🍂 إيطالي 🍂
وائل كان قاعد في طاولات النجيلة .. جاهو الجرسون واداهو المينيو وقال ليهو : تطلب اي حاجة ي أستاذ ؟!
وائل بإبتسامة : لا عفواً .. منتظر زول شوية كدا وبطلب✋🏼
الجرسون : طيب😇
ومشا ..
كمال اتصل عليهو ..
- اي ي كمال انا في المطعم .. اي هي في الطريق .. ( رفع عيونو وشافها داخلة المطعم ) .. هدي جات يلا سلام✋🏼 ....... وقفل الخط
رنا بإبتسامة وهي بتسلم عليهو : اهلييين😍❤️
وائل بإبتسامة : ي هلا ..
وائل : كيف حالك ؟!
رنا : بخير والله .. وانت ؟!
وائل : بخير الحمدلله ،، اتفضلي اقعدي
ابتسمت ليهو وقَعَدت في الكرسي القصادو .. وهي متوترة شديد لانو خلاص الليلة واخيراً ح تعترف ليهو بي حبها .. وكيف ح تكون ردة فعلو !! اما وائل كان متوتر اكتر منها .. كان متأكد انو كمال متمني انها توافق عليهو شديد .. وخايف من ردة فعلها اذا عرفت انو صحبو بحبها !!
🔹🔸🔹🔸🔹🔸🔹🔸🔹🔸🔹
🍂 بيت بتول 🍂
الجرس ضرب .. لجين اتوجهت على الباب وفتحتو .. واتحاضنو هي وصحبتها شدييييد❤️
لجين : ميمي ياااخ والله مشتاقة ليكي كيف💜
( نعم يا سادة .. دي نفسها البت الفي دفعة ناس وائل ومنبرشة فيهو .. والبكرهوها كل الشلة .. خاصة اروى🐸😂 )
ملاذ : لوجي ياخ كميات ي انتي💜
وفضلو يسلمو على بعض مسافة .. جات بتول وقالت ليها : اهلين ي بتي .. نورتي❤️
ملاذ : منور بي ناسو ي عمتو .. كيف حالك💚
بتول : بخير الحمدلله ..😊
لجين : ميمي يلا فوق غرفتي👋
ملاذ : يلا👋
طلعت ملاذ فوق وإستأذنتها دقايق .. طلعت وقفلت وراها الباب .. نزلت تحت وهي ماشة على المطبخ صالح جا طالع من غرفتو .. اتطاقشو سوى ..
لجين : اه اسفة💔
صالح عاين ليها مسافة قبل م يقول : ولا يهمك💜
دخلت المطبخ بسرعة .. وهو كان بتبسم ساي وقال : مجنونة..
شالت عصير وتحلية وطلعت فوق ..
🔹🔸🔹🔸🔹🔸🔹🔸🔹🔸🔹
🍂 إيطالي 🍂
وائل : عايزة تطلبي شنو ؟!
رنا : اممم .. عصير برتقال بس✋🏼
وائل : طيب .. ونده على الجرسون .. جاهو .. وطلب ٢ برتقال .. ومشا منهم ..
وائل : اها اتفضلي قولي🌚
رنا : لا انت أبدأ👋
وائل : السيدات اولاً😊✋🏼
رنا : اممم اذا كدا طيب .. بس يجي العصير🌚💚
وائل : ههه طيب🐸
وبقو بتونسو مع بعض ..
🔹🔸🔹🔸🔹🔸🔹🔸🔹🔸🔹
🍂 بيت بتول 🍂
صالح مشا لي امو وقال ليها : ي امي انتي في زول جانا الليلة ؟!
بتول : ااي .. صحبة لجين جاتها زيارة🌚
صالح : ايوااا تمام .. خلاص انا مارق ماشي ألاقي دفعتي الزمان في شارع النيل برجع المغرب كدا .. عايزة شيء ؟!🌚
بتول : لالا سلامتك بس ي ولدي🌚👋سوق معاك لؤي طيب😍
صالح : ااي كنت ماشي اكلمو💗
طلع فوق ودق باب غرفة لؤي🚪
لؤي : اتفضل ..
صالح دخل وسلم عليهو قبل ما يقول : رايك شنو تمشي معاي شارع النيل ؟ ماشي ألاقي فردي ديلك🌚👋
لؤي : اووو ناس منذر يا😍💗
صالح : بس ياهو .. كويس انك متذكرهم🌚💙
لؤي : كيف يااخ ظريفين عديل والله .. خلاص ١٠ دقايق وبنزل اجيك✋🏼
صالح : تمام بنتظرك تحت🌚
لما كان نازل جات لجين طالعة من الغرفة .. عاينت ليهو مسافة وهو نفس الشيء .. حب يتكلم معاها او يقول اي شيء فقال ليها : انا و لؤي طالعين🌚
لجين : طيب
ملاذ سمعت صوت صالح .. بس م قدرت تعرفو .. قالت : دا منو ي ربي الصوت دا م غريب علي ..
بس تاني م اهتمت بالموضوع وكملت عصيرها🍷
🔹🔸🔹🔸🔹🔸🔹🔸🔹🔸🔹
※ نهاية الحلقة الخامسة ۔۔۔ 💙✨
