بنت القلب "سلسلة عالم المافيا"

إقتباس

اقتباس

استلقت أمامه وقالت بحزن وهى تنظر إلى سقف الغرفة :
- بحسهم كلاب ، كل ما بشوف راجل بحسه هيهوهو فى وشى يا دكتور ، لما باجى اتكلم مع حد ببسبسله اكنى بنادى لقطة ، بعامل الناس اكنهم حيوانات وكلو بقى يتجنبنى بسبب كدا ، اقولك على حاجة يا دكتور !
حرك طيف رأسه بالايجاب ليقول :
- قولى يا نيران
اسرعت نيران لتقول :
- انا متخيلاك معزة قدامى دلوقتى وحسيتك هتقول ماء من شوية
رفع طيف حاجبيه بتعجب لكنه لم يعلق ونطق قائلاً :
- طيب كملى يا نيران واية تانى
عاودت النظر إلى السقف مرة أخرى لتقول :
- مبقتش عارفة اتعامل مع حد يا دكتور ، كل شخص بقى متسجل فى دماغى على حيوان مختلف ، الغريب انى بعامل الحيوانات على انهم بشر ، حاسة انى اتجننت .. خسرت صحابى كلهم علشان افتكرونى مجنونة ، انا مش مجنونة يا دكتور .. انا حاسة ان انا تعبانة وكل حاجة فى دماغى بالشقلوب .. علشان كدا جيتلك تساعدنى
حرك طيف رأسه ونطق متسائلا :
- انتى بتحبى أية فى الحيوانات ؟
اسرعت نيران فى الرد :
- بحب القطط طبعاً ونفسى اتسخط قطة
رفع طيف حاجبيه مرة أخرى وحاول كتمان ضحكاته قدر المستطاع حتى لا تشعر بشئ ، أجابها بتلقائية :
- تتسخطى قطة ؟
حركت رأسها بالإيجاب قبل ان تقول :
- ايوة ، متمنتش قبل كدا تتسخط معزة ؟

***

بدأوا فى التحرك بحذر إلى ان وصلوا إلى سور ضخم فألقى غيث بحبل طويل وضخم فى نهايته مخالب قوية وتسلق السور بحذر شديد وكانت ليان تراقب الوضع من حوله إلى أن صعد فصعدت هى الأخرى خلفه ، وصل الاثنين إلى اعلى السور الضخم وبدأ غيث يفحص المنطقة بحذر بينما كانت ليان تنظر إلى الخلف تحسباً لظهور أحدهم ، أشار إليها بإصبع يده وقفز على الفور فتبعته وتحركوا عدة خطوات بحذر إلى أن حدث ما توقعوه ، ظهر أحد الحرس وهتف بصوت اجش ضخم باللغة الإنجليزية :
- ماذا تفعلون هنا
ثم نظر إلى ليان وتابع:
- ليس عليكِ الخروج ، التدريب بالداخل وليس هنا
ابتسمت ليان بمكر واردفت باللغة الإنجليزية :
- ومن قال لك أن هذا تدريب ؟
ثم رفعت سلاحها واطلقت عليه الرصاص فسقط أرضا فهتف غيث بجدية :
- يلا بسرعة قبل ما حد يجى تانى
بالفعل بدأوا فى الركض إلى أن ظهر الكثير منهم بأسلحة رشاشة واطلقوا النار بغزارة فأنخفض غيث وجذب ليان لتنخفض مرة أخرى فى حفرة رملية صغيرة ، امطرهم هؤلاء الرجال بوابل من الرصاص لكن من حسن حظهم انهم وجدوا تلك الحفرة الصغيرة ليحتموا بها ، نظر إليها بعينين قوتين كالصقر وهتف بحماس :
- هعد لحد 3 ونطلع مع بعض نضرب تمام !!
حركت رأسها لتقول بحماس :
- تمام
- 1 2 3
وقف الاثنين معا كل منهم يحمل مسدسين بيده واطلقوا الرصاص على تلك المجموعة بحرفية شديدة ليوقعهم كلهم أرضا ، اخفضوا أسلحتهم ونظر إليها بإبتسامة قائلاً :
- مش قولتلك بطل
لاحظت احد الرجال يأتى من الجهة الأخرى وهو يوجه سلاحه تجاههم فصاحت بقوة :
- حاااسب
ثم دفعته واطلقت الرصاص على هذا المسلح الذى كاد أن يقتلهم ، نظرت إليه بقوة وهى تهتف :
- قولتلك فى التدريب تتوقع اى حاجة وفى اى وقت ، اديك كنت هتموت
نظر خلفها ليجد مجموعة أخرى واطلقوا النيران على الفور فقفز والقى بنفسه عليها ليوقعها أرضا ويحميها من الرصاص ثم رفع رأسه واطلق الرصاص على احدهم واوقعه أرضا ثم سحب ليان إلى الحفرة مجددا وهو يطلق الرصاص حتى يعطى لنفسه فرصة بسحبها ، كل هذا حدث فى اقل من ثانية واحدة فرفعت ليان رأسها وابتسمت لغيث قائلة :
- انقذتنى
غمز لها قائلا بإبتسامة :
- ياريت نتوقع كل حاجة وفى اى وقت يا سيادة المدربة
ضحكت ثم ظهرت الجدية على وجهها مرة أخرى واردفت :
- جاهز !!
حرك رأسه ووقفوا معا ليطلقوا الرصاص عليهم ويوقعوهم بسهولة شديدة ، نظر إليها غيث وهتف بصوت عالٍ :
- يلا بسرعة قبل ما حد تانى يجى
هزت رأسها و ركضت معه بسرعة شديدة إلى تلك الغابة الضخمة المليئة بالاشجار العملاقة والنخل الضخم ...

***

وقف طيف وأدار وجهه للجهة الأخرى وهو يقول لنفسه :
- وبعدين بقى فى الحالة الغريبة دى ! انا عدى عليا حالات كتير اوى لكن اول مرة يجيلى حد مجنون بجد
عاود النظر إليها مرة أخرى ليقول :
- طيب بصى ، عايزك تقولى انا إنسانة انا إنسانة انا مش قطة قوليها كتير اوى وانتى مغمضة عينك واتخيلى نفسك بتجرى فى مكان واسع وكبير اوى وقولى انا إنسانة وكرريها كتير لغاية ما اقولك اقفى ، تمام !
حركت رأسها وبدأت فى تنفيذ طلب الطبيب طيف وأغلقت عينيها وبدأت تقول
" أنا إنسانة إنسانة أنا مش قطة أنا إنسانة أنا مش قطة ، ميااااااووو مياااااو "

باااقى من الزمن حوالى 23 يوم ..
ميعادنا يوم 1/3 ان شاء الله
الوراية كوميدى واكشن ورومانسى واجتماعى واوعى من المفاجآت 😂🔥
مين مستنى !!!!!
عبدالرحمن أحمد "الرداااد"