قروية

٣١

وائل رجع البيت استحمى وصلى سريع سريع..قبل ما يرقد بمزااج كدا ويمسك تلفونو علشان يتصل يتطمن على هالة قبل ما ياخد ليهو حبة نومة..
اول ما ردت ..وجاهو صوتها : الو
وائل : اهليين .. كيفك !!
هالة : بخيير الحمدلله .. وانت !!
وائل : تمااام وكمان ياا سلام الليلة خلصت الامتحانات
هالة : كويس والله ؛؛ ويعني هسي اجزتو !!
وائل : ااي عندنا زي اجازة اسبوع كدا وتاني نازلين ..
هالة : ايواا ..بالتوفيق
وائل : تسلمي ؛؛ وما بستغنى والله بس داير انوم فتراان وبعدين طالع مع الشباب وكدا
هالة : لا ولا يهمك ؛؛ سلام
وائل : باي..(( وقفل الخط ))
واول ما خت التلفون كدا ابتسم ابتسامة طويلة وهو بتذكر في ملامحها وبغمض في عيونو زيادة ومرتاح انها بادية تتحسن من الحالة الدخلت فيها بعد وفاة امها....وما كلها الا ثواني وشالتو نومة..

===========================

* في جهة تانية *

صالح كان بتغدى مع لؤي وبتناقشو في امور الكورة وكدا..واثناء ما بتونسو لجين جابت ليهم التحلية واول ما جات تختها في التربيزة جات عينها في عيون صالح ..فختتها سريع ومشت المطبخ..وصالح ابتسم ابتسامة خفيفة قبل ما يرجع يكمل كلامو مع لؤي..

===========================

* عامر واروى *

اثناء ما بتكلمو مكالمة..
عامر : يا اروى بكرا الجمعة صح !!
اروى : ااي
عامر : خلاص رأيك شنو نجيكم في البيت علشان موضوع الخطوبة لانو المرة الفاتت ما تم بسبب الحادث..
اروى : امم خلاص دقيقة خليك معاي اكلم امي
ومشت كلمت امها وبعد موافقتها سألتها : طيب يا امي وابوي !!
ردت عليها : ما تخافي امس كان بتكلم معاي في الموضوع دا وما عندو اي مشكلة
اروى : تمام

===========================

وطلعت جرري على غرفتها قبل ما تشيل تلفونها وتقول لعامر : خلاص تمااام امي وابوي ما عندهم مشكلة
عامر : تماام ؛؛ اها بعدين طالعة معانا صح
اروى : ااي بس ما وريتوني حددتو طالعين وين
عامر : امم كدي دقايق وبرجع ليك
فصل منها واتصل على وائل جاهو صوتو وهو نعسااان وبقول : اممم
عامر : يا مان ما وريتنا طالعين وين
وائل بزهج : ياخ اي مكان ياخ
عامر : حدد يا زول علشان الناس تعرف وتمشي طوالي
وائل : تعالو بيتنا
عامر : يا زول انت ساطلها معانا اروى وهدى
وائل : يا زول تعالو بيتنا خلاص
عامر : خلاص قدام يا زول
فصل منو واتصل على بقية الشباب كلمهمم ..

===========================

* بيت بتول *

لؤي وصالح بعد ما حلو تماام ..لؤي طلع من البيت لانو عندو مشروع ماشي يسلمو وحاجات شغل وكدا..
قبل ما يطلع اتصل على هدى واول ما ردت
لؤي : اهلين
هدى : يا هلا
لؤي : كيف حالك
هدى : بخيير وانت
لؤي : بخيير الحمدلله ؛؛ وينك مختفية كدا
هدى : ابداً والله بس كنت مع الامتحانات والضغطة ويادوب خلصنا الليلة
لؤي : اهاا حلو وبرنامجك شنو الليلة
هدى : حا نتلما في بيت زميلنا وكدا
لؤي : امم يعني لمة شباب وبنات !!
هدى : ااي
بينو وبين نفسو اتضايق بس حاول يمسك روحو وقال ليها بصوت متوازن : اهاا ظريف
اما هدى حست بضيق في نبرة صوتو..
لؤي : خلاص بس حبيت اتصل اسلم عليك ؛؛ استاذك عندي شغل هسي بتصل عليك بعدين طيب !!
هدى : ولا يهمك خد راحتك :: طيب سلام..
لؤي : سلام
اول ما قفل الخط وطلع عربيتو وقفل الباب ..اتنهد بضيق وهو بقول : لمة بنات واولاد ومعاهم هدى ؛؛ افف ياخخ
اتحرك بعربيتو ومشا على مكان شغلو..

===========================

اما صالح كان قاعد في الصالون وشغال بتلفونو قبل ما تجي لجين علشان تشيل العدة قام على حيلو قبل ما يقول ليها : لالا خليها انا بشيلها..
لجين : ماف داعي
صالح : ياا بت قلتا ليك خلاص انا بشيلها
شالها ووداا المطبخ اما هي شالت صينية التحلية وبوراهو دخلتها المطبخ..
اول ما عاينت ليهو التفت عليها وقال : امم بالمناسبة امي وين ما شايفها من قبيل !!
لجين : قالت طالعة مع واحدة جاارتكم مشوار
صالح : اهاا ..خلاص تمام يلا النجيلة نقعد نتونس فيها شوية الجو ظريف
لجين بإبتسامة خفيفة : طيب يلا..

===========================

#نهاية_الحلقة_{ 31 }