~~~~~~~~~~~~~~
~~~~~~~~~~~~~~
بعد مسافة تلفون منيرة ضرب .. اول ما ردت قالت : وائل حمدلله ع السلامة يا ولدي
جاتها روان طايرة : اديني وائل بليييز اتكلم معاهو
منيرة اشرت ليها بيدها بمعنى دقايق بس ..
وفضلت تتكلم معاهو مسافة ..قبل ما تقول ليهو : هاك بت خالتك روان دايرة تسلم عليك
وائل : لالا اسمعيني كدي يا امي
جاهو صوت روان وهي بتتمايع وبتقول : يا ولي شنو لالا م عايز تتكلم معاي ولا شنو
وائل : لالا معقولة بس كنت بتكلم مع صحبي
روان : اهاا ما مشكلة .. كيفك انت
وائل : تمام الحمدلله
وقبل ما تقول شيء تاني قاطعها وقال : يلا يا روان انا مفروض امشي بعد دا سلام
روان : بس (( وسمعت صفارة القطر😂 ))
****عند وائل بهناك
الحمدلله دي شنو اللصقة دي ياخ..كووويس بس انهم بجو اسبوع وبيرجعو امشي القاها طارت ياخ..
ومشا لي سامي قبل ما يطلعو سوى ..
🍂🍂🍂🍂🍂🍂🍂🍂🍂🍂🍂🍂
🌸 عند اروى 🌸
كانت قاعدة بتاكل في نوتيلا قبل ما جرس الباب يدق .. مشت تفتحو لقتو كمال💙
اروى : اهلين اهليين اتفضل💙
كمال : كيفك !!
اروى : بخير الحمدلله💕
دخلو وقعدو سوى في جلوس الصالة ..
كمال : الف مبروك ياخ عامر كلمني ان شاء الله ربنا يجيبو بالسلامة
اروى بإبتسامة : اميين اميين
وفضلو يتونسو مسافة قبل ما يجي عامر ويقعد معاهم ..
عامر : ياخ مدام متلمين اللمة الظريفة دي حا ادق لي وائل يجينا
كمال : وائل م هنا سافر
عامر : وين ومتين ولشنو !!
كمال : كلمتني رنا قالت عندو اجتماع في فرنسا امور شغل وكدا يعني
عامر : وعندك فكرة راجع متين !!
كمال : ظرف اسبوع كدا تقريباً ..
