عليهم ..
☄☄☄☄☄☄☄☄☄☄☄☄☄
* مر اليوم _ الساعة ٧ ونص مساء •
هالة : داليا يلا نمشي المزرعة👋
داليا : اممم عندي حاجات عايزة اعملها بلحقك بعد شوية✋🏼
هالة : طيب
جهزت سرعة وطلعت .. وصلت المزرعة وبقت بتعاين يمينها وشمالها وهي ماشة كأنها بتفتش على حاجة معينة .. او بالاحرى بتفتش على وائل ..
بعد شوية كانو في ناس كتار متحركين على المبنى .. وشافت ناس عامر وكمال و وائل و اروى وهدى معاهم .. عرفت انهم مشو يشوفو مشاريع تانية وكدا وجو راجعين .. وائل لما شافها من بعيد بقا يعاين ليها مسافة .. وهي نفس الشيء..
☄☄☄☄☄☄☄☄☄☄☄☄☄
نهاية الحلقة الثالثة والخمسوون ... 💜🎶
