~~~~~~~~~~~~~~~~~~
* المغرب •
حست بي يد بتطبطب عليها براحة..وشوية وسمعت صوتو وهو بقول : هالة حبيبتي قومي كفاك نوم
فتحت عيونا وعاينت ليهو مسافة قبل ما تقول : جيت متين انت !؟
وائل : قبل شوية ما طولت ،، كيف كان يومك !!
آبتسمت قبل ما تقول ليهو : حلو
وائل : واتعرفتي على زول هناك وكدا !؟
هالة : ااي واحدة دفعتي اسمها لنا
وائل : ظريف اذا كدا
عاينت لجهة الشباك قبل ما ترجع تعاين ليهو وتسألو : الساعة كم !؟
وائل : ٦ ونص
هالة : ووووب المغرب فات
قامت سريع اتوضت وصلت .. وختت حاجاتا عشان تقرا محاضرات اليوم ..
وائل كان قاعد ف الكنبة وشغال باللابتوب وكل شويتين يقبل ويشاغلها : وريتينا يا حفارة😂
بعد زمن كدا .. نزلو تحت..
وهم نازين مسكا من يدها .. التفتت عليهو وسألتو : في شنو !!
وائل : تصدقي فقدتك الليلة
ابتسمت ليهو وعايزة ترد كدا بس سمعو صوت روان وهي بتقول : احم العشاء جاهز
وائل بزهج : كويس جايين😑
مشت ..
اما وائل عاين لي هالة .. سألتو : مالك زهجان كدا !؟
وائل : فلانة دي ما بدورا نهاااائي🙂
قعدت تضحك وقالت ليهو : كويس يلا
نزلو تحت اتعشو سوى وتمو يومهم ظريف
🍂🍂🍂🍂🍂🍂🍂🍂🍂🍂🍂
* تاني يوم •
صحت وجهزت سريع وجات مارقة .. سمعت صوتو وهو بقول ليها : دي جديدة كمان🙂
التفتت عليهو وقالت : شنو !؟
وائل : طالعة بدون ما تصبحي علي
ضحكت ومشت قربت منو شوية وقالت ليهو : صباح الخير حبيبي الحلو♥️
وهي لسا بتقرب منو .. فجأة ضحكت وطلعت طوالي
قام وقعد في نص السرير وربع رجولو قبل ما يقول : ي هناية انا لو عارفك بتسوي كدا م كان نزلتك جامعة🙂🙂🙂💔💔💔💔😂😂😂
🍂🍂🍂🍂🍂🍂🍂🍂🍂🍂🍂
