~~~~~~~~~~~~~~
وائل اول ما وصل البيت دخل غرفتو طوالي .. بعد مسافة جات امو ونادتو للغداء
وائل : شكرا ما عايز
منيرة : يا ولدي انزل اكل ليك لقمتين
وائل : امي لمن اجوع بنزل اكل هسي م عايز شيء
منيرة : طيب براحتك
لما نزلت ليهم سالها عمر : وين وائل !!
منيرة : قال م عايز ياكل
علي : خلوهو دي حركات منو ساي لو ما اكل سنة لقدام عرس منو للبت ديك ماف
منيرة : يا علي انت ما تعقد الامور
علي : اقسم بالله زول غيرك معقد الموضوع ماف انتي دايرة شنو يعني لمن يجو اولادو بعدين يعرفو انو امهم ما متعلمة ولا انا زاتي اقول للناس مرت ولدي ما قارية جامعة و واحدة غبية
منيرة : استغفر الله استغفر الله
قعدو وبقو يااكلو .. الا سهى الكانت فاقدة عمها شديد قامت وجابت صحن كبت فيهو كم حاجة .. وطلعت ليهو
دقت الباب قبل ما يجيها صوت وائل وهو بقول : اتفضل
مدت راسا من الباب وهي بتضحك قبل ما تقول : ممكن اخش يا عمو !! (( دي احلى زول في الرواية والله😂 ))
وائل : حبيبة عمها خشي خشي
جات قعدت جمبو وهو بيضحك معاها قبل ما يقول : يعني هسي انتي يا حلوة بدوني انا ما بتاكلي مش
هزت رأسا بالإيجاب وهي بتضحك قبل ما تديهو لقمة في خشمو ويبدو ياكلو ويضحكو سوى ..
سمعو صوت الباب بدق قبل ما وائل يقول : اتفضل
دخلت روان .. و وقفت مسافة قبل ما تقول : عارف يا ولي السفرة بدونك بايخة وما قدرت اكل اي شيء
سهى وهي بتصر وشها وبتعاين لعمها : كذااابة كانت بتاكل في مكرونة تحت🐸 (( الشفع ديل مرات منهم فايدة😂😂 ))
روان بإحراج : لالا ما هو بس كانت لقمتين يعني المهم يعني خلاص ما أزعجكم
وطلعت بسرعة ..
وائل قعد يضحك قبل ما تقول ليهو سهى : عمو انت البت دي بتتكلم كدا مالا😀
وائل : عيانة في لسانا خليها ما تشغلي بالك كتير ..
وتمو ونستهم وضحكهم سوى
🍂🍂🍂🍂🍂🍂🍂🍂🍂🍂🍂
قبل ما ينوم .. شال تلفونو ولقا ٧ مكالمات منها .. شرد وهو بفكر مسافة قبل ما يرجع ليها .. جاهو الجرس مسافة قبل ما تقول : الو
وائل : اهلاً
هالة : وائل وين انت معقولة كم مرة اتصلت عليك
