بعدما لوح كلاهما للآخر بيديه مشيراً إلى الوداع مع أمل اللقاء في وقتٍ أخر .. تحركت هالة على منزلها بخطواتٍ مثقلة وكأنها تفسر سيرها ببطء على أنه مقدار حزنها على مغادرة وائل .. بينما كان وائل باله مشغول بها طول الطريق .. يطرق على رأسه سؤال واحد .. متى سيعود ويراها مجدداً ؟!! .. كانو يوصلون كل شخص إلى باب منزله .. نزل عددٌ من الطلاب تبعهم وائل الذي وصل إلى البيت مرهقاً وكأنه وصل سيراً على قدميه .. ربما أهلكه كثرة التفكير .. تقدم بخطوات مثقلة نحو باب المنزل .. طرقه ولم يعد الثواني حتى انفتح الباب وكانت وراءه ميري .. حيته بإبتسامة .. ورد لها التحية مبتسماً أيضاً .. تقدم خطوات إلى الداخل .. ولم يضع حقيبته على الأرض حتى أتته سهى راكضة نحوه في شوقٍ واضح وهي تصرخ وتقول : عمو واااائل😍❤️
شالها وحضنها .. باسها على خدها وقال ليها : يا عيونو انتي😍
منيرة جات طالعة من غرفتها لما سمعت صراخ سهى .. عاينت لي ولدها بفرح واضح وقالت ليهو : نورت ي ولدي ،، اشتقنا ليك والله❤️
وائل : امي ي الغلا💙 ..
مشا وباسها على راسها وإيدها وحضنها ..
وائل : وين باقي الناس ؟!
منيرة : ابوك عندو شغل .. وعمر وإيناس مشو برج الفاتح يغيرو وكدا لكن راجعين الليلة ان شاء الله🌚
وائل : ايوااا تمام😄
منيرة : اطلع غير هدومك ،، انا بكلم حواء تجهز ليك شيء تاكلو وتجيبو ليك فوق💜
وائل بإبتسامة : طيب تمام😊
شال شنطتو وطلع الغرفة .. قفل الباب وراهو وخت الشنطة في الارض .. مشا رقد في السرير .. طلع التلفون من جيبو وختاهو جمبو .. غمض عيونو وفجأة ظهرت صورة هالة قدامو .. انقلب ورقد على الجهة الثانية وبرضو شايفها قدامو .. قام وفتح عيونو ومسك راسو بيدينو وقال : إستغفر الله💔
مشا غير هدومو وبعد شوية باب الغرفة دق ..
وائل : إتفضل ..
دخلت حواء وختت صينية الاكل في التربيزة وطلعت .. قام اكل حبة وشرب كباية العصير ورقد نام ..
🔹🔸🔹🔸🔹🔸🔹🔸🔹🔸🔹
🍂 توتي 🍂
هالة كانت في غرفتها .. متكلة على الحيطة وضامة نفسها عليها ودافنة وشها جوا يدينها وبتفكر في وائل ..
جاتها داليا في الغرفة وأول ما شافتها مشت عليها بسرعة وقالت ليها : بِسْم الله ،، هالة مالك !!😳
رفعت راسها .. عاينت ليها وقالت : لا ولا شيء ،، بس تعبانة شوية😊💔
داليا : متأكدة ؟!😥
هالة : ااي😄
طلعت داليا من الغرفة .. وهالة قامت ورقدت في السرير .. اتقلبت كتير فيهو قبل ما تشيل التلفون وتتصل على اسيا .. اتونست معاها مسافة وبعد فصلت منها رقدت نامت ..
🔹🔸🔹🔸🔹🔸🔹🔸🔹🔸🔹🔸
🍂 بيت بتول 🍂
لجين صحت من النوم وهي بتتمدد في السرير بفتور واضح .. شعرها كان مفكوك وهي بتحك في عيونها .. عاينت للساعة لقتها ١٠ صباحاً .. قامت اتوضت وصلت الصبح .. لبست توبها ونزلت قعدت في الصالة لقت صينية الشاي مختوتة في الصفرة .. مشت على المطبخ وكانت طالعة منو بتول وهي شايلة صينية زلابية 😋..
لجين : عمتو بتول😍كنت داخلة اصبح عليك !
بتول : صباحك خير ي بتي💙كيف اصبحتي الليلة ؟!
لجين : تمام والله الحمدللهہ😘
بتول : مالك لابسة التوب .. طلعيهو اصلاً صالح طلع قبل شوية🌚
لجين : مش كان بدّي محاضراتو من الاحد للخميس بس ،، الليلة السبت !!!🙄
بتول : لالا بدأ تدريس في جامعة تانية قبل يومين😅
لجين : ايواا لالا تمام😅
طلعت التوب .. وقعدو هي وبتول شربو الشاي سوى واتونسو ..
🔹🔸🔹🔸🔹🔸🔹🔸🔹🔸🔹🔸
※ نهاية الحلقة الأولى ۔۔۔ 💙✨
