انت وطنى مكتمله

بدايه

سيلفيا : تعال بقى نقعد مع جورج وماريان
مايكل يحك مؤخرة رأسه وينظر لسيلفيا
مايكل : خايف ماريان متسامحنيش
سيلفيا : لا اطمن ماريان طيبه قوى وقلبها ابيض
مايكل : زيك
سيلفيا : لا انا قلبى لونه بينك
ليضحكا الاثنان و تتقدمه سيلفيا وتتجه إلى ماريان وجورج ومايكل خلفها وهو يحمل باقه الورد
مايكل : استنى سيلفيا الورد
لتقف سيلفيا أمامه
سيلفيا : قدمه لماريان علشان ترضى عنك أما أنا الشكولاته كفايه
مايكل : لو الشيكولاته هتخليكى راضيه عنى كدة هجبها لك علطول بس الورد دي بتاعك  هديه ماريان جورج هيديها ليها
سيلفيا : ماشى
ليتحركا وكانت ماريان تحادث جورج لتلتفت وترى مايكل قادما بجانب سيلفيا وسيلفيا مبتسمه
ماريان : هو إلى انا شيفاه دى حقيقه ولا انا هلوست
جورج يلتفت ليرى ما تراه ماريان ويبتسم ليهمس لها
جورج : لا يا قلبى حقيقه ونص
لتنظر له ماريان مستفهمه مع اقتراب مايكل وسيلفيا
سيلفيا : مارو قلبى
تنقل ماريان نظرها بين جورج ومايكل وسيلفيا بغضب ليتحمحم مايكل
مايكل : احممم ازيك يا دكتورة
لترد ماريان بسخريه شديدة
ماريان : خير ايه إلى لم الشامى على المغربى
سيلفيا : شامى ومغربى ايه يا مارو
لتتمتم ماريان بكلمات غير مفهومة
ماريان : ايه الفرحه دى كلها
سيلفيا : بتقولي حاجة يا ماريان
ماريان تجذب سيلفيا من يديها
ماريان : تعالي معايا عوزاكي
لتاخذها ماريان بعيد عن جورج ومايكل
مايكل : هو فيه ايه
جورج يضحك
جورج : مفيش ماريان هتحقق معاها بس
مايكل : ليه
ليضع جورج يدة على كتف مايكل
جورج : صعبان عليا يا صاحبى
مايكل : مش فاهمك
جورج  : متستعجلش هتفهم كل حاجه
ماريان : ممكن اعرف اية الحكاية
سيلفيا : حكاية اية
ماريان : سيلفيا
سيلفيا : مفيش يا ماريان جه واعتذر ووعد أنه مش هيعمل كدة تانى وعاوز يبتدى معانا صفحه جديدة عوزانى اعمل ايه
ماريان : بس يا سيلفيا
سيلفيا : هيبقى فيه ايه تانى
ماريان : انا مش صاحبتك انا اختك وبخاف عليكى
سيلفيا : من ايه بس
ماريان : منه
سيلفيا : ماريان هو مش هيبقى اكتر من صديق لينا اطمنى
ماريان : انتى شايفه كدة
سيلفيا : انتى عارفه انا جايه هنا علشان مستقبلى وبس
ماريان : تمام بس لو
سيلفيا : لا بس ولا حاجه ويلا يا ماريان جورج ومايكل يقولوا بنتفق عليهم يلا
تتجه سيلفيا وماريان الى جورج ومايكل وسيلفيا على وجهها ابتسامه أما ماريان ترتسم على ملامحها الوجوم والغضب
سيلفيا : ماريان سامحتك زى مش كدة يا مارو
ماريان : اه
مايكل : انا بكرر اسفى تانى و
جورج : خلاص بقى ننسى ونبتدى من جديد ولا ايه
سيلفيا : طبعا احنا هنفضل واقفين كدة ماتيجوا نقعد
لتجلس سيلفيا وبجانبها مايكل
جورج : لا انا هاخد البت الغلبانه دى واحب فيها شويه اصل حاسس كدة أن جالها جفاف عاطفى
ماريان : لا روح انت انا عجبانى القعدة هنا
لتجلس ماريان بين مايكل وسيلفيا
جورج : بقى كدة طب شوفى مين إلى هيجيب لك شيكولاته بالكراميل
لتقف ماريان وتقترب من جورج
ماريان : استأذنكم بقى يا جماعه
سيلفيا : ليه يا مارو ما القعده هنا حلوة
ماريان : جورج بصراحه صعب عليا
سيلفيا : هو إلى صعب عليكى ولا الشيكولاته يا ندله
