انت وطنى مكتمله

تابع المعركه الثانيه

فلاش باك
مر على اعتذار ايفا لسيلفيا ايام و كانت الحياة طبيعيه حتى كان مايكل بجراحه وانتهى منها
مايكل :حقا اليوم حظنا كبير لنجاحنا بجراحه كهذة
الينور : حقا الجراحه كانت صعبه ولكن نجحت بها دكتور سيلمون
مايكل : لم انجح بمفردى الينور بل بكم جميعا
الينور : انت شخص رائع حقا دكتور تعطى كل واحد فينا حقه عكس زوجتك
يتجهم وجه مايكل
مايكل : ما بها زوجتى الينور
الينور : لا اقصد ربما هى شخصيتها هكذا
مايكل : كيف الينور
الينور : متسلطه قليلا ودائما النجاح من نصيبها هى  تحتمل ولكن ما أخشاه حقا أن تؤثر على سمعتك ربما تعتمد على زواجها منك فأنت رئيس القسم
يشرد مايكل
الينور : اعتذر ولكن هذة هى الحقيقه
تركها مايكل يفكر عن من تتحدث الينور عن سيلفيا زوجته الرقيقه الخجوله متسلطه تستغل علاقتهما لتحصد نجاحا لا لا هذة ليست زوجته نعم فقلد رأى كثيرا كيف تعامل من معها ربما حازمه نعم هى حازمه قليلا ربما فسرت الينور هذا الحزم تسلط سأرى هل الينور تشعر بمفردها بهذا ام آخرين دخل مايكل مكتبه يجد ايفا تنتظرة ايفا بابتسامه واسعه
ايفا : سمعت ان العمليه نجحت
مايكل : اه الحمد لله
ايفا : سعيدة جدا بالنجاح دى هاخد إذن أهل المريضه وننشر نجاح العمليه دى هيساعدنا قوى
مايكل : اوكى
ايفا : كنا عاوزين نبتدى نتكلم عن جدول ترتيب العمليات والمرور والفرق إلى هيتم تقسيمها
مايكل : دكتورة ايفا انا محتاج راحه شويه العمليه كانت صعبه
ايفا : اوكى اجى بعد ساعتين كمان اكون عملت تصور
مايكل : اوكى
تخرج ايفا تجد سيلفيا قادمه اتجاهها تقترب سيلفيا منها
ايفا : اهلا سيلفيا
سيلفيا : اهلا
ايفا : هتدخلى لمايكل سورى اقصد دكتور مايكل
سيلفيا : أيوة فيه حاجه
ايفا : أصله تعبان ومحتاج راحه وأكد عليا أن محدش يزعجه
تبتسم سيلفيا بتحدى
سيلفيا : بس انا مش اى حد
ايفا : عارفه انك مراته بس دى ينطبق عليكى انتى كمان
سيلفيا : وانتى هتبقى على الباب تمنعى كل واحد عاوز يدخل له
ايفا : لا طبعا بس هبلغ السكرتاريه
سيلفيا : بلغيهم أن دكتور مايكل مش عاوز ازعاج
تفتح الباب وتكمل حديثها
سيلفيا : ما عدا ازعاج مراته
تدخل سيلفيا وتبتسم ايفا بمكر وتذهب وتقترب سيلفيا من مايكل النائم على الاريكه تمسح بأناملها شعرة يفتح عينه يبتسم
سيلفيا : حبيبى عامل ايه
يسحبها يجلسها بجانبه ويضع رأسه على قدميها لتربت عليها بخفه
سيلفيا : تعبان حبيبى
مايكل : كانت عمليه صعبه
سيلفيا : بس انا عارفه أن حبيبى شاطر
يمسك يدها يقبل باطن كفها ويحتضن يدها لترجع ظهرها تغمض عينيها وينام مايكل براحه شديدة بعد مدة يستيقظ مايكل وتشعر به سيلفيا يجلس بجانبها ويأخذها بحضنه
