انت وطنى مكتمله

الخطه

ماجد : تتجوز
مايكل : أيوة
ماجد : قررت يعنى فيه حد ولا انت هتخلينا نختار لك
مايكل : بابا انت عمرك مغصبت على حد فينا بالعكس كل واحد فينا كان دايما مسئول عن اختياراته حتى لو كان غلط وكنت دايما تقولنا حتى لو اخترت غلط هتتعلم بعد كدة ازاى تختار صح واظن انا فى سن دلوقتى اقدر اوزن الأمور بعقلى واقدر اميز الصح من الغلط
ماجد : كلامك بيقول انك فعلا اخترت
مايكل : دى يزعل حضرتك
ماجد : بالعكس دى يريحنى قوى صحيح هيتعب غيرى بس مش مهم  المهم راحتك انت وبس
مايكل : كدة يبقى اتفقنا
ماجد : بس انا لازم اطمن على اختيارك دى جواز يا مايكل مفهوش رجوع أو طلاق
مايكل : طبعا يا بابا
ماجد : احكيلى مصريه ولا
مايكل : دى مصريه ومصريه اصيله كمان
ماجد : ازاى
مايكل : جت من مصر من حوالى ٤ سنين علشان تدرس طب
ماجد : قول كدة زميلتك
مايكل : زميلتى فى الشغل وجارتى فى السكن
ماجد : تعرفها بقالك قد ايه
مايكل : داخل على ٦ شهور
ماجد : يعنى من ساعه ما سكنت فى نيويورك
مايكل : تمام
ماجد : حلوة
مايكل : قمر
ماجد : بتحبها
يبتسم مايكل
مايكل : بصراحه قوى يا بابا
يبتسم ماجد راضيا
ماجد : وأخلاقها
مايكل : بنت مؤدبه قوى ورقيقه ولطيفه وذكيه وعمليه قوى صحيح عصبيه شويه بس كلها على بعضها ممتازة
ماجد : واهلها
مايكل : ناس طيبه وهى وحيدة بيحبوها قوى
ماجد : معاك عنوانهم فى مصر
مايكل : عنوانهم اهه واسمها بالكامل
يعطى مايكل ماجد ورقه
ماجد : دى انت جاهز قوى
مايكل : ومستعجل كمان
ماجد : هكلم عمك نبيل يسأل عنهم ولو زى ما انت بتقول يبقى على بركه ربنا
مايكل : يبقى كلمه دلوقتى
ماجد : حاضر
مايكل : بابا انا مش عاوز امشى من هنا الا وأنا متأكد من موافقتك
ماجد : انت هتقعد قد ايه
مايكل : اسبوع
ماجد : هتعرف رأى قبل ما تسافر
مايكل : فيه طلب كمان
ماجد : خير
مايكل : ياريت محدش يعرف خالص بالموضوع دى انا مش عاوز مشاكل من دلوقتى
ماجد : انا فاهمك بس انا لازم اقول لوالدتك
مايكل : انا اقول لها بس بعد ما توصلك الاخبار من عند عمى نبيل
ماجد : تمام
مايكل : لو حد سألك يا بابا قول انى هعمل مشروع مع دكتور صاحبى
ماجد : عاوزنى اكدب
مايكل : فين الكدب دى يا بابا هو مش الجواز مشروع والى هتجوزها دكتور
ماجد : طول عمرك ذكى
مايكل : من بعض ما عندكم يا والدى
ماجد : كنت عاوز اشوف إلى خطفت قلب ابنى
مايكل : معايا صورة ليها على الموبايل لعلمك لو عرفت أن صورتها معايا هتبهدلنى
ماجد : وانت صورتها ازاى
مايكل : من غير ما تاخد بالها اصلها صعبه شويه بص يا بابا
ماجد : دى أمورة قوى لا عرفت تنقى بجد
مايكل : انت بتشك فى ذوق ابنك
ماجد : لا انا كدة مطمن عليك
مايكل : حبيبى يا بابا
ليحضن مايكل ماجد يخرج مايكل من غرفه المكتب ليجد جيسى تقف تنتظرة يحاول تجاوزها لكنها تقف أمامه
