قروية

٤

🍂الخرطوم _ بيت ناس كمال 🍂

كانو لين وكمال بتونسو مع بعض ..

لين : اها عملت شنو في موضوعك داك ؟
كمال : والله استعنت بي وائل بس .. خليهو يكلمها هو في النهاية هو قريبها يعني ممكن يعرف منها اذا عندها لي شيء ولا لا🌚
لين : اهاا كويس ،، مع انو شايفة لو كلمتها براك بكون احسن😅

( تلفون كمال ضرب وكان دا وائل .. رد عليهو )

كمال : انت جادي ؟ متين ؟ و وين ؟
وائل : في ايطالي بالعصرية كدا ان شاء الله😁
كمال : يااا رب يحصل خير ي رب😭❤️
وائل : خير خير ي صحبي ياخ😉
وبعدها فصلو من بعض ..

لين : كل شيء ماشي كويس ؟
كمال : ااي الليلة ح يكلمها😆
لين : ان شاء الله نسمع خير😍
كمال : ان شاء الله❤️

🔹🔸🔹🔸🔹🔸🔹🔸🔹🔸🔹

🍂 عند هدى 🍂

صلت الضهر قبل ما تتصل على اروى .. ردت عليها والسلام داك..
اروى : هدى انتي كويسة ؟!
هدى : ااي ،، لي يعني ؟!
اروى ؛ اممم لا ولا شيء .. بكرا جاية الجامعة ؟!
هدى : اي ان شاء الله
اروى امها نادتها .. قالت لي هدى : حبيبتي أستأذنك امي بتناديني💙
هدى : لالا ياخ ،، يلا💜
اروى : سلام..       (( وانتهت المكالمة ))

🔹🔸🔹🔸🔹🔸🔹🔸🔹🔸🔹

🍂 عند اروى 🍂

نزلت لي امها وقالت ليها : نعم ي امي ؟
ام اروى : اها الخطوبة والحركات متين ؟
اروى : لسا م سألت عامر😕
ام اروى : خلاص إتفقو الليلة او كلميهو يجي ونتفق🌚
اروى : حاضر ..

🔹🔸🔹🔸🔹🔸🔹🔸🔹🔸🔹

🍂 بيت بتول 🍂

كانت بتصلي في الكرسي وبتدعي انو ربنا يكتب لي صالح ولدها الخير والزوجة الصالحة😍وحيدها ياخ❤️ ..
وفجأة .. جاتها لجين وقالت ليها بإبتسامة : عمتو الفطاير جهزت ،، اختها وين ؟!💗☺️
بتول وهي بترد عليها بي إبتسامة : في الصايد القصاد البوتوجاز .. وانا هسي بجيك
لجين : حاضر ..

بتول ابتسمت وقالت بينها وبين نفسها .. لجين والله بت حلال .. ان شاء الله تكوني قسمة ولدي☕️❤️

🔹🔸🔹🔸🔹🔸🔹🔸🔹🔸🔹

🍂 في الجامعة 🍂

صالح خلص تدريس محاضراتو وكان راجع على البيت .. فجأة إتذكر وقعت لجين في المطبخ يومتها وقعد يضحك برضو وقال : البت دي عمرها م حتتغير وحتفضل هبلة😂💔

*للمعلومة .. صالح ما زول كبير يعني شاب في نهاية العشرينات بداية الثلاثينات كدا .. وهو ولجين لما كانو صغار كانو اصحاب شديد .. بس بعد وفاة اهلها وسفرها امريكا انقطعت منو ..💔

🔹🔸🔹🔸🔹🔸🔹🔸🔹🔸🔹

🍂 بيت عيلة علي 🍂

كانو وائل وباقي اهلو بتونسو في الصالة .. ما عدا علي لانو شغال وكدا ..
ايناس : اها كيف كانت توتي معاك ؟!
وائل إتذكر هالة .. إبتسم قبل ما يقول ليها : ظابطة شديد❤️
عمر : عندكم تاني رحلة ليها بعد الامتحانات م تخاف😂💔
وائل قال بينو وبين نفسو .. (( ومنو البيقدر ينتظر لبعد الامتحانات ؟! .. هالة .. اشتقت ليكي💔 ))

🔹🔸🔹🔸🔹🔸🔹🔸🔹🔸🔹

🍂 عند لؤي 🍂

رجع البيت وطلع غرفتو .. إستحمى وغير .. صلى قبل ما يقعد ويشتغل في كم ملف .. جاهو إتصال وفي نفس اللحظة جات لجين داخلة غرفتو .. رد عليهو
لؤي : خلاص تمام .. ايوة بكرا بستلمها .. تسلم .. تسلم شديد .. اوكي يلا سلام✋🏼
خت التلفون جمبو بعد ما خلص ونقل نظرو لي لجين ..

لجين : ماشي وين بكرا ؟!
لؤي : اشتريت عربية هنا .. م معروف نرجع متين قلتا عشان ارتاح في حركتي والشغل وكدا اجيبها احسن لي وبكرا ماشي استلمها ..
لجين : ايوااا حلوو .. نوعها شنو ؟!🌚
لؤي : BMW (( سجل لي شركاتك .. عرباتك💃🏻 ))
لجين : معناها لازم بكرا تفسحني💔🐸
لؤي : من عيوني😍
لجين : تسلم لي ياخ🌚💗

~•~•~•~•~•~•~•
#في_الطابق_التحت#

صالح جا داخل البيت .. سلم على امو ودخل غرفتو .. لجين كانت في غرفتها اتظبطت لي جية صحبتها وكدا .. لبست فستان عنابي هادئ اكمامو طويلة وعملت شعرها كعكة كبيرة لورا .. ولبست حلق فضي على شكل نجمة نازل .. وعملت قلوص وايلاينر ونزلت تحت قعدت في الصالة لانو صحبتها قربت تصل ..

🔹🔸🔹🔸🔹🔸🔹🔸🔹🔸🔹

🍂 عند رنا 🍂

لبست بنطلون جينز كحلي .. وتونيك بالكبدي اكمامو تلت اربع .. عملت شعرها ضنب حصان وجابتو بالجمبة .. وعملت ماسكرا وقلوص .. وقفت قدام المراية واتعطرت وقالت : كدا انا جهزت💜✨
وشالت تلفونها وطلعت ..

🔹🔸🔹🔸🔹🔸🔹🔸🔹🔸🔹

※ نهاية الحلقة الرابعة ۔۔۔ 💙✨