مايكل : حبيبتى منمتيش ليه فى حضنى
سيلفيا : حسيت انك مرتاح كدة
مايكل : بس تعبتى
سيلفيا : تعبك راحه
مايكل : انتى تعرفى الينور
سيلفيا : مش دى الممرضه الى فى فريقك
مايكل : أيوة
سيلفيا : انا ماليش علاقه بها يعنى كل كلامى معاها فى اوضه العمليات بس
مايكل : علشان كدة
سيلفيا : علشان كدة ايه
مايكل : لا اقصد أنها يعنى متعرفكيش قوى
سيلفيا : انا علاقاتى محدودة فى المستشفى بخليها كلها فى حدود زماله مش اكتر ماعدا مجموعتى بحس انهم اخواتى
مايكل : وهما كمان بيحبوكى قوى
تنهض سيلفيا
سيلفيا : اقوم بقى عندى عمليه بعد ربع ساعه اشوفك بعديها
مايكل : بالتوفيق يا بلسمى
سيلفيا : شكرا بأى
تذهب سيلفيا وبعد مدة تدخل ايفا
ايفا : ارتحت كويس
مايكل : الحمد لله
ايفا : مش باين
مايكل : ليه
ايفا :وانا خارجه قابلت سيلفيا حاولت افهمها انك تعبان وعاوز ترتاح بس كعادتها ردت عليا بكل غرور وهى بتتباهى أنها مراتك
مايكل : طبيعى
ايفا : لا طبعا مش طبيعى اسمح لى المفروض تتعامل مع الناس بتواضع شويه انا داخله على شهرين وسمعت شكاوى قد ايه أنها متسلطه ومغرورة وطبعا لأنها مراتك
مايكل : محدش اشتكى قبل كدة منها
ايفا : تفتكر هيقولوا ليك ايه مراتك صعبه وبتستغل أنها مراتك علشان تفرض سيطرتها عليهم
مايكل : مش شايفه يا دكتور انك متحامله قوى على دكتورة سيلفيا انتى هنا علشان هدف معين مش علشان تراقبى مراتى
ايفا : شفت رد فعلك ايه لما حبيت اوصل لك صورة عن طريقه تعامل مراتك مع زملائها طبعا مش هتصدق علشان كدة محدش اتكلم معاك
مايكل : ممكن نتكلم فى ترتيب الجدول لو سمحتى
ايفا : طبعا
ويبداء فى ترتيب وتنظيم جدول الجراحات وتقسيم الفرق الطبيه حتى يتم تطبيق هذا الجدول بعد أسبوعان
ايفا : كدة تمام يفضل المشرفين
مايكل : المشرفين بيرتبوا نفسهم بحسب جدول القسم
ايفا : يعنى كنت بقول تاخد رأى سيلفيا الاول يعنى علشان متعترضش وتعمل مشكله
مايكل يعقد حاجبيها
مايكل : مشكله ايه
ايفا بخبث
ايفا : يعنى تعترض وممكن تتكلم بطريقتها قدام الكل وممكن يسبب دى مشاكل
مايكل : انتى غلطانه يا دكتورة دكتورة سيلفيا بتحترم التعليمات ومش هتعترض
تنهض ايفا وهى ترفع كتفها
ايفا : اتمنى أن دى يحصل انا هرتب جدولها بناء على جدول القسم
مايكل : تمام
تخرج ايفا تاركه مايكل غارقا فى تفكيرة هل حقا سيلفيا كما يقولون عنها متسلطه وعصبيه ام ماذا لتمر الايام ويظهر كل مدة من يتكلم مع مايكل عن صعوبه التعامل مع سيلفيا وان ما يسكتهم عنها انها زوجته كان غير مصدق وخصوصا وهو يرى تعاملها مع مجموعتها وكم يحبونها اينعم حدثت مشاكل فى الاول ولكن هم علموا كم هى تحرص على مصلحتهم واصبحوا مجموعه متناغمه وقويه حتى أنها تدربهم على الجراحات بنفسها بغرفه التدريب حتى تم الإعلان عن الجدول وكان الجميع سعيد حتى دخلت سيلفيا عليه دون طرق الباب وكانت معه ايفا