ليميل مايكل على إذن سيلفيا ليهمس لها
مايكل :اسكتى انتى احسن ما انا لسه مصالحك بشكولاته برضه
لتنظر له سيلفيا بوجه القطه
سيلفيا : يلا روحوا بس متتأخروش
لتغمز سيلفيا إلى ماريان ليأخذ جورج ماريان ويقفا بعيدا وكان مايكل وسيلفيا يضحكان
مايكل : لذاذ قوى
سيلفيا : بيحبوا بعض من زمان 
مايكل : لايقين على بعض جدا
لتومئ سيلفيا رأسها بالموافقه
مايكل : وانتى
سيلفيا :انا ايه
مايكل : جيتي هنا ازاي ولية
لتتحدث سيلفيا عن حياتها وكان جوزيف كان يتابعهم من بعيد لتقترب منة سارة
سارة : مش قلت ليك هي دي هوايتها تعلق واحد بيها ولما تلاقية هيجري وراها تسيبة وتروح لغيرة مش عارفة بتقدر تضحك عليكم ازاي
يتركها جوزيف ويتقدم اليهما
جوزيف : ممكن اتكلم معاكي سيلفيا
لتنظر الية سيلفيا مندهشة من لهجتة
سيلفيا : جوزيف فيه حاجه
جوزيف : تعالى معايا
يمد يدة ليمسك كفها لينهضها وهى تحاول التملص منه لينهض مايكل ويتدخل ويقف أمام جوزيف
مايكل : بعد اذنك سيب ايديها
جوزيف : وانت مالك
مايكل : انت مش شايف ماسك ايديها ازاى والناس بدأت تبص لو سمحت سيب ايديها
انتبه جوزيف لنفسه ويترك يد سيلفيا ويتجه إلى جانب ويسرع جورج وماريان إليها بعد أن لاحظا شيئا مريبا
جورج : فيه ايه
كانت سيلفيا تدلك يديها وهى تنظر الى جورج
سيلفيا : ياما قلت ليك يا جورج خلينى أنهى الموضوع معاه فضلت تماطل عاجبك إلى حصل
جورج : انا اسف يا سيلفيا مكنتش أتصور أنه يوصل لكدة
سيلفيا : انا مش هسكت المرة دى
ماريان : يا سيلفيا
سيلفيا : خلاص يا ماريان مينفعش بعد كدة
لتتركهم سيلفيا وتتجه إلى جوزيف تحت انظار مايكل المندهشه والمتسائله ليجد جورج ينظر إلى ماريان بغضب
جورج : عاجبك قلت ليكى ملناش دعوة قعدتى تقولى صاحبتى يا جورج يمكن تغير رأيها قلت ليكى أن سيلفيا كلمتها واحدة قعدتى تقولى نديهم فرصه أدى اخرتها
ماريان : انا
جورج : مش عاوز كلام تانى وياريت تبطلى تتدخلى فى حياتها هى ادرى بمصلحتها
لتتركهم ماريان ومايكل يحاول تهدئه جورج
مايكل : اهدى يا جورج
جورج : ماريان وحيدة ملهاش اخوات زى سيلفيا وهى بتعتبر سيلفيا اختها بجد وعايزة تفرحها بس بطريقه غلط
مايكل : ايه حكايه جوزيف دى وماريان مصرة عليه ليه
لينظر إليه جورج
جورج : اسأل سيلفيا
كانت سيلفيا تقف مع جوزيف
جوزيف : اسف يا سيلفيا انا غلطت لما اتعاملتى معاكى كدة
سيلفيا : انا مجتش علشان اسمع اسفك اسمعنى يا جوزيف  انت انسان كويس اوى واى واحدة تتمنى انها ترتبط بيك
ليقاطعها جوزيف
جوزيف : الا انتى
سيلفيا : مش لحاجه غلط فيك لا بس مترضاش أن يكون ارتباطنا كله يكون لانك شخص مناسب وبس
جوزيف : انا بحبك
سيلفيا : بس انا لا
جوزيف : حد تانى
سيلفيا : مش من حقك السؤال دى بس هجاوبك لا مفيش
جوزيف : طب ادينى فرصه جايز
سيلفيا : الحب مش شغلانه هتثبت فيها انك كويس لا دى حاجه بتيجى فجاءة
جوزيف : عندك حق
سيلفيا : جوزيف انا مضحكتش عليك ولا لعبت بيك زى ما حد عاوز يفهمك انا كنت واضحه معاك من الاول واظن تصرفاتى كانت واضحه واتمنى اننا نكون اصحاب وأخوات فى غربتنا واتمنى انك تلاقى إلى تحبك لانك انسان كويس بجد
