بعد نص ساعة .. هالة مشت وقفت في المكان القالو ليها وائل .. بقت بتتلفت ما شافتو .. فجأة جا من وراها وقال ليها : احم احم🌚
التفتت بسرعة عليهو ..
وائل بإبتسامة : هالة
هالة : نعم
وائل : اشتقت ليك❤️✨ (( انا زاتي اشتقت ليكم🌚 ))
سكتت وهي الخجل والتوتر قاتلنهاا ..
وائل نزل راسو وضحك قبل ما يرجع ويعاين ليها : كيف حالك ؟!🌚💚
هالة : تمام وانت😊
وائل : تمام بعد شوفتك💗
سكتو مسافة قبل ما وائل يقول : بالمناسبة .. نحن لازم نرجع هسي .. بكرا خطوبة عامر و اروى🌚
هالة : اهاا ،، الف مبروك ليهم مقدماً☺️
وائل : الله يبارك فيك .. وعقبالك😉
ابتسمت ليهوو ..
وائل : اممممم .. ممكن طلب ؟!
هالة : اكيد .. اتفضل
وائل : ممكن رقمك !!🌚
سكتت ..
وائل : لو سمحتي .. اكيد م ح ترجعيني ساي🌚
هالة : ط .. طيب😁 ..... وادتو الرقم
عامر اتصل عليهو : وائل يلا إتأخرنا
وائل : طيب جاي عليكم انتظروني جمب العربية
عامر : طيب .... (( وانتهت المكالمة ))
هالة بصوت ظاهر فيهو الضيق .. قالت : خلاص ماشي ؟!
وائل : ااي للاسف💔بس اكيد بينا تواصل
هالة : ان شاء الله ...
وائل : يلا سلام .. اشوفك قريب ان شاء الله
هالة : سلام
وبعدها شوية شوية وائل غاب عن عيونها .. وهي رجعت للمناسبة والضيوف ..
🔹🔸🔹🔸🔹🔸🔹🔸🔹🔸🔹
🍂 في الجهة الثانية عند الشباب 🍂
وائل مشا لي اصحابو ..
كمال : وين ي زول مالك إتأخرت كداا
وائل : معليش .. بس كان عندي حاجة اعملها .. خلصتها وجيت
عامر : خلاص يلا
ركبو العربية .. و وائل كان سايق وبفكر في هالة ويتبسم سااي ..
لما جو يدخلو في الطريق التاني .. ولفو .. جات عربية من الجهة الثانية و وائل داس فرامل قووووي قبل ما يسمع كمال وعامر بكوركو وبقولو : واااائل إنتبه يا وائل
والعربية دخلت فيهم من جهة وائل ..
🔹🔸🔹🔸🔹🔸🔹🔸🔹🔸🔹
مرت الساعات ..
وكانت الساعة ٢ ونص بليل
علي قدر ما حاول يصل لي ولدو وأصحابو م قدر .. اتصل .. و رسل ناس يمشو توتي .. وفتشو كتير .. بس ماف زول عارف عنهم شيء .. نشر في الجرايد صورهم على امل زول يتصل عليهو لو عرفهم او شافهم .. بس ماف اي زول اتصل ..
تاني يوم طوالي .. علي ومعاهو ولدو عمر مشو على توتي .. في الشارع شافو عربية داخلة في عربية تانية ..
علي وهو صوتو مرتجف قال : ع .. عم .. عمر ديك مش عربية اخوك !!
عمر : لأ😨لأ
وقفو العربي وجو جاريين .. في واحد كان ساكن قريب من هناك شافهم وطوالي جا عليهم ..
- السلام عليكم
علي بقلق واضح : و .. وعليكم السلام .. لو سمحت انت ساكن هنا ؟!
- اي .. شكلو عندكم علاقة بالشباب العملو الحادث دا💔
علي : لا حول ولا قوة الا بالله .. لا حول ولا قوة الا بالله
عمر : و ويييين هم هسي ؟!
- وديناهم مستشفى ( ... )
عمر شكرو شديد وركبو هو وابوهو العربية واتحركوو مشو على المستشفى ..
🔹🔸🔹🔸🔹🔸🔹🔸🔹🔸🔹
وصلو هناك وسألو منهم .. كلموهم انو في واحد فيهم في العناية المكثفة لانو حالتو صعبة جداً .. والاتنين التانييين ف الغرفة رقم ٧ .. إستأذنو ودخلو .. لما شافوهم كانو ديل عامر وكمال الفي الغرفة .. وعرفو انو وائل هو الحالتو صعبة .. القلق اتملكهم بشكل ما طبيعي .. وطلعو بسرعة على غرفة العناية ..
🔹🔸🔹🔸🔹🔸🔹🔸🔹🔸🔹
※ نهاية الحلقة الخامسة عشر ۔۔۔ 💙✨
