THE LOVE THAT CONTINUES. ¦ VMin

Chapter 56 : Of Hugs And Kisses

A/N: For everyone's information, I (kinda) keep track of the date and Chapter 55 is July 31, 54 is 30 and 53 is 29 :))
-

Taehyung's Point of View.

"Uhm," umubo nang peke si Yeri habang nasa hapagkainan kami, "pupunta po rito 'yung mga classmate ko mamaya." para bang nahihiyang sabi niya.

Sa totoo lang, ang pagpapaalam sa magulang na may pupuntang classmates sa bahay ang isa sa pinakanakakahiyang ipaalam sa mga magulang. We all know that but we don't know why.

Pero kapag mga tropa ang pupunta sa bahay, minsan biglaan ang punta nila rito kaya lahat nagugulat, 'yung tipong hindi ko rin alam kaya hindi ko rin naipapaalam kay Mama.

"Sure, anak. Malinis naman ang bahay, unless gusto niyo pang linisin." Parehas kaming prumotesta ni Yeri.

"No way!"

"Nope, lalabas na lang ako."

Natawa naman si Papa sa 'min.

I'm a clean person pero kapag maglilinis ng bahay, tinatamad ako, sa totoo lang. I'm sorry.

"Anong oras naman daw sila pupunta?" tanong ni Mama at maya-maya ay may kumatok sa pinto.

Sabay-sabay kaming napatingin sa pintuan. Sila na ba 'yon? Ang bilis naman.

Tumingin ako sa orasan at nakita kong alas otso pa lang. What the! At napansin ko ring August 1st na pala ngayon.

Tumakbo roon si Yeri at binuksan ang pinto. Hindi niya mga classmate ang tumambad sa pintuan kundi si Jungkook.

Ang aga naman nitong bumisita.

"Hello, baby!" ngiti nito sa kapatid ko at yakapin sila.

Agad akong umiwas ng tingin at nagpatuloy sa pagkain. Respeto naman po sa mga single.

"Good morning po, Tita, Tito and future brother-in-law." rinig kong sabi niya.

Lumingon ako sa kaniya at sinamaan siya ng tingin, "Tigilan mo 'ko, Jeon Jungkook, baka masapak kita!" Biro lang 'yon pero mukhang natakot siya.

Nanlaki ang mga mata niya, "Joke lang, Hyung! Kalmahan mo lang." Pabiro ko lang na nirolyo ang mga mata ko.

"Hijo, ang aga mo namang bumisita." sabi ni Papa at uminom ng tubig.

Jungkook grins, "Pasensya na po, medyo pinalayas lang po sa bahay kaya dito ako dumiretso." sagot niya.

"Ang layo ng narating mo ah." singit ko.

Bumalik na rito sa hapagkainan si Yeri at pinagpatuloy ang pagkain niya. Naglakad naman papunta dito si Jungkook.

"Anong nangyari?" nag-aalalang tanong pa naman ni Mama.

"Uhm, nagtatalo lang naman po sina Mama at 'yung kapatid kong siraulo tapos sabi ni Hyung sa 'kin lumabas daw muna ako, mamaya na lang daw ako bumalik." tumatawang sagot niya.

"Oh, ang sabi lumabas, hindi pumunta sa bahay ng girlfriend at tropa mo." hinampas ko siya sa braso.

"Okay lang 'yon. Sabi ko nga eh, "Sige, kina Taehyung hyung muna ako," sabay takbo." Tawang-tawa siya.

"Ewan ko sa 'yo!"

"Oh, ang kuya mo pala ang ipinunta ni Jungkook dito eh." pagbibiro ni Papa at nag-pout naman si Yeri. Tumawa lang kami ni Mama.

I love this family.

+++

Kakatapos ko lang maligo at nagulat ako nang dumami ang tao rito sa bahay. Nandito na ang mga classmate ni Yeri, nakaupo sila sa sahig.