مر اسبوع وخرجو الشباب من المستشفى .. و زي ظرف ٣ ايام بس الناس داخلين وطالعين في بيوتهم .. واتحسنو كتير الحمدلله ..
في يوم .. وائل كان قاعد في غرفتو وراقد في السرير .. اثناء ما هو بعاين للسقف وبفكر في هالة
قال : ي ربي عرفت بالحصل ولا لأ !!
سرح مسافة .. الباب دق ..
- اتفضل
جات داخلة ايناس .. اتطمنت عليهو ورجعت طلعت ..
🔹🔸🔹🔸🔹🔸🔹🔸🔹🔸🔹
🍂 بعد ٤ ايام 🍂
يوم الاربع .. وائل كان في غرفتو ومعاهو عامر وكمال ..
وائل : ي شباب .. تلفوناتنا راحت فيها يوم الحادث .. وهَسي ماف عمل غير اننا نمشي نشتري تلفونات
كمال : بس انا هسي م شايل قروش
عامر : ولا انا .. قروشي في البيت
وائل : دا كلام عليكم الله !! نمشي هسي نغشى بيوتكم نجيبها وخلاص بس
عامر وكمال : طيب
أجرو أمجاد ومشو شالو قروشهم واتحركو على المحل .. بعد خلصو كل حاجة رجعو البيت وختو الجوالات في الشاحن .. وقعدو سوى ..
وائل : ي شباب .. انتو عارفين انو الامتحانات فضل ليها اسبوع ونحن ما عارفين اي شيء🙄
كمال : جد والله ..
عامر : اها والعمل هسي عشان نلحق !!
وائل : رأيكم شنو الاسبوع دا تبيتو معاي ؟ منها بنشجع بعض ومنها بنقرا سوى !!
عامر : زيت والله موافق
كمال : طيب تمام جميل ، خلاص بكرا بعد الجامعة نرجع معاك من هناك
وائل : تمام ..
وبعدها اي زول رجع على بيتو ..
وائل كان قاعد كدا وبحاول يتذكر في رقم هالة .. حفظو يوم ادتو ليهو بس الرقم الأخير بقا رايح ليهو .. غير الرقم الأخير كم مرة .. بس غلط .. لغاية ما ضغط واحد من الارقام .. رن .. المرة الاولى .. التانية ..
جاهو صوتها وهي بتقول : الو
جسمو برد وما صدق انو دي هي .. قال ليها : هالة !
هالة سكتت مسافة قبل ما تقول : وائل !!
وائل : بس ياهو
هالة قامت من سريرها وهي ما مستوعبة وقالت ليهو : إن .. إت .. إنت وائل !!!!!!!!
وائل : اااي😅😅
هالة بعصبية : وين انت معقولة ٣ اسابيع ياخ قلبي وقف ولا فكرت اصلاً تتصل ولا تسال ولا ترسل ولا تقول حاجة ..
قاطعها وائل وهو بقول : اهدي اهدي طيب اهدي اوريك الحصل ..
هالة : اها احكي😒
وائل : .....................
سكتت مسافة قبل ما تقول ليهو بقلق : وانت هسي كويس ؟!😰
وائل : اي الحمدلله والله
هالة : متاكد !!
وائل : ااي ي ستي م تخافي
اتنهدت بي راحة كدا قبل ما تقول ليهو : حمدلله ع سلامتك
وائل : الله يسلمك
سكتو مسافة .. قبل ما وائل يقول : خفتي علي للدرجة دي ؟!
هالة : ااااه🙄منو اناااا !!😅لا بس يعني هناي
وائل : اهاااا هناي شنو🌚
هالة : اممم يعني لا ما خفت😅
وائل : عديتيهم ٣ اسابيع وهجتي وجطتي ودا كلو ما خفتي علي!!😆
سكتت وما ردت عليهو ..
ابتسم قبل ما يقول ليها بصوت حنين : اشتقت ليك♥️
ابتسمت وهي خجلانة ..
وائل : هالة ..
هالة : نعم ؟؟
وائل : ولا شيء
وبقو بتونسو سوى ..
🔹🔸🔹🔸🔹🔸🔹🔸🔹🔸🔹
※ نهاية الحلقة الثامنة عشرر ۔۔۔ 💙✨
