كان الجميع ينتظر من غاب عنهم أكثر من خمسه اشهر فهو الفرحه الاولى والابن الذكى والمحب والحنون انطلقت ميرا إلى حضنه تعانقه وتقبله
ميرا : وحشتينى يا ميكو قوى قوى
مايكل : وانتى كمان يا قلب ميكو
مينا : باشا إلى مطنشنا وحشتينى يا كبير
مايكل : انت اكتر يا غلباوى
مازالت ميرا بأحضان مايكل أخيها
ميرا : اخبارك ايه يا ميكو احكى لى كل حاجه من ساعه ما وصلت نيويورك لغايه ماجيت
لتقف أمامه جيسى ابنه عمته بملابسها الغير لائقه وزينتها الزائدة شتان بينها وبين حبيبه قلبه لسيلفيا رغم غموض تصرفاتها إلا أنها فتاة ذكيه عاقله جمالها طبيعى تختار ملابسها بعنايه ملابس محتشمه وقد رائها كثيرا بدون زينه حتى يوم خطوبه جوزيف كان فستانها بسيط وايضا زينتها بسيطه لسنتين على صوت جيسى
جيسى : ما توسعى يا ميرا علشان اسلم انا كمان
ميرا : لا
جيسى : يعنى ايه بقولك وسعى
ميرا : لا ميكو دى بتاعى انا ومش هسيبه طول الإجازة واخدة بالك انتى
لتنظر إليها جيسى متوعدة وتنظر إليها ميرا مهددة
جيسى : كدة ماشى ازيك يا ميكو عامل ايه
مايكل : الحمد لله يا بنت عمتى وعلى فكرة اسمى مايكل
جيسى : طب ما ميرا بتقولك كدة
مايكل : ميرا هى الوحيدة إلى يحق ليها تقول اى حاجه
لتمتضع ملامح جيسى و مايكل مازال يحتضن ميرا يجلس لتجلس بجانبه
جيسى : طب وسعى اقعد جنبكوا
ميرا : لا روحى هناك يلا
وكانت تشير لها إلى مكان بعيد ليبتسم مايكل ليميل على أذنها ويهمس
مايكل : هى ايه إلى جابها دى بعد إلى حصل هى ما بتحرمش
ميرا : لزقه نعمل ايه اول ما عرفت انك جاى جت ولزقت كدة
مايكل : وانتى طبعا مبتتوصيش عملتى إلى عليكى
ميرا : و ياريتها بتحس معرفش مين إلى مفهمها انك ممكن تفكر انك تتجوزها
ليرد مايكل بمكر
مايكل : مالها يا ميرا دى حتى حلوة
ميرا : اسمع انت اخويا الكبير اه بس لو حصل اتبرى منك انا بقولك اهه
مايكل : لا وعلى ايه وبعدين حد يقدر يبعد عن قمرة دى انا يجرى لى حاجه
ميرا : بعد الشر عنك يا ميكو انشاء الله هى
ليضحكا
جيسى : ما تضحكونا معاكم
ميرا : إلى احنا بنقوله مش هتفهميه انتى فخليكى فى حالك
مينا : إذا كان انا اخوهم متحشرتش كدة تتحشرى وسط الاخوات ليه
جيسى : كدة ماشى اول ما يجى اونكل انا هقوله
مينا : لا خفنا احنا
مايكل : صحيح بابا وماما فين
مينا : البوس الكبير اخد المزة وقال ايه راحوا يشتروا حاجات البيت حجج
مايكل : وعمتى مش سامع ليها حس ولا انتى هنا لوحدك يا بنت عمتى
جيسى : مامى راحت مشوار وجايه علطول اصلك وحشتنا قوى يا مايكل
ليبتسم بغضب ويقف
مايكل : انا بقى هطلع اوضتى انام وصحونى على العشاء
ميرا : مش هتقعد معايا شويه يا ميكو
مايكل : انام بس وبعد كدة اقعد معاكى يا قمرى زى ما انتى عاوزة
يصعد مايكل لغرفته ويهاتف ماريان
مايكل : الو
ماريان : حمد الله على السلامه يا مايكل
مايكل : ربنا يخليكى طمنينى حبيبتى عامله ايه
ماريان : فضلت تعيط لغايه ما نامت
مايكل : وبعدين يا ماريان
ماريان : متشغلش بالك انت يومين وهتبقى كويسه صاحبتى وانا عرفاها متجيش غير بالأمر الواقع صدقنى لو كنت مش متأكدة من حبها ليك مكنتش ساعدتك
مايكل : لو اعرف ايه إلى فيها لو تتكلم بس
ماريان : هتعرف لما هى تقدر تتكلم سبها براحتها
مايكل : انا اتفقت مع جورج انى لما ارجع هكلم والدها واخطبها منه
ماريان : انا متأكدة أن عمو نسيم هيحبك قوى
