* الكوفير *
خلصو من تسىريح رنا..رجعو ليها كل شعرها في شكل كعكة كبيرة لورا مع كم خصلة من قدام ..وزينو ليها شعرها بوردة بنفسجية غامقة من ورا..
لين اول ما شافتها قالت ليها : بسم الله ماشاءالله دقيقة دي خطوبتي ولا خطوبتك !!
رنا : هههه يلا يلا سريع خلينا نجهز علشان نمشي فضل ساعة بس
مشو البيت مع سواق ناس لين علشان يلبسوو وكداا.
-------------------------------------------------
* بيت علي *
كانو عامر و وائل بجهزو (( كمال مشا بيتهم ))..لبسو بنطلون اسود وقميص ابيض مع حزام اسود وساعة سوداءء..وكمال برضو لبس زيهم يعني متفقين وكداا.
وائل مشا بعربيتو ومعاهو عامر وسهى والباقيين اتوزعو على عرباتهم..
-------------------------------------------------
* بيت كمال *
رنا ولين كانو في الغرفة..لين لبست فستان كبدي..وكعب عالي بيجي..اما رنا لبست فستان بنفسجي غامق ..
كمال جوهو عامر و وائل وساقوهو معاهم..اما رنا و لين اتحركو مع اهل لين..
-------------------------------------------------
* اوزون *
كانو صالح ولجين قاعدين بتونسو سوى.
صالح : لجين
لجين : نعم..
صالح : بصراحة عايز اكلمك بي شيء
لجين بإبتسامة : اتفضل ..
صالح : ....... (( حكا ليها بي قصة انو حاول يغتصب اروى وكدا ))
ااما هي كانت بتعاين ليهو وهي مصدومة ..
نزل راسو ونقل نظرو للارض قبل ما يقول : انتي عارفة انك اول واحدة اوريها بالموضوع دا يمكن لانك صحبة الطفولة واللحظة ديك كانت وسواس شيطان بسس (( وهربت دمعةة من عيونو قبل ما يكمل وهو بقول )) من وفاة ابوي اتغيرت كتبر وبعد ما انتو سافرتو كملت الناقصة
لجين اتذكرت الورق اللقتو في غرفتو وعرفت انو موضوع اروى هو سبب رفضو من الشغل في الجامعة..
لجين: المهم انك عرفت غلطك ولازم تتوب من العملتو دا وتغير تصرفاتك بعد دا وانا حا اكون واقفة جمبك و معاك صدقني ..
صالح مسح دموعو وبإبتسامة قال : كنت عارف اني ما غلطت لما حكيت ليك
ابتسمت ليهو بدون ما تقول شيء..
-------------------------------------------------
* روتانا *
وصلو كل المعازيم ..ومنتظرين لين تجي حتى زياد ما مصدق متين تصل ويشوف خطيبتو ..
بعد شوية جو اهل لين داخلين وسلمو على الناس بعدها طوالي جو داخلين لين ورنا سوى والناس كلهم انبهرو بقو ما عارفين ياتا ست الخطوبة ..اي واحدة اسمح من التانية .. زياد مشا و وقف قدام لين..قرب وهمس ليها في اضانها : لا بعد كدا لازم اعقد عدييييل واسوقك معاي
ابتسمت بخجل ونزلت راسها ..
اما كمال اتصل على رنا..ردت عليهو : الوو
كمال : التفتي وراك وعايني يمينك..
وفعلا التفتت وهي ماسكة التلفون وبتتكلم معاهو ..غمز ليها وهو بضحك قبل ما يقول : رأيك شنو نخلي امورنا توضح الليلة
ضحكت وهي بتقول ليهو : مجنون
كمال : متأكدة مجنون دي لي انا !!
رنا : اااي
كمال : تمام ي ستي بوريك الجن انا الليلة
وفصل الخط وعمل ليها من بعيد بدقنو حركة اصبري لي الليلة ..
ضحكت والتفتت بدون ما تشتغل بيهو ..
اما هو نادا وائل على جنب واتكلم معاهو قبل ما يمشي جمب ابوهو ويقول ليهو شيء وطلع مع وائل وعامر من روتانا..
-------------------------------------------------
#نهاية_الحلقة_التاسعة_والعشروون
