🌸 بيت بتول 🌸
لؤي طلع من غرفتو ومشا دق باب غرفة لجين ..
لجين : اتفضل
فتح الباب ومشا قعد جمبهاا..
لؤي : لوجي عايزك في موضوع
لجين بإستغراب : اتفضل .. ؟
لؤي : ولد عمك صالح قال عايزك على سنة الله ورسوله وقال اذا م عندك مشكلة عايزك تبقي حلالو ومرتو..
بقت بتعاين ليهو نظرات اندهاش مع عدم تصديق وفرح..حب سنين الليلة حيبقا واقع لا وكمان بالحلال ..
لؤي : رأيك شنو ؟؟
ابتسمت بدون ما تبدي رأيها ونقلت نظرها للارض ..
لؤي : افهمها موافقة !!
فضلت مبتسمة وساكتة بس ..
لؤي قعد يضحك وقال : اذا كدا الف مبروك يا شافعة..
وحضنها💙
نزل تحت بسرعة وكلم صالح وبتول عمتو .. فرحو شديد وخصيصا صالح ..
طلع بسرعة للجين ف الغرفة ودخل .. لقاها واقفة بتعاين بالشباك ومبتسمة..
صالح : احم احم
التفتت عليهو وأول ما وقعت عينها في عيونو ابتسمت ونزلت راسها .. مشا عليها ومسك يدها : يعني اقول مقدماً الف مبروك علينا ..
لجين فضلت مبتسمة بس ..
صالح : بجد ما تتخيلي وقفتك معاي غيّرتني قدر شنو وزرعت كمية من الحب جواي ليكي ما طبيعي.. الله ما يحرمني منك💜
لجين : ولا منك..💕
صالح : بحبك يا لجين
ابتسمت بدون ما ترد .. نزلو سوى وبتول حضنت لجين .. وعملت تحلية أكلوها سوى وهم بتونسو ومبسوطين ..
~•~•~•~•~•~•~•~•~•~•~•~•~•~•~•~•~•~
🌸 بيت كمال 🌸
كان في غرفتو بتكلم مع رنا بس يسمع صوت وائل من ماف بقول ليهو : شغال خلط تقيل قلتا لي🌚
كمال : بِسْم الله الجابك شنو انت !!
وائل : ههههه يا زول اسكت ياخ مبسوط كيف انا ..
ومشا قعد معاهو ..
كمال فصل من رنا بعد ما كلمها انو بفضى وبرجع ليها ..
كمال : احكي يا زول
وائل : كدي خلي لما يكونو معانا عامر واروى وهدى مرة واحدة تعرفو كلكم ..
كمال : شكلو في شغل خطير🌚🔥
وائل : خطير شديد يا صحبي😂💔
وقضوها ونسة سوى...
~•~•~•~•~•~•~•~•~•~•~•~•~•~•~•~•~•~
🌸 توتي 🌸
هالة في غرفتها ومعاها داليا..
داليا : مش كلمتك اني حاسة انو بحبك برضو ..
هالة : ما مصدقة انا ياخ بالجد❤️
فجاة هالة سمعت صوت تلفونها .. فتحت الواتس وابتسمت ..
داليا قلعت التلفون ولقت وائل مرسل ليها : بحبك♥️
داليا : دايرة زي دا انا🙂
هالة وهي بتضحك : معليش دا واحد ماف زيوو..
داليا : لا كدا اوڤر صراحة وانا جاني جفاف..
هالة بقت بتضحك وباين من تصرفاتها انها مبسوطة جداً..
~•~•~•~•~•~•~•~•~•~•~•~•~•~•~•~•~•~
🌸 الخرطوم _ بيت اروى 🌸
جوهم ناس عامر وأهلو وحددو انو حفلة الخطوبة تاني يوم في بيت ناس اروى لانو نجيلتهم كبيرة وظريفة لبرنامج زي دا..
~•~•~•~•~•~•~•~•~•~•~•~•~•~•~•~•~•~
🌸 تاني يوم _ ٥ ونص صباحاً 🌸