جيسى : مايكل عاوزة اتكلم معاك
مايكل : خير فى ايه
جيسى : تعال نقعد فى الصالون علشان نكون لوحدنا
مايكل : ليه عاوزة تلبسينى تهمه زى المرة الى فاتت لما افتكرتك عوزانى فى موضوع بجد لكن بدل كدة رميتى نفسك فى حضنى وبوستينى وكنتى عاوزة تصرخى لولا أن مينا وميرا كانوا موجودين وانتى علشان كنتى عاوزة تدبسينى وبس مشفتهمش ومينا طلع ناصح وصورك وانتى بتبوسينى بالعافيه
تبكى جيسى
جيسى : اسفه يا مايكل بس انت ما بتحسش بيا انا بحبك
مايكل : لو كنتى بتحبينى بجد مكنتيش عملتى كدة
جيسى : مايكل انت بتاعى وبس
مايكل : لا انا عمرى ما هكون بتاعك وعلى فكرة أنا اتمنى الموت على انى اتجوز واحدة زيك انانيه ميهماش غير نفسها ولو خيرونى بين جوازى منك وموتى انا هختار الموت
جيسى : للدرجه دى
مايكل : أيوة للدرجه دى انا بكرهك وبكرة اشوفك قدامى
جيسى : بكرة لما نتجوز هتحبنى
مايكل : بكرة لما اتجوز غيرك ساعتها هتفوقى وهتعرفى ساعتها حجمك الحقيقى
جيسى : يوم ما تفكر فى واحدة غيرى هقتلها لك
مايكل : اتكلمى على قدك يا شاطرة انتى اتفه انسانه وتهديدك دى على الفاضى سلام يا بنت عمتى
تمر  الايام وقبل سفر مايكل بيوم وكان الجميع يجلسوا مع بعض حتى قال ماجد
ماجد : مايكل الموضوع الى انت كلمتنى عليه أنا موافق
ينهض مايكل من على الأريكة وهو فرح
مايكل : بجد يا بابا
ماجد : بجد يا حبيب بابا الف مبروك
ليحضن مايكل ماجد وهو فرح بشدة
عفاف : مش تفرحونا معاكم خير فيه ايه
ماجد : اصل مايكل ناوى يفتح مشروع مع صاحب ليه وكان بياخد رأى
جيسى : والمشروع دى ايه وفين
مايكل : انا دكتور هبقى افتح ايه مطعم
مينا : هو مشروعك دى مع دكتور ماكس
ينظر مايكل لمينا محذرا
مايكل : أيوة عليك نور
ميرا : مين دكتور ماكس
مينا : دى زميل مايكل انما ايه
ساميه : ماله
ينظر إلى مايكل بمكر
مينا :  محترم قوى ولو مايكل لف الدنيا دى كلها مش هيلاقى زيه شريك
ميرا : انت قابلته على كدة
مينا : اه لما زرت مايكل
ساميه : مبروك يا حبيبى وربنا يوفقك
مايكل : ربنا يخليكى يا ماما بقولك ايه عاوزك ايجى معايا تحضرى لى الشنطه 
يصعد مايكل وساميه وتردف عفاف
عفاف : وطبعا العيادة دى فى نيويورك
مينا : طبعا
عفاف : كويس المرة دى عيادة المرة الجايه جوازة
ماجد : عن قريب قوى يا عفاف
عفاف بفرحه وهى تنظر لجيسى
عفاف : انشاء الله
فى غرفه مايكل
ساميه : أمورة قوى يا حبيبى
مايكل : عجبتك
ساميه : قوى اهم حاجه انك بعدت عن بنت عفاف
مايكل : تفتكرى انا ممكن اتجوز بنت الست إلى طول عمرها بتضايقك انا عارف ان بابا بيدافع عنك كتير بس بصراحه عمرنا ما هننسا مواقفها معاكى وخصوصا لما اتبلت عليكى وكانت هتخرب البيت
ساميه : ربنا يسامحها بقى هى هتبقى السبب أن محدش يجوز بنتها
مايكل : بنتها دى كمان عقربه انا مش عارف ازاى دى عمتنا هى وبابا غير بعض خالص
