انت وطنى مكتمله

واحدة واحدة

صباح اليوم التالى فى المستشفى ماريان تقابل مايكل
ماريان : مبروك يا دوك
مايكل يبتسم بسعادة
مايكل : الله يبارك فيكى قالت لك
ماريان : أيوة بس طبعا هى متعرفش انى انا إلى رسمت الخطه
مايكل : كنت خايف تفشل بس الحمد لله وافقت
ماريان : الخطوة إلى بعد كدة
مايكل : هنفضل نخرج مع بعض شويه لغايه الامتحانات وبعدين اعرفها على بابا وماما واخواتى ونسافر مصر واتقدم ليها رسمى
كانت السعادة واضحه على وجه مايكل
ماريان : اه لو عرفت انك مرتب كل حاجه فى مصر ممكن تلغى الليله كلها
مايكل : متخفيش انا مأكد على الكل محدش يجيب سيرة
ماريان : اهم حاجه قربها منك اكتر خليها تتعلق بيك اكتر
مايكل : لو قلت ليكى ان بحس انها بتحبنى تصدقى
ماريان : انا بقى متأكدة أنها بتحبك بس فيه حاجه مش عارفه ايه هى خلى بالك ممكن الموضوع دى يأثر على علاقتكم
مايكل : هحاول اعرف منها بس بالهداوة وبراحه سيلفيا طفله كبيرة بريئه قوى ملاك من جوة عاوزة الهدوء والصبر
ماريان : وانت هتصبر
مايكل : انا بحبها يا ماريان بعشقها من اول لحظه شافتها عينى خطفت قلبى وعقلى علشان كدة لازم اصبر اصلا انى اتجوزها دى فى حد ذاته انجاز كبير
ماريان : انا من اول مرة شفتك ارتحت ليك ولما شفت نظراتك لسيلفيا اتمنيتك ليها وخصوصا بعد ما عرفت انك مصرى ربنا يسعدكم انت طيب وهى بجد طيبه قوى وتستاهلوا بعض
يبتسم مايكل وينظر ليجد سيلفيا قادمه ناحيتهم
سيلفيا : انتى هنا وانا بدور عليكى
ماريان : خير فى ايه
سيلفيا : روحى أمضى على النبطشيه
ماريان : اه صحيح فكرتينى
لتتركهم ماريان وكانت سيلفيا تضع يديها فى جيب البالطو الابيض لينظر لها مايكل مبتسما
مايكل : نبطشيه الليل
لتومئ سيلفيا برأسها
سيلفيا : أيوة
مايكل : إلى هتقعد شهر مش كدة
لازم شفتيها بطريقه كومديه
سيلفيا : ما انت مذاكر أهه
ليقترب مايكل من سيلفيا أكثر ويميل عليها ليصبح وجهه مقابل وجهها
مايكل : علشان كدة كنتى بتضحكى لما قلت ليكى انك هتروحى وترجعى معايا من المستشفى
لتبتسم سيلفيا بمكر
سيلفيا : شفت بقى الزمن اهه وقت ما تروح المستشفى اكون انا رجعت منها ووقت ما تمشى انت اكون انا داخله المستشفى يعنى حتى ممكن منشفش بعض طول الشهر
مايكل : على العموم دى شهر بس مقلتيش ليا ليه
سيلفيا : قلت اعملها لك مفاجاه بس ايه رأيك
مايكل : براحتك يا بلسمى ادلعى زى ما تحبى على قلبى زى العسل دلعك ودلالاك دة
لترمش بأهدبها وتحمر خجلا وتنظر الى أسفل
ليقول لها بهمس وببحه مليئه بالحب والهيام
مايكل : اكتر حاجه بحبها فيكى كسوفك بتجنينى بيه
سيلفيا ترفع رأسها لتنظر له لتجدة ينظر لها بحب ووله شديد تتكلم بتلعثم
سيلفيا : انا همشى علشان النبطشيه يوة اقصد العمليه 
تلتفت سيلفيا لتمشى ولكن مايكل يوقفها عندما ينادى عليها لتنظر له
مايكل : هتوحشينى الشهر دى قوى
تحمر خجلا أكثر وتتركه هاربه من نظرات عينه وهى تسب وتلعن أنها وافقت على الزواج منه أنها لا تحتمل كلماته الرقيقه لها مهلا هل غازلها نعم هو يغازلها رسميا تبا كم تمقت كلمات الحب والغزل فهى تخجل بشدة حتى من كلمات المدح والشكر تخجل ما بالها كلمات يتفاعل معها قلبها ليقرع بشدة بين ضلوعها كلمات تجعلها تطير فوق السحاب ولكن عقلها يضع دائما صورة الحقيقه أمامها اه لو تستطيع النسيان وأن تعيش معه اللحظه لقد وافقت مقنعه نفسها أنها لا تخطئ بجوازها منه فهى ستتزوجه زواج عقل وايضا ما كان يمنع زال رحل ام تقول يا عقلى ارجوك توقف اترك قلبى يتنفس فهو بحاجه له انسى حتى أنعم بهذة المشاعر التى اختبرها لأول مرة بحياتى اريد السعادة اريد الفرحه اريد الحب
