انت وطنى مكتمله

عملتى كدة ليه

يمر يومان على طلب سيلفيا المساعده يعود مايكل متأخرا كانت سيلفيا تنتظرة يدخل يراها يبتسم لها مايكل : مساء الخير يا حبيبتى
سيلفيا :مساء النور اتاخرت قوى
يجلس بجانبها
مايكل : العمليه طولت شويه
سيلفيا : هقوم احضر العشاء
مايكل : استنى عاوز اكلم معاكى
سيلفيا : فيه حاجه
مايكل : يعنى يا سيلفيا من آخر مرة كنا مع بعض يعنى
كان متردد ومتلعثم فى كلامه وهى متوترة
سيلفيا : أيوة
مايكل : انتى طلبتى منى اساعدك بس مش هينفع لوحدى  لازم انتى كمان تساعدى نفسك
سيلفيا : ازاى
مايكل : يعنى مش كل ما اجى اقرب منك او اقعد جنبك الاقيكى متوترة كدة
سيلفيا : أيوة انا
يضع يدة على شفايفها الناعمه
مايكل : ايه إلى مخوفك منى يا حبيبتى ليه الرعب إلى بشوفه فى عينك دى
سيلفيا : انا مش مرعوبه مايكل بس انت لازم تقدر أن كل حاجه بتحصل اول مرة ليا
مايكل : انا كمان حبيبتى اول مرة اوعى تفتكرى انى مش خايف مش قلقان بس بسيب قلبى هو إلى يتكلم
سيلفيا : هحاول
مايكل : كمان انا شايف حكايه كل واحد فى اوضه متنفعش كدة المسافه بتبعد واحنا عاوزين نقرب ولا ايه
سيلفيا : اصل حاجتى
مايكل : هخلى حاجتى فى الأوضه زى ما هى بس من النهاردة مش هتنامى بعيد عن حضنى يا تنامى معايا يا انام معاكى قولتى ايه
تزدرد سيلفيا ريقها وتنظر له
سيلفيا : طب مش نأجل الخطوة دى يعنى  بدرى عليها
مايكل : لا مش بدرى احنا متجوزين قد شهرين مش معقوله كل واحد فى سرير لوحدة
سيلفيا : إلى تشوفه
مايكل : هتنامى جنبى من النهاردة
سيلفيا : حاضر هقوم احضر العشاء
بعد العشاء تدخل لغرفتها يفتح الباب يتأملها يغلق الباب ليرتمى على الفراش بجانبها يأخذها بين أحضانه ثم يقبل جبينها وهو يهمس لها
مايكل : تصبحى على خير يا بلسمى
كان أول يوم يأخذها بين أحضانه وهى واعيه فلقد اقسم أنها ستكون له ولكن صبرا فلائالئ تحتاج لجهد وتعب حتى الحصول عليها وهى لؤلؤة غاليه جدا ويمر شهران آخران مابين منغاشات مايكل وتوتر سيلفيا
مايكل : واحدة يا سيلفيا
سيلفيا : مايكل احنا فى المستشفى مش كدة
مايكل : مش هتخرجى من المكتب الا لما تبوسينى
سيلفيا : لا
مايكل : كدة ماشى
يجذبها من يدها ترتطم بصدرة يقبلها بخشونه ثم تنعم قبلاته على شفاهها وكانت مستسلمه له حتى يدق الباب تهرع إلى الخارج حتى أتى اتصال لسيلفيا
سيلفيا : سوسو وحشتينى عامله ايه
سوسو : انتى إلى وحشتينى قوى عامله ايه
سيلفيا : كويسه الحمد لله
سوسو : انا بكلمك علشان اقولك عيد ميلاد جوزك الاسبوع الجاى هتحتفلوا بيه فين
سيلفيا : مش عارفه بصى سبينى افكر وهرد عليكى
سوسو : ماشى يا مرات ابنى يا قمر
سيلفيا : صدقينى انتى إلى قمر
سوسو : اوعى تبقى بكاشه زى ميرا
سيلفيا : ميرا دى عسل ربنا يعلم انا بحبها قد ايه
