كانو في ناس كتار متحركين على المبنى .. وشافت ناس عامر وكمال و وائل و اروى وهدى معاهم .. عرفت انهم مشو يشوفو مشاريع تانية وكدا وجو راجعين .. وائل لما شافها من بعيد بقا يعاين ليها مسافة .. وهي نفس الشيء..
رجعو المبنى .. وهالة كان نفسها وائل يجي ويقعد معاها .. قعدت في الارض وبقت بتلعب بالتراب وبترسم فيهو .. سمعت صوت بقو ليها : مساء الخير..
التفتت لقتو وائل .. اتوترت شديد وقامت على حيلها وهي بتعاين ليهو ..
وائل : خير مستنية زول ولا شنو ؟؟
هالة : لا ابداً ،، لي ؟!
وائل : امم ولا شيء .. خلينا نقعد
وقعدو سوى ..
☄☄☄☄☄☄☄☄☄☄☄☄☄
* عند هدى •
كانت زهجانة وحبت تتونس مع اروى مشت لقتها بتتونس مع عامر بالتلفون فما حبت تقاطعهم .. لبست عبايتها وطلعت تتمشى .. ومشت لغاية ما وصلت المزرعة .. من بعيد شافت اثنين قاعدين مع بعض .. عرفت انو دا وائل بس البت المعاهو منو م عرفتها .. اتضايقت بس م مشت عليهم ورجعت المبنى طوالي ..
☄☄☄☄☄☄☄☄☄☄☄☄☄
وائل : بالمناسبة ،، نحن راجعين السبت يعني بعد بكرا ..
هالة بخلعة : بعد بكرا !!😳😳
وائل : ااي ،، مالك مخلوعة كدا😏
هالة انتبهت على نفسها وقالت : اا ،، لا ،، لا ولا شيء😅 ( بينها وبين نفسها اتضايقت شديد وظهر في ملامحها )
وائل : تصدقي ،، م نفسي ارجع الخرطوم ..
هالة وهي منتبهة ومركزة معاهو شديد : ليه ؟!
وائل : حبيت المكان هنا شديد
هالة : تاني ح تجو هنا🌚
وائل : كيف عرفتي !!🙄
هالة : كل دفعة كانو بجو كل سنة مرتين ..
وائل : ايوااا
هالة : بترجعو الساعة كم ؟؟
وائل : الصباح زي الساعة ٧ او ٨ كدا
هالة : ايواا
وائل : اه صح ،، بالمناسبة بتقري وين انتي وتخصصك شنو وسنة كم وكداا !
هالة : امم انا قريت الاساس والثانوي بس م قريت جامعة
وائل : اهاا ،، طيب عمرك كم ؟!
هالة : ٢٠ سنة
وائل : هههه شافعة ،، اصغر مني بي ٤ سنين😜
هالة : ما انا الصغيرة انت العجوز ع فكرة😌
وائل : هه ،، ظريفة👊🏻
هالة : بايخ👊🏻
وضحكو سوى ..
☄☄☄☄☄☄☄☄☄☄☄☄☄
* الخرطوم _ المطعم •
عمر وإيناس كانو قاعدين سوى وآخر ونسة وحبكانيات😍 .. فجأة سمعو صوت بقول : ايناس !! معقولة !!😳
التفتو وإيناس قامت وقالت : نجااااة😳
وسلمو على بعض بالاحضان ..
ايناس : وينك ياخ ،، والله سالت اي زول منك ،، معقولة ياخ ٣ سنين ماف ليك خبر❤️
نجاة : والله تقولي شنو ،، سافرت لي راجلي في السعودية وبالمرة بقيت قاعدة هناك ،، عارفة انو الهادي ( راجلها ) شغلو في السعودية وياهو كان دايرني اقعد معاهو ..
ايناس : ايواا ..
وبقو بتونسو سوى وبعد مسافة نجاة مشت وإيناس رجعت قعدت مع عمر ..
( نجاة صحبت ايناس من ايام الجامعة )
عمر : بالنسبة لي انو يععننني😒
ايناس : شنو ؟!🙄
عمر : نحن جايين هنا عشان نكون برانا ما عشان تتونسي لي مع صحبتك😑
ايناس : اجي ،، كلها الوقفة دي بس😀
عمر ضيق عيونو وقال ليها : متأكدة انها وقفة بس !!
ايناس : غايتو انت😌
عمر : اصبري حسابك معاي بعدين ،، مراة م نافعة😒👋
ايناس : انا م نافعة ،، سممممح كويس👊🏻
عمر قعد يضحك .. وبقو بتونسو وكدا ..
بعدها مشو شارع النيل وبقو بتمشو مع بعض .. شربو ليهم شاي حتى رجعو البرج ..
ايناس غيرت ورقدت في السرير كانت تعبانة شديد ..
عمر : هوي ها ✋🏼
ايناس : خيرر🙄
عمر : انا جايبك هنا عشان تنومي لي !!🙄
ايناس : تعبانة ياخي بنتونس بكرا🐸👋
عمر : اهاااا لالا كويس شديد قلتي لي تعبانة😈
وبدأ يقرب منها ..
ايناس بضحكة : عمر م وقتك ياخي👊🏻💔
وعلى كدا نخليهم براهم ..
☄☄☄☄☄☄☄☄☄☄☄☄☄
نهاية الحلقة الرابعة والخمسون ... 💜🎶
