🍂 بيت بتول 🍂
لجين كانت بتعمل ف الفطور .. جات بتول وقَعَدت تتونس معاها ..
بتول : رأيك شنو ي بتي نطلع السوق بعدين نشتري كم حاجة للمطبخ ومنها نغير شوية !!
لجين : كويس ي عمتو م عندي مشكلة
بتول : خلاص انا بتصل على صالح ولدي بكلمو يودينا
لجين عاينت ليها مسافة قبل ما تقول : طيب
🔹🔸🔹🔸🔹🔸🔹🔸🔹🔸🔹
مر نهار اليوم عادي .. وطبعاً الشباب رجعو مع وائل البيت ..
بالمغرب منيرة كلمت حواء وطلعت ليهم الاكل في الغرفة ..
عامر : الله الله الأكل جا في وقتو ياخ😍
كمال : ااي والله جعان جووع
وائل : ما اكتر مني🏃🏻
مشو واي واحد شال صحنو وعصيرو جمبو وقعدو في الارض يتونسو ..
🔹🔸🔹🔸🔹🔸🔹🔸🔹🔸🔹
🍂 بيت كمال 🍂
لين مشت لي امها ف الغرفة .. بعد ما خلصت صلاتها نزلت وقَعَدت جمبها ف الارض ..
لين : امي ..
- نعم
لين : زياد قال يكلم اهلو يجوكم بكرا عشان نعمل خطوبة سريع (( طبعاً ورت امها بالبينها وبين زياد ))
- اصلو م عندي مشكلة ي بتي يشرفو طوالي
لين : تمام .. بس كلمي ابوي وانا ماشة اتصل على زياد ..
- خير ي بتي
مشت واتصلت عليهو ..
زياد : حبيبتي مشتاقين❤️
لين : متين هو ما كنّا مع بعض قبيل🙄
زياد : غايتو تكرهي الزول يتكلم كلام سمح زاتو😑
لين : ههههههه ،، المهم ،، كلمت امي
قال ليها سريع : اها وقالت شنو ؟!
لين : ما تصبر انت ،، قالت ليك تعال بكرا انت واهلك ونتفق على كل شيء .. يعني خلاص م عندها مشكلة ..
زياد : ياااا سلاممممم😍يعني خلاص كل شيء تمام !!
لين : ااي
زياد : انا مبسوط شديد ياخ
لين : هههه دوم ي رب
زياد : بوجودك❤️
وفضلو يتونسو مسافة وبعدها فصلو من بعض ..
🔹🔸🔹🔸🔹🔸🔹🔸🔹🔸🔹
🍂 عند الشباب 🍂
اثناء ما كانو بياكلو ..
جاتهم سهى داخلة ف الغرفة ..
سهى : ي عمو مش قلتا ح تطلعني الليلة☹️💔
(( أوعك توعد شافع .. شافع م توعدو .. توعد شافع ايااااكككك .. م بنسى اقسم بالله😂 ))
وائل : بس ي عمو انتي شايفة معاي اصحابي هسي ونحن قاعدين نقرأ ..
سهى : عليكككك الله ي عمو ياخ😭
عامر : خلاص ي سهى بعد شوية بنطلع كلنا
سهى : جد😍
كمال : ااي🌚
عامر : انت هسي السألك منو !🙂
كمال حدر ليهو مسافة .. وضحكو سوى ..
سهى مشت وجهزتها امها .. نزلو الشباب وائل ساق العربية ومعاهو سهى قدام .. وكمال وعامر ركبو ورا .. مشو على بابليون ..
🔹🔸🔹🔸🔹🔸🔹🔸🔹🔸🔹
🍂 عند هالة 🍂
كانت ماسكة تلفونها ونزلت فيهو كم برنامج من ضمنهم الواتس وكدا .. بعد شوية جا في بالها تتصل على وائل .. كانت مترددة قبل ما تتشجع وتتصل عليهو ..
🔹🔸🔹🔸🔹🔸🔹🔸🔹🔸🔹
🍂 بابليون 🍂
كانو قاعدين كلهم في النجيلة البرا وبتونسو .. اما سهى دخلوها صالة الألعاب ..
اثناء ما بتونسو كدا .. تلفون وائل ضرب ..
عاين للتلفون قبل ما يقول ليهم : ثواني بس
مشا منهم بعيد شوية .. و رد
وائل : يا هلا ..
هالة : اهلين ،، كيفك
وائل : بخير وانتي
هالة : بخير الحمدلله
وائل : كيف كان يومك !
هالة : تمام وانت ؟
وائل : م تمام
هالة : لي !!
وائل : مفتقدك بس💔
فضلت ساكتة وما ردت عليهو ..
وائل : يعني انتي ما افتقدتيني !!
هالة : لالا م كدا بس يعني
في اللحظة دي كوركو كمال وعامر لي وائل عشان يجيهم ..
هالة : شكلك مشغول خلاص بتكلم معاك بعدين
وائل : امم طيب ،، يلا باي
هالة : باي ....... (( وانتهت المكالمة ))
قفل الخط وهو مبسوط .. مشا عليهم وقعدو سوى ..
عامر : انت ي ود ربطَّ من ورانا ولا شنو🌚
وائل : ي ود اتلما احسن ليك🙂
كمال : الحقيقة مرة🙊
وائل : غايتو انتو🙂
قعدو يضحكو سوى وكملو ونستهم عادي ..
🔹🔸🔹🔸🔹🔸🔹🔸🔹🔸🔹
※ نهاية الحلقة الحادية و العشروون ۔۔۔ 💙✨