سيلفيا : ممكن اعرف ايه الجدول إلى نزل دى
يرفع مايكل رأسه ينظر لها لتتحمحم ايفا
ايفا : استأذن دكتور مايكل هبقى اجى لحضرتك فى وقت تانى
تخرج ايفا وكانت سيلفيا تنظر لها بغضب لتسمعه يقول بهدوء
مايكل : ماله الجدول الجديد اعتراضك عليه فى ايه
سيلفيا : اعتراضى على جدولى
مايكل : دكتورة سيلفيا حضرتك مجرد مشرفه يعنى مش طبيبه فى القسم يعنى لسه متدربه ملكيش حق الاعتراض على أى قرار فى القسم حضرتك جدولك ومواعيدك بتتبدل بحسب جدول القسم اظن دى واضح
سيلفيا : أيوة بس
مايكل :مفيش بس فيه أن حضرتك تلتزمى بالأوامر بدون اعتراض
سيلفيا : عاوز تفهمنى انك موافق على التعديل دى
مايكل : انا إلى عملته ازاى مش هكون موافق عليه
سيلفيا : يعنى الى سمعته صح انك انت إلى عملت كدة
مايكل : أيوة وياريت حضرتك بعد كدة لما تدخلة مكتبى تخبطى الاول بلاش دخله المخبرين دى لو سمحتى
سيلفيا : بقى كدة حاضر يا مايكل
مايكل : دكتور مايكل لو سمحت الظاهر انى دلعتك كتير لدرجه انك مبقتيش حاسه انتى بتعملى ايه
تنظر له وهى مندهشه من تغيره لهذة الدرجه فكان هو الاحرص على مستقبلها منها فكيف يضيع شهرا من دراستها بقسم الطوارئ وهذا معناه ستحرم شهرا من دخول الجراحات الكبيرة كيف يفعل بها هكذا خرجت وهى غير مستوعبه لما فعل معها هكذا تتجه إلى الكونتر تبلغ الجالسه عليه
سيلفيا : ارجو أن تستدعى مجموعتى الان لغرفه الأطباء
موظفه : حسنا
تاتى ايفا تقف بجانبها
ايفا : انتى كويسه
تنظر لها وتتنهد
سيلفيا : كويسه
ايفا : ياريت تكونى اتاكدى بنفسك أن دكتور مايكل هو إلى نقلك لقسم الطوارئ علشان مكنتيش مصدقه
سيلفيا بألم
سيلفيا : لا صدقت دلوقتى بس
تتركها سيلفيا لتعلو ابتسامه خبث ومكر على وجه ايفا يمر ثلاثه ايام وسيلفيا بقسم الطوارئ تاتى حاله تحتاج لجراحه عاجله لوقف نزيف بالمخ تدخلها سيلفيا إلى غرفه العمليات وكانت تتجهز تجد ايفا تقف أمامها
ايفا : هتعملى ايه
سيلفيا : هشارك فى العمليه
ايفا : ممنوع
سيلفيا :افندم ممنوع ليه
ايفا : حضرتك مكانك الطوارئ مش هنا اتفضلى بعد اذنك
سيلفيا : بس دى حالتى
ايفا : وانتى سلمتيها لطبيب هنا فى القسم كدة مهمتك خلصت اتفضلى
تنظر لها سيلفيا بحنق وغضب شديد تترك غرفه العمليات وتذهب لقسم الطوارئ وهى غاضبه بشدة وثانى يوم كانت سيلفيا أمام الكونتر بقسم جراحه المخ والاعصاب تراجع ملف بيدها لتجد من يقف بجانبها تنظر الواقف بجانبها تجدها ايفا
ايفا : ماذا تفعلين هنا اليس مكانك قسم الطوارئ
