أسميتُها ليليان ( متوقفة )

❤الفصل التاسع والعشرون❤

_ قدري ان أحبك _
_ 29 _
راقبته بنظرات متألمة تلوم نفسها مرراً كلما رأته راقداً هكذا لا حول له ولا قوة ، التفتت للطبيب قائلة بأسي بعد ان قررت اخيراً الظهور امام الأطباء لمعرفة مدي سوء حالته :

- هو هيفضل كده لحد امتي يا دكتور ؟ ده بقاله 3 شهور ومفيش تحسن !!

ابتلع الطبيب ريقه متذكراً تهديده العنيف ليجيب محاولاً اخفاء امتعاضه :

- احنا عملنا الي علينا بس واضح انه هو الي مش عايز يقوم خلي بالك الزعل بيبقي عامل مهم في الحالات الي زي دي...

اومأت بتفهم ليغادر الطبيب بضيق من اضطراره للكذب بهذه الطريقة بينما هي جلست بجواره تطالعه بأسي قائلة :

- طب انت ايه الي مزعلك ؟ انا عارفة اني افتريت بس والله ما توصل للقتل انا كنت عايزة ابعدك عني مش أكتر !

تنهدت بحزن عميق لتتجرأ وتسند رأسها علي معدته وسرعاً ما اتسعت عيناها الخضراء حين شعرت بانتفاضة طفيفة بجسده وكأنه لم يتوقع فعلتها ! ابتعدت تضيق عيناها بشك ، نهضت تنادي الطبيب والذي ما ان جاء حتي هتفت بجدية :

- لو سمحت يا دكتور انا قررت انقل جوزي لمستشفي تانية ياريت تجهزلي الورق المطلوب !..

ارتبك الطبيب ارتباكاً واضحاً للعيان متمتماً بتوتر :

- مينفعش حضرتك تنقليه دلوقتي !

اقتربت تقف مقابله ترد بتحدي :

- ليه انت مش قلت حالته مستقرة ؟؟

- ايوة بس مش هتفرق اي مستشفي علشان مفيش علاج للغيبوبة دي حاجة ليها وقتها والله اعلم هيفوق امتي...

اومأت بتفهم لتسحبه خلفها للخارج وما ان اغلقت باب الغرفه حتي دفعت الطبيب لتصدمه بالحائط وبلحظة اخرجت مُديتها تضعه علي رقبته هامسة بتهديد :

- اسمع بقي علشان انا خلقي ضيق وجاوبني بصراحه علشان ماخليش رقبتك تبعد عن جسمك...الراجل الي مرمي جوه ده فاق من امتي ؟؟

نظر لها الطبيب بأعين جاحظة ليتمتم :

- انتي فاهمة غلط ده لسه في غيبوبة !

زفرت بعصبية لتجرح جرح بسيط برقبته هامسة بنبرة خطرة :

- يا دكترة متخلنيش ارقدك مكانه انطق وقول فاق من امتي ؟؟

ابتلع ريقه بصعوبة ليهمس بتعب :

- هو مدخلش في غيبوبة اصلاً علاج جرحه خد كام يوم وكان ممكن يخرج بعد اسبوع...بس والله انا مليش دعوة ولو حد عرف انا مستقبلي هيضيع !