قروية

الجزء الثالث ١٣

~~~~~~~~~~~~~~~~~~

طبعاً نزلو في مطار العاصمة برا .. ومن هناك جات عربية تسوقهم .. كانو ماشين على طول منقطة موركوت ..

بعد ٣ ساعات كدا وصلو .. ومن التعب الفيهم نامو على طول ..

صباح تاني يوم .. هالة قامت وعاينت جمبها لقت وائل ماف .. مشت سريع ودقت باب الحمام ماف صوت ففتحتو كمان م لقت وائل .. وطلعت برا قدام قعدة البيت وبرضو ما لقتو .. شوية كدا وجا داخل .. جرت عليهو بسرعة وقالت ليهو : وائل وين مشيت💔

وفجأة عيونها اتملت دموع

وائل : بس مشيت اشوف مكان ناكل فيهو وو..

لاحظ لعيونها .. ضماها سريع وهو بقول : حبيبتي اشش في شنو مالك

هالة : ماف شيء بس خفت لمن صحيت وما لقيتك هنا 

وائل : يا مجنونة ح اكون مشيت وين ما اكيد انا قاعد هنا روقي تمام وامشي اخدي ليك حمام ظريف كدا واجهزي عشان نطلع ناكل ونتمشى تمام

هالة : طيب

..دخلت الحمام وبعد ربع ساعة كدا طلعت .. كانت شايلة بشكير وبتنشف شعرها وهو مفكوك والموية بتنقط منو وهو نازل على طول ضهرها .. اول ما رفعت عيونها شافت وائل وهو بعاين ليها .. نزلت البشكير من يدها لما شافتو جاي عليها ..

وقف قدامها وبقا يقرب منها شوية شوية وهو بعاين جوا عيونها ..

قالت ليهو : وائل

خت اصبعو في شفايفها وقال ليها : هشش

قرب منها شديد وبقا بشم في ريحة شعرها .. خت ايدو في ضهرها من ورا قبل ما يطبع بوسة خفيفة على خدها .. 

هالة : احمم وائل مش نحن كنّا طالعين ناكل انا جعانة

وائل : طيب حبيبتي اجهزي سريع ويلا

كان لسا قريب منها وبعاين ليها جوا عيونها

هالة : طيب فكني عشان امشي اجهز

وائل : ما قاادر

هالة : حبيبي عليك الله

وائل : عشان كلمة حبيبي دي بس😭

ضحكت وزحت منو سريع .. جهزت وطلعو سوى .. وطبعاً هي عشان منطقة جبلية ما فيها عربات كتير .. فضلو يتمشو لغاية ما وصلو مطعم ظريف كدا .. طلبو واكلو .. 

وائل : امس شايفك نمتي ف الطيارة

هالة : ما انوم كيف وانت بتتونس مع الجمبك وناسي مرتك

وائل : امم غيرة افهمها !!

هال : اغير من بت صغيرة !😂وائل انت م جادي صح

وائل : طيب مالك

هالة : م بعرف🙂

فضلو بتونسو ويضحكو لغاية ما كملو أكلهم وشربو ليهم عصير ظريف ... تاني بقو يتمشو ويتصورو ولفلفو كتير .. وهالة كانت مبسوطة شدييد .. قريب المغرب كدا رجعو ..