~~~~~~~~~~~~~~~~~~
صباح تاني يوم❤️
داليا دخلت أوضة هالة .. لقتها ناايمة ومن التعب بتشخر كمان😂
عاينت ليها مسافة وقالت بينها وبين نفسها (( يحليلك خلاص حا تمشي مننا .. بجد حا اشتاق ليكي شديد♥️ ربنا يسعدك حبيبتي ))
ومشت عليها تصحيها : هالة قومي خالتو منيرة اتصلت علي وقالت جايانا هسي عشان نمشي الكوفير صحصحي يلا
هالة وهي بتفتح عيونها ردت : خلاص كويس قايمة
مشت استحمت واتضوت .. صلت وأكلت ليها حاجة قبل ما تلبس ليها عباية وطرحة .. جات عربيتين .. واحدة اتختت فيها شنط هالة وحاجاتها .. عشان يرحلوهم ليها البيت
والتانية كانو راكبين فيها ..
وصلو الكوفير .. وكان عبارة عن محل كبير وراقي شديد .. ومنيرة اصرت تحجز هنا لانو دا احسن محل بجهز عروسات .. واول شيء عملوهو قعدوها ورسمو ليها يدينها ورجولها .. وعملو ليها شكل ظريف كدا جاي من رقبتها من ورا رقيق لغاية ما يصل كتفها ..
بعد كم ساعة كدا الرسمة نشفت وغسلتها .. وبدو يجهزو فيها ..
🍂🍂🍂🍂🍂🍂🍂🍂🍂🍂🍂
عند الشباب هناك .. كانو قاعدين في الحلاق .. وبتونسو كلهم سوى ..
تلفون عامر ضرب لقاها اروى ورد عليها
اروى : وين انت
عامر : مع العريس قاعدين في الحلاق
اروى : بتجهز فيهو اصلك !!🙂توبي دا كلمتك وديتو الترزي وما بقدر امشي ليهو براي
عامر : خلاص كويس جاييك مسافة السكة بس
وقفل منها
كمال : عرسوك ولا شنو
وقعد يضحك😂ما تم ضحكتو كدا تلفونو ضرب
عامر عاين ليهو لقاها دي رنا
بقا بضحك فيهو وبقول : رد رد حبيبي النشوف مرتك دايرة شنو🌚
وائل بقا يعاين ليهم وهو بضحك قبل ما يقول : شنوو يا شباب دايرني اخلي العرس ولا شنو🌚
عامر : احسن ليك ي ابني😂
بعدها طلع مشا لي اروى .. وكمال كان بتكلم مع رنا .. اما وائل شال تلفونو وضرب لي هالة ..
🍂🍂🍂🍂🍂🍂🍂🍂🍂🍂🍂
🌸 الكوفير 🌸
اثناء ما كانت هالة بتصلي تلفونها ضرب .. بعد سلمت مشت شالتو لقتو دا وائل رجعت ليهو
