THE LOVE THAT CONTINUES. ¦ VMin

Chapter 29 : "Always."

Taehyung's Point of View.

"I'm back!" pambungad ni Yeri pagkapasok niya ng bahay.

"Hello, back. I'm Taehyung." biro ko at tumawa. Sinamaan naman niya ako ng tingin.

"Siraulo ka talaga, kuya." Nagtanggal siya ng sapatos at nilagay ito sa shoe rack. Ibinagsak niya rin ang bag niya sa lalagyanan nito. "Anong pagkain?"

"Wala pa. Maghintay ka d'yan." sagot ko. "Kumusta naman kayo ni Jungkook? Sinagot mo na ba siya?"

Namula naman ang gaga. Harot. "Grabe naman, kuya. Wala pa nga siyang isang linggong nanliligaw eh."

"Sorry, malay ko ba." tumawa ako. "Oh, kumusta nga kayo?"

"Ayos lang naman kami." ngumiti siya. "Bakit interesado ka?"

"Sana all may lovelife." sabi ko tapos bigla siyang tumawa. Tumawa rin ako kasi natawa ako sa pagtawa niya.

"Umamin ka na kasi kay kuya Jimin."

Napatigil ako sa pagtawa, "Hell, no!" halos sigaw ko. "Hindi pa ako handa."

Umupo siya sa sofa, sa tabi ko, "Kailan ka pa magiging handa, kapag pumuti na ang buhok mo?"

Tumahimik ako saglit. "Well, pwede naman akong magpakulay."

Tumawa siya, "Siraulo ka talaga!" hinampas niya pa ako sa balikat.

"Aray! Puta, ang sakit."

"Siraulo ka kasi, kuya."

"Matagal na, ngayon ka lang ba na-inform?" tumawa ako at inirapan naman niya ako. Edi wow.

"Ano ba naman 'yan, kayong dalawa talaga." biglang dumating si Mama galing sa kusina. "Taehyung, maghain ka na, kakain na tayo. At Yeri, tawagin mo 'yung Papa mo do'n sa basketball court."

"Okay." sabi ng kapatid ko at lumabas na ng bahay.

Pumunta naman ako sa kusina para kumuha ng mga plato.

+++

Jimin's Point of View.

Nag-i-scroll lang ako sa facebook nang may nakita akong post na naka-tag si Dad.

May kasama siyang batang babaeng may hawak na Gucci bag tapos ang caption, "Thank you for the gift, Dad." in Korean.

Dad? Tinawag no'ng bata 'yung tatay ko ng Dad? What the heck!

"Mom!" sigaw ko pero walang response. "Mom! Come here."

Maya-maya ay bumababa na siya mula sa hagdan, "Ano 'yon?" Pagkatapos ay tumabi siya sa 'kin sa sofa.

"Look at this." Pinakita ko siya 'yung post. "Do you know about this?"

Nang makita niya ay tumahimik lang siya. "Jimin, I-"

Niyukom ko ang kamao ko at kinunot ang noo, "Kaya ba gusto mong magtrabaho na ako? So we can still earn money, huh? Mom!"

"Yes. Putangina, oo!" Nabigla ako nang magmura siya. "Magpapadala pa rin daw ang tatay mo ng pera pero hindi na siya uuwi rito."

Nakakunot pa rin ang noo ko, "What?"

"He found someone else, matagal na. He doesn't want to be with us anymore." bigla na lang siyang umiyak. "Ikaw na lang ang meron ako, anak. Ayaw rin sa atin ni Jihyun."