سوسو : هسيبك دلوقتى عارفه انك عندك شغل ابقى كلمينى
سيلفيا : حاضر سلميلى على عمو ومينا وميرا
سوسو : يوصل يا لوفا بأى
سيلفيا : بأى
تفكر سيلفيا قليلا تتنهد تأخذ طريقها إلى غرفه الأطباء تبحث عن اختها وصديقتها وبئر أسرارها تجدها تقراء ملفات بيديها
سيلفيا : كويس انى لقيتك
ماريان : خير
سيلفيا : استشارة
ماريان : طبيه
سيلفيا : لا زوجيه
تترك ماريان ما بيدها وتنتبه لها
ماريان : استشارة ايه
كانت سيلفيا متوترة بشدة وتفرك بيديها
سيلفيا : يعنى كنت بقول يعنى
ماريان : انجزى الاستراحه فاضل فيها ربع ساعه
سيلفيا : مايكل عيد ميلادة السبت الى جاى وعاوزة احتفل بيه اعمل ايه
تبتسم ماريان
ماريان : دى فيه تقدم أهه
سيلفيا : تقدم ايه
ماريان : انك مهتمه بعيد ميلاد جوزك وعاوزة تحتفلى بيه دى تقدم كويس فى علاقتكم أيوة كدة يا سيلفيا حسسى جوزك بأهتمامك بيه
سيلفيا : الحقيقه مايكل راجل رائع كفايه أنه اتجوزنى علشان اكمل دراستي
ماريان : بجد اتجوزك علشان دراستك ولا علشان بيموت فى التراب إلى بتمشى عليه
سيلفيا : ماريان بس بقى قوليلى نحتفل بيه هنا لوحدنا ولا مع اسرته
ماريان : انتى ايه رأيك
سيلفيا : انا شايفه وسط أسرته دى اول عيد ميلاد له بعد جوازنا وعاوزة افرحه وافرحهم كمان
ماريان : ماشى وبرضه اللمه حلوة بس لو تبقى مفاجئه تبقى احلى
سيلفيا : ما هو دى إلى بفكر فيه بقالى مدة نعملها سيربرايز
ماريان : بقالك مدة ها طب فكرتى فى الهديه إلى هتيديها له
سيلفيا : مايكل بيحب الساعات قوى هشترى له ساعه قيمه
تبتسم ماريان ابتسامه عريضه
سيلفيا : مالك مبتسمه قوى كدة ليه
ماريان : فرحانه ليكى يا لوفه عارفه جوزك بيحب ايه بتهتمى بيه وشايفه أن نوعا ما الحاجز إلى بينكم بداء يقل ربنا يفرحك معاه
سيلفيا : انا يعنى
ماريان : بتحبيه مش عيب بس مش شايفه كفايه عليه كدة
سيلفيا : فى ايه
ماريان : سيلفيا مايكل هيفرح اكتر لو انتى كنتى هديته انتوا بقالكم يجى ٥ شهور متجوزين شفوى مش كفايه كدة نخليه عملى بقى
سيلفيا : يعنى قصدك
ماريان : أيوة يا سيلفيا حاولى يا حبيبتى تكسرى الخوف والقلق إلى جواكى دى
سيلفيا : هفكر المهم انتى وجورج هتحضروا
ماريان : هكلم جورج
سيلفيا : وعاوزة انزل اجيب له الهديه وفستان شيك احضر بيه عيد الميلاد وبدله جديدة له
ماريان : كل دى يا بختك يا عم مايكل
سيلفيا : بس بقى
ماريان : حاضر
تتفق سيلفيا مع حماتها وميرا ومينا على الحفل الذى سيقام ببيتهم وتمر الايام ويسافرا إلى كاليفورنيا
سوسو : حمد الله على السلامه يا حبايبى
مايكل : الله يسلمك يا ماما
سيلفيا : امال فين الباقى
ميرا : ميكو قلبى
تجرى تحتضنه بشدة ثم تحتضن سيلفيا
ميرا : وحشتينى يا مرات اخويا
سيلفيا : وانتى كمان وحشتينى قوى
ثم تخفض سيلفيا صوتها وتهمس لميرا
