🍂 بيت كمال 🍂
جات لين داخلة بعد ما وصلها زياد .. استحمت وغيرت ملابسها سريع قبل تصلي .. مشت غرفة كمال لقتو بقرأ ..
لين : ايوااا يا حفار🌚
كمال : تعالي تعالي .. عاملة لي فيها طالعة وبتخلطي🌚
جات وقَعَدت جمبو ..
كمال : اها احكي
لين : شنو
كمال : مبسوطة مع زياد ؟!
لين : بصراحة مع انو ما مرت على علاقتنا وقت طويل بس شهر .. لكن ارتحت ليهو شديد دا غير انو زول محترم ومسؤول شديد
كمال : الحمدلله
لين : اممم تاني ما فاتحت رنا بالموضوع ؟!
كمال : لا ،، هي بتحب وائل خلاص😊💔
لين : شوف ي كمال .. انا مع اني للان ما نسيت عامر تماماً وطلعتو من قلبي بس زياد شوية شوية ماشي يحتل محلو في حياتي وعلى اكبر .. وانت هسي بتقدر كمان تنسيها وائل وتخليها تحبك..
كمال : امم إن شاء الله ،، بس كيف☹️
لين : انا ممكن اساعدك🌚❤️
كمال : كيف
لين : ............
كمال : وضحي اكتر🤔
لين : ..........
كمال : ياااخي انتي الزيك منوو😍
لين : احم احم مافي زيي😌
دنقر وشال سفنجتو في يدو وهو بضحك قال ليها : يلا يلا من هنا عندي قراية عايز اتمها🐸👋
لين : هههه طيب طيب طالعة😹
طلعت من الغرفة .. وكمال رجع يكمل قرايتوو ..
🔹🔸🔹🔸🔹🔸🔹🔸🔹🔸🔹
🍂 بيت ناس علي _ المغرب 🍂
خلصو الغداء وقعدو في الجلوس حق الصالة عشان يشربو الشاي ..
ايناس : احم احم..
كلهم انتبهو معاها ..
ايناس : عندي حاجة لازم اقولها ليكم😅
علي : اتفضلي ي بتي
ايناس : انا حامل☺️
كلهم بقو بعاينو ليها وهم ساكتين👀
سهى : يعني ي ماما ح يجيني اخوو !!🙄
ايناس : ااي حبيبتي
منيرة قامت ومشت عليها .. ايناس قامت على حيلها ومنيرة حضنتها وباستها على راسها وعيونها مدمعة وهي مبتسمة .. قالت ليها : الله يفرح قلبك زي ما فرحتيني ي حبيبتي انتي💖
كلهم قامو وباركو ليها .. طبعاً عمر ساكت ما قال اي شيء .. بس طلع من البيت وساق عربيتو واتحرك ..
منيرة : بِسْم الله دا مالو !!
ايناس : م عارفة والله😥
استغربت شديد .. طلعت غرفتها صلت ومسكت تلفونها عشان تقرأ رواية ..
🔹🔸🔹🔸🔹🔸🔹🔸🔹🔸🔹
🍂 توتي 🍂
رجعو العرسان من شهر العسل وكانو متلمين في نجيلة بيت ناس اسيا هم واهاليهم ..
وعاملين شاي وتحلية وبتونسو سوى ..
اثناء ما قاعدين كدا جات داليا ومسكت هالة من يدها ودخلت معاها البيت ..
داليا : اها ي ستي من سافرت تاني ما اتكلمت معاك في الموضوع داك ،، حصل شنو بينك وبين وائل !!
هالة اخدت نفس طويل وبدت تحكي ليها كل شيء ..
داليا : المهم هسي انو بقا كويس..واتكلم معاك
هالة : امم اي
داليا : يلا خلينا نطلع برا قبل ما يجونا هسي😪
هالة : يلا
ورجعو ليهم تاني ..
🔹🔸🔹🔸🔹🔸🔹🔸🔹🔸🔹
بليل ..
ايناس كانت مغمضة عيونها .. حاولت تكون صاحية وتنتظر عمر يرجع بس غلبها .. وهي بتتصل وتلفونو مغلق .. اتحيرت فيهو .. بعد شوية حست بي انفاس حارة قريبة منها .. فتحت عيونها لقتو باس راسها .. قامت سريع وقالت ليهو بخلعة : وين مشيت انت😳
طلع من الغرفة وجا راجع شايل اكياس كتيرة
ايناس : ديل شنو ؟!
عمر : شوفيهم ..
فتحت الاول لقت فيهو كم نوع من العطور .. والتاني فيهو تلفون جديد .. والتالت فيهو طقم الماس وكعب عالي .. و واحد فيهو شوكولاتات وشبسيات وحاجات كتيرة .. والأخير فيهو كتب روايات كتيرة😭❤️ (( يااااا الله زي دا بس ياااا الله🙂👐🏻💚 ))
التفتت عليهو وغلبها التعبير ..
مشا عليها حضنها شديد وقال ليها : دا كلو ولا شيء قدام السعادة البتديني ليها ،، مرتي بحبك يااخ😘
🔹🔸🔹🔸🔹🔸🔹🔸🔹🔸🔹
🍂 تاني يوم 🍂
زياد ساق رنا على الجامعة ومشا على لين برضو ساقوها معاهم .. قبل ما يوصلو نزلو في كافي وقعدو سوى
زياد : يا لين
لين : نعم ؟
زياد : انا بعد دا عايز اجي اكلم اهلك خلاص
لين : نعععمممم!!😳
زياد : ااي مالك مخلوعة كدا انا مستعجل شديد وعايز الموضوع يتم قريب .. عليك الله سرعة عشان بكرا نتفق وبعد بكرا نعمل الخطوبة💔
لين : خلاص بكلم ماما وبشوف بحصل شنو😪
زياد : طيب
رنا : احم احم
لين : مالك
رنا : ولا شيء ولا شيء😂😂
اتونسو مسافة قبل ما يوصلهم الجامعة ويمشي على شغلوو ..
🔹🔸🔹🔸🔹🔸🔹🔸🔹🔸🔹
🍂 جامعة ناس وائل 🍂
بعد خلصت محاضرتهم طلعو كمال وعامر و وائل .. مع بعض ..
وائل : اها ي شباب راجعين معاي صح !
كمال : ااي خليت حاجاتي في بيت عامر بالصباح ..
عامر : ااي خلينا نغشى البيت نشيل حاجاتنا ونجي معاك
وائل : ظابط خلاص دقايق
اتصل على ابوهو ورسل ليهو عربية جديدة من الشركة مع السواق .. جا واداهو المفتاح .. ركبو واتحركو على بيت عامر ..
🔹🔸🔹🔸🔹🔸🔹🔸🔹🔸🔹
※ نهاية الحلقة العشروون ۔۔۔ 💙✨
