قروية

٣٢

. 

* بيت بتول *

اثناء ما قاعدين في النجيلة وبتونسو وبضحكو سوى..
صالح : لجين
لجين : ايوة
صالح : ممكن أسألك سؤال
لجين : اتفضل
صالح : انتي بتحبي !!
لجين بتوتر : ااه !! ليه السؤال دا !!
صالح : سؤال عادي بس..ممكن اعرف
لجين : ممكن تقول ااي .. وانت !!
صالح : كمان ممكن تقولي ااي
لجين بغيرة مع توتر وزعل حاولت تخفيهم بإبتسامة : امم اها حلو
ورجعو كملو ونستهم واي واحد فيهم بفكر يا ربي التاني قصدو منو او بحب منو !!

~••~••~••~••~••~••~••~••~••~••~

* توتي *

هالة كانت قاعدة تغسل في العدة ..واول ما خلصت مشت وقعدت مع داليا في الهول..
هالة : يا داليا
داليا : نعم
هالة : اشتقت لي وائل والله
داليا : اممم .. انتي بتحبيهو صح
هللة : دايرة الصراحة .. بموت فيهو مش بحبو ساي
داليا : يلا يلا بعد دا لازم تبيني ليهو مشاعرك دي
هالة : كيف
داليا : اهتمامك .. وحاجات زي كدا المهم انتي وطريقتك
هالة : اممم
داليا : مالك
هالة : ولا شيء ؛؛ بس بفكر معقول انا و وائل يجي يوم ونكون فيهو لبعض !!
داليا : كل الموضوع دا نصيب بس ان شاء الله يكون نصيبك البتحبيهو
هالة : اميين يا رب
وبعدها دخلو المطبخ سوو كم حاجة ظريفة ختوها وبقو يتونسو سوى ..

~••~••~••~••~••~••~••~••~••~••~

* الخرطوم _ المغرب *

جات سهى داخلة تووووشك غرفة عمها
سهى : عمو وائل .. قووووم
وائل : افف يا سهى في شنو يا عمو مالك
سهى : اصحابك جو
وائل قام ناطي بخلعة : اصحابي منو بسم الله
بس جا جاري ونازل السلم تحت سريع يشوف في شنو
ولقا الجماعة قاعدين وطبعا ناسي اي شيء
وائل بخلعة : انتو الجابكم هنا شنو !!
عامر : يا ود انت اهبل ولا جنيت !! مش قلتا لي قبيل في التلفون نتلما هنا
وائل : متين دا نحن كنا متفقين نطلع مكان مش تجوني في البيت هنا
عامر : لا اتصلت عليك وقلتا لي نجيك هنا
وائل حك راسو وضحك قبل ما يقول : بالله
اما هدى بتعاين فيهو من سكااات وحاسة دقات قلبها مسموعة لكل الحولينها..حبها المخبياهو طيلة الفترة دي..وشكلو وهو صاحي وشعرو منكوش كدا وتصرفاتو المجنونة دي خلت رعشة غريبة تسير في جسمها وهي بتعاين ليهو..

جات منيرة طالعة من غرفتها وسلمت عليهم ..ومشت قرصت وائل قرصة خفيفة في اضانو وهي بتقول : يا ولد ليه ما كلمتني انو اصحابك جايين عشان اعمل ليهم حاجات
وائل : هييي يا امي ديل ما محتاجين يعملو ليهم شيء هسي ممكن يخشو المطبخ براهم ويعملو العايزنو
منيرة وهي بتضحك : والله ما عارفة زاتو اقول ربنا يعوضني فيك ولا اقول شنو الحمدلله بس

كلهم قعدو يضحكو قبل ما وائل يطلع يرتب نفسو شوية ورجع ليهم طلعو كلهم نجيلة البيت الخلفية وبقو قاعدين وبتونسو ويضحكو سووى ..

~••~••~••~••~••~••~••~••~••~••~

#نهاية_الحلقة_{ 32 }