ماريان : سيلفيا رحتى فين
سيلفيا : ها معاكى يا ماريان
ماريان : معايا ولا مع حبيب القلب
سيلفيا : حبيب القلب مين
ماريان : خطيبك المز
سيلفيا : ماريان انتى اكتر واحدة عارفه طبيعه الجواز دى فأرجوكى بلاش تحملى الأمور فوق طاقتها
ماريان : وفيها ايه لما تتجوزيه علشان الجنسيه وكمان علشان الحب
سيلفيا : انتى رايقه وانا مش فاضيه هدخل بعد ربع ساعه العمليات وبعدين انام لغايه الساعه ٧ علشان النبطشيه من النهاردة
ماريان : اوكى بأى ونتقابل فى النبطشيه
تمر الايام ومايكل وسيلفيا يتقابلا صباحا وهى خارجه لتذهب إلى بيتها ومساءا وهى داخله لتستلم نبطتشيتها
مايكل : صباح الخير يا بلسمى
سيلفيا : انا تقريبا مبقتش عارفه دى صباح ولا مساء
مايكل : بكرة الويك اند نامى براحتك علشان هنخرج بكرة
سيلفيا : انا نفسى انام اليوم كله
مايكل : سيلفيا انتى وحشانى قوى وبعدين متنسيش الاتفاق إلى بينا
سيلفيا : طب ما تيجى انت وجورج وقضوا السهرة عندنا بدل الخروج
مايكل : مفيش مشكله بس هتفوتك سهرة جامدة انا حجزت لفيلم مولان الجديد فى السينما براحتك انتى بقى
سيلفيا : بتكلم بجد يا مايكل
ليخرج التذاكر من جيبه
مايكل : التذاكر اهه
تمسكها سيلفيا غير مصدقه
سيلفيا :  انت عارف انى اول ما شفت بروموشن الفيلم هتجنن واتفرج عليه
مايكل : يبقى تخرجى معايا بكرة وكمان جبت تذاكر لماريان وجورج علشان ميبقاش عندك حجه 
تبتسم سيلفيا
سيلفيا : لو صحيت اصلا
مايكل : لا اطمنى هصحيكى
سيلفيا : ودى ازاى دى
مايكل : هتصل بيكى على الموبايل وبالمناسبة اظن انى اتصل بيكى اطمن عليكى مفيهاش حاجه ولا ايه
سيلفيا : أيوة يا مايكل بس
مايكل : مفيش بس انا خطيبك يعنى دى حقى
سيلفيا : حقك
مايكل : انا مش طالب غير انى اسمع صوتك كتير عليا
سيلفيا : مايكل متخوفنيش منك
مايكل : سيلفيا انا مخبتش عليكى انا بحبك
سيلفيا : بس لازم تعرف انى مش هعرف ابادلك نفس المشاعر وكدة ظلم ليك
مايكل : انا راضى كفايه انا احبك مش عاوز منك غير انك تسبينى احبك
لتخفض سيلفيا رأسها متألمه
مايكل : سيلفيا هتسبينى احبك
تومئ برأسها موافقه
مايكل : على فكرة بقى انتى وحشيتنينى قوى اشتقت لك
سيلفيا تتنهد وتقول هامسه
سيلفيا : وانا كمان
لتتوسع عين مايكل
مايكل : انتى كمان ايه
ترفع رأسها مدركه ما قالته للتهرب بتلعثم
سيلفيا : انا عاوزة انام لانى خلاص كلها دقيقة وانام وانا واقفه
ليبتسم مايكل
مايكل : خلى بالك من حبيبتى يا بلسمى
تتركه سيلفيا لتضع يدها على قلبها وهى تحدث نفسها
سيلفيا : وبعدين معاك اه منك ومن كلامك اعمل معاك ايه بس
وفى الليل أثناء نبطشيه سيلفيا وماريان يرن هاتف سيلفيا لتزفر
سيلفيا : اففف
ماريان : فيه ايه
سيلفيا : مايكل بيتصل
ماريان : وفيها ايه
سيلفيا : تصدقى بيتصرف معايا زى المخطوبين بالظبط
ماريان : ما هو خطيبك فعلا
سيلفيا : لسه لما عمك نسيم يدى الاوكى
ماريان : متخفيش هيوافق مايكل ميترفضش
سيلفيا : ربنا يستر
ماريان : هتفضلى كدة ما ترديش عليه يا بنتى دى تالت مرة يرن ردى حرام عليكى وانا همر على العنبر
سيليا : حاضر
تفتح سيلفيا هاتفها وتخرج ماريان
مايكل : ايه مش عاوزة تردى عليا
سيلفيا : لا بس ماريان كانت جنبى
مايكل : وفيها ايه