ساميه : طول عمرها قويه عاوزة تمشى الكون على مزاجها حربها معايا أنها كانت عاوزة ابوك يتجوز بنت خالته مع أن سوزان مكنتش عاوزة ابوك وابوك مش عاوزها ولما طفشت عريس كان هيتقدم لسوزان جت البيت وبهدلتها قدام الكل وقالتها أنها مش عاوزة اخوكى هو لزقه لغايه ما ابوك خطبنى من غير ما هى تعرف ومن ساعتها وهى معايا كدة
مايكل : المهم يا ماما مش عاوز حد يعرف حاجه لغايه ما كل حاجه تتم
ساميه  : اطمن يا حبيبى بس كنت عاوز اشوفها واقابلها
مايكل : ايه يا سوسو هنبتدى شغل الحموات
ساميه : حموات ايه بس كل الحكايه عاوزة اتعرف على مرات ابنى مش من حقى
مايكل : حقك يا سوسو أرتب معاها علشان مش هينفع نعمل اى حاجه الا بعد امتحاناتها
ساميه : تمام مبروك يا حبيبى عقبالك انت كمان يا مينا
مايكل : لا دى تزودى الدعاء ليه قوى لأنه عاوز معجزة
يضحكا الاثنان وكانت ساميه فرحه جدا وأثناء إيصال مايكل إلى المطار اخبر مايكل أخته ميرا
ميرا : الله يا ميكو أيوة كدة دى البنات مش ابو قردان إلى عندنا
مايكل : ايه يا بنتى انتى مش كنتى بتقولى عليها الحيه المجلجله غيرتى اسمها
ميرا : يعنى التغير حلو برضه
مايكل :  مش عاوز اوصيكى عمتك وابو قردان ميعرفوش حاجه
ميرا : اطمن يا ميكو سرك فى أعمق بير
يعود مايكل وثانى يوم يذهب إلى المستشفى ليقابل ماريان
ماريان : حمد الله على سلامتك يا دكتور
مايكل : الله يسلمك عاملين ايه
ماريان : مش كويسين
مايكل : فيه ايه
ماريان : انت متعرفش
مايكل : خير
ماريان : الحكومه أصدرت قرار بترحيل الأجانب إلى معهمش الجرين كارد اخر السنه يعنى قدامنا ٦ شهور
مايكل : حتى إلى بيدرسوا
ماريان : أيوة
مايكل : وانتوا هتعملوا ايه
ماريان : انا مشكلتى محلوله انا هتجوز فى شهر ٧ المشكله فى سيلفيا
مايكل : هو فيه ايه كل ما احس أن خلاص قربت ليها الاقيها تتعقد كدة ليه وطبعا تلاقيها مموته نفسها من الزعل
ماريان : النهاردة راحت تقدم التماس ليها فى إدارة الهجرة يمكن يستثنوها
مايكل : ودى احتمال نسبته ضعيفه طبعا
ماريان : جدا
مايكل : يعنى السنين الى فاتت راحت عليها وانا إلى جاى فرحان انا كلمت بابا وماما وموافقين على جوزانا وفرحانين قوى هعمل ايه دلوقتى
ماريان : انا عندى الحل سامحنى يا رب بس دى لمصلحتك ومصلحتها
مايكل : قولى عليه
ماريان : بس تعمل إلى هقولك عليه مفهوم
مايكل : مفهوم
ماريان  : هقولك على الخطه

🌸🌸🌸🌸🌸🌸🌸🌸🌸🌸🌸🌸🌸

قرائى الاعزاء كل سنه والمسيحين بخير بمناسبه عيد القيامه وايضا المسلمين بمناسبه شهر رمضان المبارك أعاد الله علينا هذة الايام المباركه بالخير للجميع وازال الله الوباء من العالم اعتذر عن ايقافى عن الكتابه لذا نشرت ٢ بارت واول بارت سيكون فى شم النسيم كل عام والجميع بخير وصحه وسلام 💐💐💐💐💐💐💐💐