THE LOVE THAT CONTINUES. ¦ VMin

Epilogue

A/N: double update para tapos na :D welcome to epilogue!
-

First Person's Point of View.

Malinaw na malinaw pa rin sa aking memorya kung paano ko nakilala itong lalaking nasa tabi ko limang taon ang nakalilipas.

Flashback ¬

Malapad ang aking ngiti habang nakatitig sa kapeng nasa aking harapan. Isang black coffee na walang gatas, kasi mayroon akong lactose intolerance, pero may limang kutsara ng asukal. Napakasarap!

Pero hindi masarap magkaroon ng diabetes, alam ko iyon.

Habang mapayapa akong umiinom ng kape at nakabantay sa panaderya namin ay may nakita akong lalaki sa harapan ko na bahing nang bahing at tila may buhat-buhat pa siyang pusa.

"Hoy! Kanina ka pa bahing nang bahing diyan, baka malagyan mo ng bakterya itong kape ko." reklamo ko sa kaniya at napatingin naman siya sa akin.

Wow!

Literal na wow.

Ang gwapo nitong lalaking nasa harapan ko.

May mestisong balat at kulay kayumangging buhok, ganoon din ang kaniyang mga mata.

Pero hoy, hindi ako bakla, sa palagay ko lang ay gwapo siya.

"I finally found you." Nagtaka ako sa sinabi niya. Ano raw?

"Ano kamo iyon?"

Umiling siyang bigla, "I'm sorry, I've been holding this kitten." iniangat niya pa nang kaunti ang pusa-ay, kuting pala, na dala niya.

Hala! In-English ako. Paano ko sasagutin iyon?

Ay sandali, naunawaan niya kaya iyong sinabi ko kanina?

"Allergic ka ba sa pusa?" Tumango lang siya. "Kung ika'y allergic sa pusa, bakit hawak mo iyan?"

"They're homeless. My heart can't take it." Tumango-tango lamang ako at humigop ulit sa tasa ng aking kape. "Uh," Lumingon ako sa kaniya nang umubo siya. "Could I buy two pieces of... what do you call it, pandesal?"

"Ay, wala na kaming pandesal sa ganitong oras. Ngunit maaari kang bumili nitong monay."

"Do you have bonete?" Bumahing ulit siya.

Nakakaawa naman, namumula na ang ilong niya at nagluluha ang mga mata.

"Mayroon. Dalawang piraso ba kamo?" tumango siya. "Okay!"

Pumunta ako sa likod para kumuha ng dalawang piraso ng bonete at inilagay ito sa isang bag na papel or paper bag.

"Tatlong piso ang isa, kaya anim na piso lahat." Iniabot ko sa kaniya iyong paper bag pero tinitigan niya lang ako. "Oh, bakit? Kunin mo na ito, nangangalay na ako."

Sabay kaming tumingin sa kuting na natutulog sa braso niya. Ang cute!

Bumahing na naman siya nang apat na beses na tuloy-tuloy.

Inilapag ko sa counter ang paper bag at lumabas ng panaderya o bakery. "Akin na nga iyan, naaawa na ako sa iyo, bahing ka nang bahing."

"Thank you."

Kinuha ko nang dahan-dahan ang kuting mula sa braso niya upang hindi ito magising. "Akin na ang iyong bayad at kunin mo na ang paper bag ng tinapay na binili mo."

Kumuha siya ng barya mula sa bulsa niya at iniabot sa akin. Kinuha ko ito at kinuha naman niya ang paper bag mula sa counter.

"Kakaiba ka magsalita 'no? Medyo makata pero may pagka-modern pa rin." Marunong naman pala siya managalog.