~~~~~~~~~~~~~~~~~~
اتلاشت ابتسامتو تدريجياً وهو بقول بصوت واطي : هالة !! عرست ؟💔💔
ما عرف كيف ساقتو رجولو ومشا عليها .. وقف مسافة وهي ما منتبهة ليهو ..
قال بصوت هزيل : هالة
رفعت راسها بسرعة .. واول ما شافتو قامت وهي شايلة الشافع..
وائل : عرستي !! هالة معقولة !!
ردت عليهو بعدم استيعاب : عفواً !!!!!
فجأة جات اسيا (( مرت حسن اخو هالة )) : مروان عذبك صاح !!
هالة وهي بتبوسو : لالا ياخ معقول حبيب عمتو دا ياخ💜
ضحكت قبل ما تقول ليها : خلاص اديني ليهو احسن امشي انومو ف البيت
هالة : طيب
اسيا شالت ولدها ولاحظت لي وائل سلمت عليهو ومشت طوالي..
هالة رجعت عاينت لي وائل لقتو مبتسم🐸 (( البنقو كعب ))
هالة بإستغراب : اسمعني انت شارب ليك حاجة وجاي ولا مالك !!!
وائل بتوتر : لا م كدا بس كنت قايلو ولدك يعني ما بعرف
عاينت ليهو مسافة قبل ما تضحك😂
بعدها سكتت كدا وقالت ليهو : طيب ،، ممكن افهم الجابك هسي شنو ؟
وائل : هالة شوفي ،، انا جاي اصلح غلطي وو
قاطعتو وهي بتقول : غلطك !! بالله غلطك !! جاي تصلح غلطك ولا زهجت وقلت ترجع تاني تقضي بي زمن وتخليني زي المرة الفاتت !!
وائل : هالة اسمعيني الموضوع م كدا والله
هالة : طيب كيف
وائل : ابوي كان رافض فكرة العرس لمن مشيت وكلمتو..وهَسي يادوب حتى وافق وانا بس داير الفرصة دي عارف روحي غلطت لما خليتك كدا وما بررت موقفي بس ما قدرت اقول ليك الحاجة دي عشان م تزعلي
ردت عليهو وعيونها ملانة دموع : وائل !! يعني انت هسي عايزني اصدق كلامك !! وتقول لي انك ما قدرت تقول عشان ما تزعلني !! وااو يعني هسي انت شايفني فرحانة شديد صح !! لو سمحت امشي من هنا
والتفتت عشان تمشي مسكها من يدها وفي لحظة زعل قبلت عليهو بسرعة وادتو كف ..
قبل ما تقول ليهو : انا مش كلمتك زمان انو م تلمسني !!!!
وائل : طيب انا اسف بس والله ي هالة انا م ح اخليك م تعقدي الموضوع
هالة : من الاساس ماف اي موضوع عشان اعقدو امشي العب لعبتك دي بعيد مني
وجري دخلت البيت ومشت على غرفتها..قفلتها عليها قبل ما تمشي وتقعد ف السرير وتبكي : ليه رجعت تاني !! ليه رجعت بعد ما قربت انساك خلاص💔