سيلفيا بهدوء شديد
سيلفيا : اراجع ملف مريضه بالطوارئ وانتظر طبع تقرير عن حالتها لاعطيه لدكتور ميتس
ايفا : اذهبى الى قسم الطوارئ وابلغى دكتور ميتس أن القسم له قواعد يجب أن يبلغ اولا قبل أن يرسل أحدا لأخذ تقرير عن مريضه ثانيا يأتى بنفسه هو لا يرسل لنا مشرفه ثالثا يجب أن تعلمى علاقتك برئيس القسم خارج اسوار المستشفى اما هنا لست أكثر من مشرفه تأخذ أوامر وتنفيذها
يشتد غضب سيلفيا بداخلها لتحتد على ايفا بشدة
سيلفيا : من انتى حتى تكلمينى بهذة الطريقه
ايفا بهدوء مستفز
ايفا : انا مساعدة رئيس القسم ولى صلاحيات كامله
سيلفيا : صلاحياتك هذة تطبيقها على أى أحد إلا انا
ايفا تحاول تستفز سيلفيا أكثر لتتكلم معها بسخريه
ايفا : لما لانكى زوجه دكتور مايكل اتعتبرى نفسك سيدة القسم
تضحك الموظفات تنظر سيلفيا وتعتمل الثورة بداخلها
سيلفيا : لن أناقش من يمتلك عقل مثل عقلك
ايفا : ماذا تقصدين انا مجنونه
سيلفيا : افهمى كما تشائين
ايفا : لا لن اصمت على اهاناتك المستمرة لى يجب أن تعرفى حدودك جيدا معى
سيلفيا : ماذا ستفعلين لى
ايفا : ساشكوكى لمن تحتمين به
تتركها لتدخل مكتب مايكل وهى تتصنع البكاء
ايفا : كدة بجد كتير انا خلاص وصلت لأخرى ميوصلش الموضوع الاهانه والتجريح
مايكل بدهشه
مايكل : تجريح ايه واهانه ايه انا مش فاهمه حاجه
ايفا : مراتك سيلفيا شدت معايا قوى فى الكلام ونعتتنى بالجنون
ينهض مايكل عن مكتبه
مايكل : ايه مجنونه ليه حصل ايه
ايفا لتصنع الحزن
ايفا : كل دى علشان بقولها مينفعش تاخد تقارير عن مريضه من غير اذن زى ما تكون ما صدقت انفتحت فيا وبهدلتنى وقالت انى مجنونه قدام الموظفين بعلو حسها
مايكل بغضب يتصل بها
مايكل : انتى فين تعالى مكتبى حالا
بعد دقائق تدخل سيلفيا مكتب مايكل
مايكل : انتى شتمتى دكتورة ايفا
سيلفيا : محصلش انا
مايكل : مش عاوز كلام كتير سؤال يترد بايوة أو لا انتى قلتى ليها أنها مجنونه
سيلفيا : محصلش
ايفا : وكمان كدابه على العموم فيه شهود حضرتك ممكن تتأكد منهم
مايكل : الموضوع مش محتاج شهود يا دكتورة انا مصدقك
تفتح سيلفيا فاها غير مستوعبه ما يحدث اما ايفا كانت تبتسم بشماته ونصر
مايكل : دكتورة ماكس تعتذرى لدكتورة ايفا
سيلفيا : انا معملتش حاجه احتاج عليها اعتذار
مايكل : دكتورة اعتذرى يا اما هاطر استخدم اسلوب تانى
سيلفيا : إلى هو
مايكل : هحولك مجلس تأديب
سيلفيا : ايه
مايكل : زى ما سمعتى اعتذرى
تنظر له سيلفيا والغضب يملاء عينيها تأخذ نفسا وتبتسم تنظر لايفا ثم مايكل
سيلفيا : اسفه
🌸🌸🌸🌸🌸🌸🌸🌸🌸🌸🌸🌸🌸🌸🌸
محبتش انشر بارت لوحدة علشان محدش يتلغبط عاوزة ارائكم فى القصه وأحداثها المتطورة