وقف مسافة ٤ دقائق قبل ما تجيهو لجين طالعة .. ساقها واتحركو على البيت البيت ..
لجين : واااو مفرشها رهيب😍🔥
لؤي : تسلمي❤️اها عايزة نرجع البيت ولا نمشي مكان تاني ؟!🌚
لجين : امممم .. خلينا نمشي بارستا🐸🔥
لؤي : الفي شارع النيل !!🤔
لجين : بس ياهوو🤓
لؤي : اووكي ي ستي🐸
🔹🔸🔹🔸🔹🔸🔹🔸🔹🔸🔹
🍂 بيت كمال 🍂
جو عامر و وائل داخلين .. وسلمو على ام كمال .. وكلمتهم انو كمال في غرفتوو .. طلعو ليهو وفتحو الباب لقوهو في المصلاية ..
وائل : كمال ..
كمال التفت عليهم .. قام من المصلاية وهو مبتسم .. وقال ليهم : ايوة .. جيتو متين !!😄
عامر : وين انت ي زول .. اختفيت فجأة كدا قلبنا عليك الجامعة كلها😓
كمال : تعبت شوية عشان كدا جيت هنا ارتاح😅
وائل : ولي ما بترد على تلفونك ؟!
كمال : كنت عاملو صامت وما اتذكرتو تاني😅اتفضلو اقعدو👋
عامر و وائل كانو مستغربين من تصرفاتو الهادية دي .. وما كانو عارفين انو سمع اي شيء قالوهو ..
عامر : كمال .. مالك انت !😓
كمال : لا ولا شيء .. مالي يعني ؟! اللهم صحي ي وائل .. ما حكيت لي الحصل شنو امس في موضوع رنا ؟!
وائل سكت مسافة قبل ما يقول بتردد وقلق واضح : كمال بصراحة .. ب بصراحة يعني
كمال : طلعت بتحبك ؟ صح😊💔
فجأة الاثنين عاينو ليهو بخلعة😳
كمال : سمعتكم لما كنتو بتتكلمو في الجامعة ،، وائل لي م وريتني من امس وانت عارف اني قاعد على أعصابي في الموضوع دا !!💔
وائل لاحظ لنظرات الانكسار في عيونو .. وبقا حاسي انو بسبب الموضوع دا ح يخسرو .. إتردد مسافة قبل م يقول : يا كمال انا بس ..
قاطعو كمال وهو بقول : شوف .. صح انا حبيتها واي شيء .. وهي في الاخر طلعت بتحبك .. بس انت ما ليك ذنب في الموضوع .. انا متاكد انك كنت مقلق من ردة فعلي وانو ممكن ازعل واتضايق منك .. صداقتنا ياها صداقتنا وماف شيء بغيرها ولا حتى حبي لي اي بت✋🏼💜
وائل : كمال انا ..
فجأة كمال قام وحضنو وقال ليهو : انت صاحب م بتتعوض ياخ❤️
عامر : ممكن حصة معاكم ولا لا🌚👋زحو كدا😂💔
ودخل في نصهم .. قعدو يضحكو الثلاثة وقلبوها ونسة ..
🔹🔸🔹🔸🔹🔸🔹🔸🔹🔸🔹
🍂 المغرب _ توتي🍂
هالة و داليا طلعو المزرعة سوى .. وقعدو يتونسو فيها ..
هالة : عارفة ي داليا .. حاسة كأنو وائل شال معاهو روح المزرعة دي ومشا .. اشتقت ليهو ياخ💔
داليا : اكيد اذا ليكم نصيب سوى ح تتلاقو ح تتلاقو تاني😍❤️
هالة : ان شاء الله يااخ💜
🔹🔸🔹🔸🔹🔸🔹🔸🔹🔸🔹
🍂 بيت الطاهر 🍂
لين كانت بتتغدا مع رنا و أمها وبتونسو الثلاثة .. جا زياد داخل البيت وسمع اصواتهم .. بس م عرف انو لين معاهم .. لما دخل يسلم عليهم وشافها .. قلبو اشتغل دلوووكة😍👏ومشا يسلم عليهم والضحكة للضرس😁
رنا طبعاً عارفاهو منبرش فيها اول ما شافتو قعدت تضحك ..
لين : مالك !!🌚
رنا : ولا شيء😂
زياد حمر لي رنا وطلع غرفتو استحمى وغير وصلى ..
اما لين جاها السواق ورجعت بيتهم ..
🔹🔸🔹🔸🔹🔸🔹🔸🔹🔸🔹
※ نهاية الحلقة الثامنة ۔۔۔ 💙✨