سيلفيا : ايه الاخبار
ميرا : اطمنى كله تحت السيطرة
سيلفيا : تمام
مايكل : امال بابا ومينا فين
سوسو : بيجبوا طلبات وجايين اطلعوا ريحوا شويه
وهنندهكم على الغداء
يصعد سيلفيا ومايكل وبعد مدة تنزل سيلفيا تدخل المطبخ
سيلفيا : سوسو ماما
سوسو : تعالى يا لوفا
سيلفيا : ايه الاخبار
ميرا : انا اتفقت مع المحل إلى هيجيب التورته
سوسو : وانا هعمل اكل الحفله
ميرا : ومينا وبابا هيعلقوا الزينه ويرتبوا المكان
سيلفيا : وانا هعمل ايه
سوسو : انتى عليكى اهم مهمه
سيلفيا : ايه هى
ميرا : نشوف حجه تخرجى بيها ميكو بكرة من الصبح لغايه ميعاد الحفله
سيلفيا : طب ما تخلوا مينا يعمل كدة
سوسو : مش هيرضى يسيبك يعنى انتى مش عارفه
تخجل سيلفيا قليلا
سيلفيا : طب اقوله ايه
ميرا : ايه رأيك تخليه يفسحك فى البلد يعنى يخرجك تفطروا وتلفوا ومترجعيش غير على ميعاد الحفله
سيلفيا : ما انا كدة مش هلحق البس و
سوسو : ابقى اطلعى البسى وانزلى
ميرا : انتى عارفه خليه يوديكى الكوافير بتاعى اعملى شعرك وميكب ويتبقى اللبس بس اهو مشوار يضيع يجى ساعتين
سيلفيا : تمام ربنا يعديها على خير
سوسو : انشاء الله
تشرق الشمس يفتح عينه يجدها تنظر له
مايكل : صباح الخير يا بلسمى
سيلفيا : صباح الخير
مايكل : صاحيه بدرى ليه
سيلفيا : عاوزة منك طلب
مايكل : اؤمرى يا قلبى
سيلفيا : عوزاك تفسحنى فى البلد شويه
مايكل : نروح فين يعنى
سيلفيا : نروح مولات ملاهى مطاعم نفسى اشوف المكان إلى اتربيت فيه علشان خاطرى
مايكل : امرك نفطر وب
سيلفيا : لا قوم دلوقتى
مايكل : والفطار
سيلفيا : نفطر برة يلا بقى
مايكل : حاضر
يخرجا من المنزل يتنزها بين المطاعم ويريها مدرسته ومطعمه المفضل يعودا إلى المنزل كان النور مطفئ
مايكل : هو البيت ماله مضلم كدة ليه
سيلفيا : معاك المفتاح
مايكل : أيوة
سيلفيا : طب افتح كدة
يفتح مايكل الباب يجد أن المنزل يغرق فى الظلام الدامس يندهش يمد يدة ليفتح النور يجد أهله وأصدقائه والكل يقول
الكل : سيربرايز هابى بيرث داى
يتفاجاء مايكل الكل يتجه إليه يهنؤنه تذهب سيلفيا ترتدى فستانها الأنيق تنزل على السلم ينظر لها فكانت فى غايه الجمال والرقه الابتسامه لا تغادر وجهها تقترب منه
سيلفيا : كل سنه وانت طيب
مايكل بابتسامه حالمه
مايكل : وانتى طيبه يا بلسمى
ماجد : يلا نطفى الشمع
يغنوا اغنيه الميلاد يطفئ الشمع بعد أن تمنى امنيه
مينا : ها يا دكتور اتمنيت ايه
مايكل : لا مش هقول
ميرا : ليه كدة يا ميكو
ينظر إلى سيلفيا بحب
مايكل : علشان تتحقق
يهديه الكل هدايا ويأتى دور سيلفيا
سيلفيا : كل سنه وانت طيب يا رب تعجبك هديتى
مايكل : اكيد هتعجبنى
سيلفيا : طب شوفها
مينا : ما تورينا يا عم جابت لك ايه
مايكل : وانت مالك يا حشرى
مينا : عاوزين نشوف ذوقها