سيلفيا : يعنى اصل يعنى
مايكل : طب هى مشيت
سيلفيا : أيوة
مايكل : كويس جاهزة بقى
سيلفيا : لأيه
مايكل : للحب يا بلسمى
تضحك سيلفيا
سيلفيا : محسسنى أننا داخلين عمليه صعبه ولازم اكون جاهزة ليها
مايكل : ما هو الحب والغزل يا حبيبتى اصعب عمليه مش سهل ابدا تقدر تعبرى عن مشاعرك واحاسيسك لحد لأن احيانا مبنلقاش كلمات توصف مشاعرنا
سيلفيا : ولما انت عارف كدة ليه مصمم انك
يقاطعها مايكل
مايكل : لأنى لو مغزلتكيش مشاعرى هتتكتم جوايا وساعتها ممكن اتجنن ضميرك بقى هيرتاح كدة
سيلفيا : امرى لله بس لازم تعرف انى مش هعرف ارد عليك
مايكل : مش مهم المهم تسمعينى
سيلفيا : سامعه
مايكل : يعنى جاهزة
سيلفيا :جاهزة  go ahead
مايكل : وحشتينى
تضحك سيلفيا ويغازلها مايكل وسيلفيا تسمعه وقلبها ترتفع دقاته ثم يحدثها مايكل بمواضيع مختلفه ثم يغازلها ويوصف مشاعرة لها وبعد ساعتين من الغزل والكلام المعسول تنظر سيلفيا إلى ساعتها
سيلفيا : يا خبر
مايكل : ايه
سيلفيا : الساعه بقت ٢ بعد نص الليل ايه يا دكتور مش هتنام علشان عندك شغل الصبح
مايكل : سلامه عقلك يا قلبى انتى ناسيه أن النهاردة وبكرة إجازة
سيلفيا : اه صحيح  انا خلاص شفت الليل دى لغبط لى عقلى
مايكل : كان نفسى انا إلى الغبطه ليكى
سيلفيا : طب يلا اقفل بقى عندى مرور
مايكل : طب اخر حاجه ايه رأيك فى مغازلتى ليكى
تضحك سيلفيا بشدة
مايكل : عاوز اعرف بتضحكى على ايه
سيلفيا من بين ضحكتها
سيلفيا : اقولك ومتزعلش
مايكل : انا مقدرش ازعل منك وانتى عارفه
سيلفيا : اصلك بتفكرنى بخدمه العملاء بعد ما يخلصوا معاك يقولوا ليك ما رأى سيادتك فى الخدمه المقدمه اليك
مايكل : كدة طيب ما رأى سيادتك فى الغزل المقدم اليكى يا بلسمى
تضحك سيلفيا خجلا
سيلفيا : مايكل
مايكل : ممكن تردى عليا ولو سمحتى بطلى تأكلى شفايفك بأسنانك
تلتفت سيلفيا برأسها تبحث عنه لتردف بأندهاش
سيلفيا : وانت عرفت ازاى
يضحك مايكل
مايكل : لأنك يا بلسمى لما بتتكسفى خدودك بتحمر وتقعدى تعضى شفايفك الناعمه بأسنانك
سيلفيا بغضب
سيلفيا : ولما انت عارف انى بتكسف بتعمل كدة ليه
مايكل : إلى هو ايه
سيلفيا : انت عارف
مايكل : بلسمى قلبى حبيبتى روحى وحياتى إلى جايه كسوفك دى بيخلينى احبك اكتر واكتر وبعدين دى انا حتى مرضتش اغازلك جامد اكتر من كدة
سيلفيا : هو فيه اكتر من إلى قلته ليا
مايكل : اكتر بس كله فى وقته واحدة واحدة انا بحبك والحب عدوى هخليكى تمرضى بيه زى
سيلفيا : مش يمكن اكون عندى مناعه
مايكل : هنشوف يلا قومى علشان المرور
سيلفيا : يا نهار عاجبك كدة
يضحك مايكل
سيلفيا : بتضحك ماشى لما اشوف وشك بس
مايكل : وانا هستناكى سلام دلوقتى علشان عندى معاد مهم قوى
سيلفيا : معاد ايه يا دكتور الساعه ٢ الفجر
مايكل : هقابل بلسمى فى احلامى باى
سيلفيا : باى
ليغلق مايكل الهاتف وتتنهد سيلفيا لتحدث نفسها
سيلفيا : انت مش مرضى انت بقيت عامل زى السرطان غزيت كل جسمى ومش عارفه اخرة إلى احنا دى فيه ايه يا رب ساعدني
وعلى الجانب الآخر مايكل يحدث نفسه وهو ناظر إلى صورتها على الهاتف
مايكل : دى لسه البدايه يا بلسمى مش مهم انى انا إلى اتكلم المهم انك وافقتى على حبى بعد كدة هتسمعينى كل إلى نفسى اسمعه منك بس واحدة واحدة
😍😍😍😍😍😍😍😍
رمضان كريم عايزة اشوف الكرم  فى التعليقات والفوت والمشاهدة لانى خلاص بقى عندى اكتئاب من قله التفاعل والمشاهدة ولو مش عجباكوا إلغيها واكتب غيرها