جوزيف : و انا اتمنى ليكى تلاقى الإنسان إلى يستاهلك بجد
لتبتسم سيلفيا وتتركه لتتجه  إليهم
سيلفيا : ماريان فين
مايكل : جورج زعل معاها  تقريبا حسدناهم
سيلفيا : هاتها يا جورج
جورج : سيلفيا 
سيلفيا : صالحها يا جورج يا اما هزعل منك
يتركهم جورج لتنظر إلى مايكل الذى يحاول أن يدارى فضوله
سيلفيا : ايه مش عاوز تعرف ايه إلى حصل
مايكل : انا لا خالص
سيلفيا : كويس احسن حاجه كدة انك مش حشرى
مايكل : افندم
سيلفيا : يعنى مش فضولى
مايكل : طبعا أنا محبش ادخل فى إلى ماليش فيه
سيلفيا : تمام ما تيجى ناكل حاجه انا هموت من الجوع والمناهدة والتوتر حرق بنزين كتير
لينفعل مايكل فى حديثه
مايكل : وتناهدى ليه الموضوع مكنش مستاهل كل دى هى كلمتين وباى
سيلفيا : باى لمين
مايكل : البيه إلى رحتى تحايليه
لينهض مايكل وهو غاضب لتقف سيلفيا خلفة وهى تدير وجهه لها
سيلفيا : مش انت مبتحبش تتدخل فى حاجه متخصكش
ليقترب منها قليلا
مايكل : بس حقى افهم إلى بيدور حواليا
سيلفيا : انا جعانه اجيب لك ايه
مايكل : مش عاوز
سيلفيا : انا عملت الدونتس الى انت بتحبها
مايكل : وانتى كنتى تعرفى منين انى هاجى
سيلفيا : احساسى وعمرة ماخيب
مايكل : مين دى
لتبتسم سيلفيا
سليفيا : احساسى
تتركه سيلفيا وتاتى سارة لتقف بجانبه
سارة : معرفه جديدة لجورج
مايكل : افندم
سارة : اسفه نسيت اعرفك عليا سارة صديقه لجورج وانت
مايكل : مايكل
سارة  تلاحظ متابعه مايكل لسيلفيا
سارة : متحاولش
ينظر إليها مايكل متسائلا
مايكل : فى ايه
سارة : مع الليدى سيلفيا شايف الشله إلى هناك دى كلهم حاولوا معاها وكانت النتيجه أنها اتسلت معاهم شويه وبعد كدة بح وآخرهم الى انت شوفته عشمته وخلت بيه
مايكل : انا الحقيقه مش فاهم حاجه
سارة : لا انت فاهم بس مش عاوز تصدق
سيلفيا تنظر الى مايكل لتجد سارة الحادثه لتترك ما بيديها وتتجه إليهما
سيلفيا : مايكل تعال معايا
سارة : عيب عليكى مش شيفاه واقف معايا
مايكل : الحقيقه يا انسه انا واقف مع سيلفيا حضرتك إلى جيتى وقفتى
ليمسك مايكل يد سيلفيا ويشدها ليتحركوا تاركين سارة بغيظها
سيلفيا : شكرا ليك يا مايكل
مايكل : على ايه
سيلفيا : علشان مكسفتنيش قدام البت دى
مايكل : هى مالها ومالك
سيلفيا : مش عارفه هى كرهانى ليه
مايكل : بتقول عليكى كلام صعب
سيلفيا : زى ايه
مايكل : انك بتحبى تشدى اهتمام الشباب بيكى وبعدين تسيبيهم
سيلفيا : وانت رأيك ايه
مايكل : انتى اعقل من كدة بكتير
سيلفيا : عايزة اكل
مايكل : تعالى يحسن تاكلى دراعى
لتضحك سيلفيا ويتجها للاكل ويأتى جورج وماريان
ماريان : عملتى ايه
سيلفيا : حطيت النقط على الحروف
ماريان : صعبان عليا
لتنظر إليها سيلفيا غاضبه
جورج : ماريان قلنا ايه
سيلفيا : سبها بتفكرينى بتاتا بالظبط الاتنين بيحبونى بس طريقتهم غلط
ماريان : لما اشوف اخرتها معاكى
سيلفيا : كلى احسن
ويكتمل اليوم بسعادة و اقتراب سيلفيا ومايكل ومعرفه بعض عن حياته و اتفاقهم على الصداقه ولكن هل يدلان صديقان فقط ام هذا بدايه لشئ اخر
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

ياريت كلنا ندعى أن ربنا يزيح غمه الوباء الكورونا ويحمي العالم كله