🍂 بيت بتول 🍂
لجين و لؤي جو داخلين البيت يادوب .. سلمو على عمتهم .. ولجين طوالي طلعت غرفتها .. صلت و رقدت نامت .. كانت تعبانة شديد من حوامتها في الجامعة مع ملاذ .. اما لؤي قعد يتونس مع عمتو .. وبالنسبة لي صالح كان قاعد في الغرفة براجع في كم حاجة قبل ما يطّلع ويقعد يتونس معاهم ..
🔹🔸🔹🔸🔹🔸🔹🔸🔹🔸🔹
🍂 بيت كمال 🍂
وائل : يلا ي شباب بعد دا .. انا راجع✋🏼
كمال : بدري ياخ..
وائل : والله فترااان وابوي زاتو م لاقيتو من جيت من الرحلة تتخيل .. ماشي اشوفو واقعد معاهو..
عامر : انا زاتي اطلع معاك ..
كمال نزل يقدمهم للباب .. ودعو ام كمال .. لما جو طالعين لين جات داخلة البيت وشافتهم .. في اللحظة الشافت فيها عامر بالذات اتلخبطت وحست بي شيء مكسور جواها💔وخجلااانة منو .. سلمو عليها ..
لين : عامر .. لو سمحت عايزاك ثواني ..
عامر : طيب
طلعو النجيلة ..
لين : انا اسفة على كل السويتو💔
عامر بإبتسامة : ولا يهمك ي ستي حصل خير .. المهم انك عرفتي غلطك وبس😊
لين : طيب .. اذا عايزني اصدق انك سامحتني عايزة منك طلب بسيط !!
عامر : اتفضلي ..!
لين : سامح مسعود💔
عامر سكت مسافة وملامح وشو بدت تدل على الحزن الجواهو من تصرف صحبو .. قال ليها : اسف .. بس دي صعبة✋🏼
لين بصوت مترجي : الله يخلييييك🙏🏻
وبقت بتحنس فيهو وقت .. حتى بعد عذاب وافق .. انبسطت شديد وشكرتو و دخلت البيت ..
وبعدها عاامر و وائل طلعو سوى .. واتفرقو في نص الشارع واي زول مشا على بيتوو ..
🔹🔸🔹🔸🔹🔸🔹🔸🔹🔸🔹
🍂 بيت علي 🍂
وائل جا داخل وسلم على امو وابوهو .. كانو قاعدين في الصالة .. وقعد معاهم ..
علي : مشتاقين والله ي وائل🌚
وائل : بالاكتر ي ابوي والله🌚✋🏼
علي : اها كيف كانت الرحلة !!🤔
وائل : تمااام الحمدلله💕ظريفة شديد ..
علي : الحمدلله ،، اها جدول امتحاناتكم م طلع ؟!
وائل : قالو بنزل بكرا ان شاء الله ..
علي : ايواا تمام والله ..
وجرو الونسة سوى ..
🔹🔸🔹🔸🔹🔸🔹🔸🔹🔸🔹
🍂 بيت الطاهر 🍂
زياد مشا لي رنا في الغرفة .. دخل ومشا عليها .. قرصها في اضانها قبل م يقول : انتي ي حيوانة ما كان تكلميني انها جاية عشان اجي البيت بدري .. لا وكمان بتضحكي وبتعايني لي قدامها .. فضحتيني🙂
رنا : اااي ( متألمة ) فكني ..
وقَعَدت تضحك .. فكاها وقعد قصادها في السرير ..
زياد : اها ما فاتحتيها بالموضوع ؟!
رنا : لسا والله😅
زياد : منتظرة شنو🌚يعرسوها يعني !!
رنا : اسفة والله نسيت بس .. لكن بفاتحها بالموضوع خلاص🌚✋🏼
زياد : متيييين😑
رنا : شوية وبتصل عليها اتكلم معاها ..
زياد : تمام
وبعدها طلع مشا غرفتوو ..
🔹🔸🔹🔸🔹🔸🔹🔸🔹🔸🔹
🍂 بيت كمال 🍂
لين مشت لي اخوها في الغرفة ..
لين : اها حصل شنو ؟!
كمال بصوت مبحوح حاول يخليهو طبيعي .. قال : طلعت بتحب وائل💔
لين نططت عيونها وهي بتقول : نعععم😳؟؟ كمال انت بتهظر صحح !!
كمال عاين ليها وابتسم ابتسامة مكسورة قبل ما يقول : باين علي بهظر يعني ؟!💔
لين : اممم ..
كمال : خليك من دا .. وريني كنتي عايزة عامر في شنو ؟!
لين : ...... ( حكت ليهو )
كمال : ايوااا لالا تمام
في اللحظة دي لين سمعت تلفونها بضرب .. جرت على غرفتها وشالتو .. عاينت للمتصل بسرعة قبل ما ترد على المكالمة ..
🔹🔸🔹🔸🔹🔸🔹🔸🔹🔸🔹
※ نهاية الحلقة التاسعة ۔۔۔ 💙✨
