هدى وصلت البيت والمغرب أذن..
ابو هدى : خير ي بتي لي إتأخرتي الليلة ؟!😰😰
هدى : اروى صحبتي الليلة م جات الجامعة ومشيت اشوفها ،، عشان كدا إتأخرت🤒🤒
ابو عدى : ايواا ،، ان شاء الله لقيتيها كويسة !!🤕🤕
هدى : ااي كويسة الحمدلله😊😊
ام هدى : حبيبتي الاكل جاهز في المطبخ ،، غيري وكان م مصلية صلي وتعالي آكلي🌚🌚
هدى : حاضر ،، تسلمي ي امي😊😊
وطلعت صلت وقَعَدت تدعي وطبعاً من بين ادعيتها انو وائل يكون من نصيبها😍😍
قامت قعدت في السرير وشالت تلفونها وكانت بتقلب في صورو ونامت والتلفون في إيدها💤😴
ام هدى نادتها كم مرة بس م ردت عليها .. طلعت غرفتها ودخلت لقتها نايمة مشت عليها لقت التلفون في إيدها وصورة وائل مفتوحة (( ام هدى عارفة انو بنها بتحب وائل من زمان ))..
ام هدى بينها وبين نفسها (( الله يبسطك مع الزول البتحبيهو ي بتي )) .. وختت ليها التلفون في التربيزة وباستها في راسها بعد غطتها وطلعت بعد ما قفلت النور والباب ..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
🌸 توتي 🌸
هالة كانت قاعدة برا في النجيلة وسرحانة وبتعاين في النجوم .. جاتها داليا وقَعَدت تتونس معاها ..
بعد مسافة جا ابوهم وكان شايل خضار وحاجات .. شالوها منو ودخلوها المطبخ .. هالة جابت ليهو عصير وداليا جابت ليهو موية
الصادق : الله يرضى عليكن ي بناتي😊💙
وقعد يتونس مع بناتو..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
🌸 الخرطوم 🌸
وائل كان ناااايم .. جاتو سهى صرخت في اضانو .. فرفر في السرير و وقع زح البطانية من وشو ولقا سهى واقعة في الارض وميتة بالضحك عليهو😂💔🔥
وائل : ياخ انا الخلاني اكون عمك شنو ،، دي مصيبة دي😩😩
سهى : حبوبة قالت ليك قوم صلي المغرب وانزل اتعشى👧🏻👧🏻
وائل : كويس😑😑
مشا إتوضى وطلع صلى .. ونزل سلم على ابوهو واخوهو لانو يادوب لاقاهم من الصباح كانو في الشغل .. اتعشى وبعدها مشو قعدو في جلوس الصالة كلهم بشربو في الشاي وبتونسو .. بعد شوية قامو الرجال ومشو يصلو العشاء في المسجد..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نهاية الحلقةة السابعةة ... 💜🎶
