قروية

الجزء الثالث ٨

~~~~~~~~~~~~~~~~~~

🌸 السعودية _ ١١ ونص مساء 🌸

بعد ما نزلو في المطار .. كملو بقية اجرائاتهم .. شالو الشنط واتحركو على الفندق .. واول ما وصلو اي واحد فيهم مشا على غرفتو .. ومن التعب اي واحد فيهم مشا على سريرو ونام ..

صباح تاني يوم ..

صحا .. فضل يعاين مسافة حوليهو وهو بتذكر كلامو مع امو ..

***فلاش باك .،

منيرة : بس يا وائل يا ولدي كيف يعني تمشي تستقر هناك وليه فجاة القرار دا 

وائل : عايني ي امي هو ما تهرب بس كمان انا م ممكن افضل قاعد ف وش ابوي وهو ما موافق وفي نفس الوقت عندنا مشاريع ف توتي وانا ماشي وجاي حكون بشوفا اخر النهاية انا بشر ما حديد عشان استحمل دا وهي ما ليها ااي علاقة او ذنب ف الموضوع عشان تفضل شايفاني قداما..إدارة الشركة هنا حيستلمها سامي اما انا حمسك الفرع الفي السعودية وبفضل متواصل معاهو هنا ومتابع معاهو ..

منيرة : خير يا ولدي البتشوفو وربنا يسهل ليك ويوفقك ..

...............

مسح وشو بيدينو قبل ما يقوم يستحما ويصلي وعلى طول غير هدومو ونزل يتمشى ..

كلام هالة معاهو ونظرات الانكسار الكانت في عيونها ما بتروح من بالو .. فضل ماشي كتييييير وهو بفكر فيها وكيف كانو وكيف بقو .. بعد مسافة رجع الفندق .. ولاقا سامي ..

سامي : صباح الخير

وائل : صباح النور

سامي : وييين مشيت قبيل دقيت باب غرفتك كتييير وما فتحت

وائل : ااي نزلت اتمشى شوية بس

سامي : اهاا تمام ،، طيب خلينا نمشي ناكل لينا حاجة

وائل : لا شكرا شربت لي كباية قهوة وما نفسي اكل هسي بس بعدين كدا وانت طالع جيب لي معاك شيء خفيف ..

سامي : خيير ي صحبي

طلع غرفتو .. رقد في السرير وفتح تلفونو .. مشا على الواتس وفتح محادثتو مع هالة .. بقا بقرا فيها وهو بضحكك .. طلع ودخل الاستديو وفتح صورتها .. وبدون ما يحس وهو بعاين ليها نام ..

بالليل صحا بصوت باب غرفتو وهو بدق .. قام فتحو وكان سامي جايب ليهو اكل .. قعد اكل قبل ما يصلي وينوم تاني ..

🍂🍂🍂🍂🍂🍂🍂🍂🍂🍂🍂🍂