مايكل : طبعا ذوقها حلو مش اختارتنى
سوسو : ريحوا نفسكم مش هيفتحها دلوقتى
مايكل : اهى ماما قالت لكم
تبتسم سيلفيا تمضى الحفله بروعه يصعد الجميع للنوم بداخل غرفه مايكل وسيلفيا
مايكل : تلففينى البلد كلها وتخلينى اقعد فى كافيه لغايه ما سيادتك تخرجى من الكوافير كل دى علشان تخرجينى من البيت ومعرفش حاجه
تجلس سيلفيا بجانبه على الفراش
سيلفيا : بس ايه مش كدة حلو
ينظر إليها بنظرة حالمه وهو يتأمل جمالها الهادى
مايكل : انتى الأحلى يا حبيبتى
سيلفيا : مش هتفتح هديتى
مايكل : حاضر
يفتح مايكل الهديه يجد ساعه قيمه
مايكل : الله دى حلوة قوى
سيلفيا : عجبتك
مايكل : إلى عاجبنى اكتر صاحبتها
تبتسم سيلفيا بخجل يقترب مايكل منها يبداء فى طبع قبلات على خديها ثم ينزل إلى رقبتها تهمس له
سيلفيا : مايكل
مايكل : ها
سيلفيا : مايكل
يتنهد مايكل وينظر لها
مايكل : حاضر هنام يا سيلفيا
سيلفيا : مايكل انا كنت عاوزة اقولك أن فى هديه كمان
ينظر لها مندهشا
مايكل : حبيبتى انتى جبتى لى بدله جديدة مكنتش عارف مناسبتها وجبتى ساعه هديه ايه تالت كفايه يا بلسمى
تخجل سيلفيا وتخفض بصرها
سيلفيا : يعنى دى هديه نفسك فيها
ينظر إليها محاولا فهمها
مايكل : مش فاهم
سيلفيا : لما نروح هتفهم
مايكل : ماشى ننام بقى
سيلفيا : جود نايت
مايكل : جود نايت يا بلسمى
يعودا إلى نيويورك عادا إلى العمل وفى يوم عاد متأخرا نادى عليها لم يجدها بالمطبخ أو الصاله فتح غرفتها لم يجدها فتح غرفته ليجدها تقف أمامه بقميص نوم وترتدى عليه روب لونه زهرى قصير يقف مأخوذا بجمالها تخفض بصرها خجلا يقترب منها رويدا يرفع رأسها بإصبعه لتتلاقى عيونهما معا ليقول بصوت مبحوح
مايكل : سيلفيا
سيلفيا : انا قلت لك أن فى هديه ليك نفسك فيها
مايكل : انا نفسى فيكى انتى
سيلفيا : علشان كدة قررت اكون انا الهديه
مايكل : حبيبتى انتى متأكدة
سيلفيا : مايكل ارجوك انت متعرفش انا بحارب خوفى وقلقى قد ايه ساعدنى يا مايكل
مايكل : حبيبتى انا
سيلفيا : بحبك
مايكل : ايه
سيلفيا : انا بحبك يا مايكل
وكأنها الإشارة له ليطبق مايكل شفتاه على شفتيها ويحركها إلى الفراش وهو مازال يقبلها يجلسها ويبداء يقبل جبينها عينيها وجنتيها ثم يعود إلى شفتيها ينزل إلى رقبتها وكانت يدة تتجرتء على جسدها ينيمها ويعتليها  اندمج معها بداء فى خلع ملابسه وملابسها وكان يقبلها ويغرقها بكلمات عشق و غرام
مايكل : بحبك يا بلسمى بعشقك بعشقك
كانت هى مغيبه معه فى عالمه الحالم مغمضه مستمتعة بقبلاته على جسدها
مايكل : بحبك يا بلسمى يا مراتى يا ام اولادى
تفتح سيلفيا عينيها كأنها مصدومه تنظر له تجدة يقبل صدرها تدفعه عنها  تغطى نفسها ينظر لها بصدمه وهى تنظر له بخوف ورعب لا يعلم ما بها ليصيح
مايكل : ليه ليه  عملتى كدة ليه