* توتي •
كمال : عامر ،، وائل وين ؟!
عامر : نايم جوا
كمال : صحيهو الصلاة قربت خلينا نلحق الخطبة👋
عامر : طيب
صحاهو .. قام وكلهم جهزو ولبسو الجلاليب والطواقي😍❤️ومشو الصلاة .. بعد خلصت جو راجعين قابلو حسن اخو هالة وائل مشا يسلم عليهو ومشو معاهو عامر وكمال برضو ..
☄☄☄☄☄☄☄☄☄☄☄☄☄
* الخرطوم •
عمر جا راجع من الصلاة .. وإيناس كانت منتظراهو ..
ايناس : واخيراً جيت🌚
عمر : اشتقتي لي !!😌😌
ايناس : اشتقت ليك شنو ،، مش قلتا ماشين عفراء بس عايزة نطلع خلاص😂💔
عمر : غايتو انتي😒
ايناس : القال ليك عرسني منو😌
عمر : غلطة وتاني م بتتكرر🤓
قعدو يضحكو الاتنين .. عمر غير جلابيتو وإيناس جهزت وطلعو مع بعض ..
☄☄☄☄☄☄☄☄☄☄☄☄☄
* مطار الخرطوم الدولي •
من السفرة الطويلة والمتعبة دي .. يادوب وصلو لؤي ولجين السودان ..
لؤي : لوجي ،، رايك شنو نبيت الليلة في فندق لانو بيت ناس عمتو بتول بعيد من هنا وانا بصراحة تعبان وعايز ارقد انوم💔
لجين : م عندي مشكلة🐸
ركبو امجاد ومشو الفندق .. حجزو غرفتين ومن تعبهم دخلو نامو طوااالي ..
☄☄☄☄☄☄☄☄☄☄☄☄☄
* توتي •
وائل كان قاعد وبفكر في هالة .. اتذكر انو هو راجع بكرا .. قال بينو وبين نفسو ( اخخ يعني بكرا اخر يوم اشوفها فيهو 💔 )
كان زعلان .. غير جلابيتو وطلع مشا المزرعة وشال جيتارو معاهم .. وبقا بغني وبعزف .. وانتظر مسافة بس هالة م جات
☄☄☄☄☄☄☄☄☄☄☄☄☄
* عند هالة •
كانت راقدة في غرفتها وبتعاين للسقف .. وبتفكر في انو بكرا وائل راجع وكدا .. غمضت عيونها وحاولت تشيل الفكرة من راسها .. لغاية ما نامت ..
☄☄☄☄☄☄☄☄☄☄☄☄☄
* الساعة ٤ ونص مساء •
وائل كان لسا قاعد في المزرعة ومنتظر هالة .. بس م جات .. م قدر يقعد اكتر لانو تعب .. رجع المبنى وهو زهجان شديد ومن زعلو رقد نام طوالي ..
☄☄☄☄☄☄☄☄☄☄☄☄☄
* بيت ناس الطاهر ( ابو رنا ) •
زياد كان قاعد وبتونس مع اختو ..
زياد : ي رنا ممكن اسالك سوْال
رنا : ايوة
زياد : يوم جيت اسوقك من الجامعة و مشينا مطعم داك ،، في بت كانت واقفة معاك جمب باب الجامعة ،، دي منو ؟!
رنا : صحبتي
زياد : لالا احلفي🐸💔
رنا : والله🙄
زياد : ي بت انتي مجنونة ،، عارفها صحبتك بس قصدي اسمها منو ؟!😂💔
رنا : اهاا ،، اسمها لين ،، لي مالك يعني ،، بس م تقول لي انبرشت !!🐸💔
زياد : انبرشت ساي👋ياخ البت عيبيها سمحة لمن عوارة😂💔 ،، ماف طريقة لي كدا ولا كدا !!☹️💔
رنا : والله م بعرف ،، بشوفها ليك😉😉
زياد : تكوني م قصرتي ياخ😍❤️
☄☄☄☄☄☄☄☄☄☄☄☄☄
نهاية الحلقة التاسعة والخمسون ... 💜🎶
