قروية

٢٥

🍂 بيت ناس كمال 🍂

لين سلمت على اهل زياد .. لما جات تسلم على مزن أختهم الصغيرة .. قالت ليها : انتي حا تبقي مرة زياد اخوي !!😍😍
ردت عليها رنا : اااي ي مزن🌚💙
مزن التفتت على زياد وهي بتضحك قبل ما تقول : مرتك حلوة شديييد🙄💕
لين ضحكت وقالت ليها : انتي الاحلى حبيبتي💕💕

قعدو سوى .. اخر ونسة وضحك .. واتفقو يعملو تاني يوم حفلة الخطوبة في روتانا🙂💜.. وبعدها رجعو اهل زياد البيت .. بس رنا فضلت بعد تحنيس من لين علشان تتونس معاها شوية🔥😍..
طلعو وقعدو هم الاتنين في النجيلة علشان يتونسو وكداا.. قبل ما يجي ويقعد معاهم كمال ..
كمال : اها ي شابات ي لزيزات انتو🌚💜
(( غمز لي لين وهي طوالي فهمتو 😉😉 ))
لين : كدي خليكم دقايق هسي انا بجيكم
رنا : ماشة وين🙄🙄
لين : قلتا دقايق بسسس👻🤘🏼
وقامت مشت طوالي ..
كمال : رنا
رنا : ايوة !!
كمال : ممكن اقول ليك حاجة !!
رنا : اكيد .. اتفضل ..
كمال : الليلة طالعة رهيبة😍ماشاءالله❣🔥
رنا بخجل : تسلم .. وانت كمان🌚🌸
كمال : جد🙄😭
رنا هزت راسها بإبتسامة ..
كمال : تسلمي
رنا : ولو💕🌸

بعد شوية قالت ليهو انها راجعة البيت و ودعت لين واهلها .. وكمال اصر انو يوصلها و وافقت بعد تحانيس منو ..
المهم ركبو العربيةة .. واتحركوو
كمال : اممم.. رنا
رنا : ايوة !!
كمال : ممكن ننزل شوية في كافي حابي اتكلم معاك في موضوع ..
رنا : طيب م عندي مشكلة ..
نزلو وقعدو في واحد من الكافيهات اللاقتهم في الشارع💙🙂.. اتونسو مسافة قبل ما كمال يقول : رنا
رنا : نعم !!
كمال : في حاجة عايز أصارحك بيها بس م تفهميني غلط عليك الله😓💔
رنا : اتفضل🙂🌸
كمال : بصراحة (( وسكت مسافة قبل ما يكمل كلامو ويقول )) انا بحبك❤️
رنا صنت وهي بتعاين ليهو بخلعة..
كمال : خير .. مالك ؟!😓💔
رنا : اا .. لا وشي شيء .. متفاجئة بس😓💔
كمال : اهاا.. طيب هسي رأيك شنو انتي ؟!🌚❤️
رنا : كيف يعني !!
كمال : يعني بتقبلي تكوني حبيبتي ومعاي ولو الله مد في العمر حلالي ؟!
سكتت بدون ما ترد ولا تقول اي شيء وهي بتعاين ليهو بس
كمال : انتي اذا شايفة انك م مرتاحة للموضوع دا م بجبرك نهائي لانو في الاخر دا قرارك😊💚
رنا بعد تفكير : اممم .. موافقة😊❣
كمال بخلعة : دقيقة .. عيدي عيدي😳😳
رنا : موافقة😊💕
سكت مسافة وهو بحاول يستوعب : يعني .. يعني خلاص هسي انتي حبيبتي !!😭💜
ابتسمت ليهو بدون ما تقول شيء ..
كمال : وربي ح اشيلك جوا عيوني .. ياخي انتي اغلى حاجة في الدنيا دي عندي .. بحبك موت اقسم بالله😭❤️
ضحكت ليهو .. وكملو قعدتهم سوى .. ركبو العربية وكمال استأذنها دقايق مشا وجا .. أداها علبة سوداء راقية كدا .. فتحتها لقتو سلسل دهب منحوت عليهو حرفين K❤️R وفي نصهم قلب .. انبسطت شديد وشكرتو .. قبل ما يوصلها البيت ..

🔹🔸🔹🔸🔹🔸🔹🔸🔹🔸🔹

🍂 بليل .. الساعة ١٢ ونص 🍂

هالة دخلت غرفتها وهي منتهية من البكا .. شالت التلفون من الدولاب ولقت اتصالات كتيرة من وائل .. شالتو علت صوت النغمة وختتو ..

🔹🔸🔹🔸🔹🔸🔹🔸🔹🔸🔹

🍂 عند وائل 🍂

كمال جاهو في البيت .. وقعدو يتونسو زي قريب الساعة كدا بعدها اي زول مشا ينوم ..
الا وائل اتصل على هالة .. وبعد مسافة ردت ..
وائل : الو هالة .. وين انتي من امس ياخ انا كلمتك ما تختفي فجأة كدا كلميني انك مشغولة ما تقلقيني عليك بالطريقة دي💔💔
هالة فضلت بتسمع فيهو وهي ساكتة
وائل : الووو هالة انتي معاي ؟!
هالة : اي معاك
وائل : مالو صوتك دا تعبان كدا😰💔
ما قدرت تستحمل وبقت بتبكي وبتشهق من البكا .. وهي بتقول : ماما .. ماما يا وائل
وائل : خير يا بت مالا😨😨
هالة : امي ماتت خلاص مشت خلتنا😭💔
وائل انصدم وما عرف يقول شنو ..
وائل : هالة طيب اهدي روقي يا ماما روقي ..
هالة وهي بتبكي : كيف اهدأ وريني بس كييف💔💔
حاول يهديها قريب النص ساعة حتى راقت .. بعدها قرا ليها قرآن مسافة لغاية ما نامت .. وخلتو وهو مقلق وقلبو مقطوع عليهاا💔💔 ..

🔹🔸🔹🔸🔹🔸🔹🔸🔹🔸🔹

※ نهاية الحلقة الخامسةة والعشروون ۔۔۔ 💙✨