مايكل : انا هكلم بابا واتفق معاه على كل حاجه
ماريان : تمام ربنا معاك سلام
مايكل : متنسيش سلميلى على خطيبتى سلام
ينام مايكل ويأتى وقت العشاء ليجد من يوقظه ينتبه ليجد والدته حبيبته أمامه
مايكل : سوسو وحشتينى يا قلبى
ساميه : لو كنت وحشتك حقيقى مكنتش غبت كل دى
مايكل : اعمل ايه يا ست الكل ما انتى عارفه مقدرش اجى يومين وامشى وانا لسه جديد فى شغلى معرفتش اخد إجازة كبيرة غير دلوقتى
ساميه : وهتقعد اد ايه
مايكل : اسبوع بحاله
ساميه ، بس
مايكل : هعمل ايه يا ماما شغلى
ساميه : ربنا يوفقك يا حبيبى وعامل ايه يا حبيبى كويس
مايكل : الحمد لله يا ماما
ساميه : مالك يا مايكل فيك ايه
مايكل : مفيش انا كويس
ساميه : انا مش هتوه عنك فيك حاجه
مايكل : لا صدقينى انا كويس انتوا بس إلى واحشينى
ساميه : طب يلا العشاء جاهز
مايكل : يلا يا ست الكل
ينزل مايكل مع والدته ليسلم على والده وعمته
ماجد : وحشتينى يا دكتور
مايكل : وانت كمان يا بابا
عفاف : وحشتينى يا مايكل
مايكل : وانتى كمان يا عمتو
ساميه : اقعد يا حبيبى كل يحسن انا شايفه انك خاسس
عفاف : ما هو لو كان مجوز كان زمان مراته خدت بالها منه ولا ايه
ماجد : هنفضل نتكلم كتير يلا ناكل
عفاف : اقعدى يا جيسى جنب ابن خالك واكليه
تنهض جيسى لتجلس بجانبه ولكنه ينتهرها
مايكل : لا شكرا خليكى جنب عمتو انا مش صغير علشان حد يأكلنى
عفاف : ليه كدة حتى تفتح نفسك
مايكل : لا انا نفسى مفتوحه بعد ما شفت بابا وماما واخواتى أما اى حد تانى بيسد نفسى
يبتسم و يجلس مايكل بجانب مينا لتغضب عمته ولكنها تصبر حتى لا تضيع مايكل من ابنتها والكل يأكل أما عند سيلفيا
ماريان : سرحانه فى ايه يا لوفا
سيلفيا : مفيش
ماريان : عليا
سيلفيا : خايفه من الايام الجايه
ماريان : متخافيش كله هيبقى كويس صدقينى
سيلفيا : يا ريت
ماريان : مايكل بيسلم عليكى كلمنى لما وصل أصله سافر لأهله
سيلفيا : ايه سافر مقلش يعنى
ماريان : هو انتى بتدى ليه فرصه هو هيغيب اسبوع
سيلفيا : اسبوع
ماريان : ايه هيوحشك
سيلفيا : وحشته حيه
تضحك ماريان بشدة وتغمز لها
ماريان : هنشوف
ينتهى العشاء عند مايكل
مايكل : الحمد لله بابا كنت محتاج اكلم حضرتك فى موضوع مهم
ماجد : خير
مايكل : يا ريت نقعد مع بعض فى مكتبك
عفاف : ليه سر
مايكل : مفيش حاجه سر يا عمتو بس دى موضوع محتاج اكلم بابا فيه على رواقه
ماجد : تعال نتكلم فى المكتب
لينهضوا و يدخلوا إلى غرفه المكتب
عفاف : ابنك عاوز ماجد فى ايه يا ساميه
ساميه : وانا اعرف منين
عفاف : اكيد عارفه بس عايزة تخبى زى عوايدك
ميرا : هو مش مايكل قال إنه مش سر يعنى اطمنى هتعرفيه قريب يا عمتو
عفاف : يعنى اسكت
مينا : يا ريت
عفاف : طبعا انتوا هتجبوة من برة ما انتوا تربيه ساميه
ساميه : انا هروح اغسل المواعين احسن
ميرا : خدينى معاكى يا مامى يحسن الجو بقى خنقه
لتخرج ميرا ووالدتها ومينا مستمر فى الاكل
عفاف : ممشتش ليه زيهم
مينا : انا فى بيتى إلى مش عاجبه هو إلى يمشى الباب يفوت بقرة ببنتها
وكان يشير على عمته وابنتها
عفاف : ماشى يا مينا على قله ادبكم معانا هعرفكم ازاى تحترمونا انا وبنتى
مينا : بلاش انتوا تتكلموا على الاحترام علشان لو كنتى انتى وبنتك محترمين كنتى قدرتى أن إلى كل شويه تتخانقى معاها دى وتهنيها امنا ومش هنسمح لك تتكلمى معاها تانى انتى فاهمه يا عفاف
تحاول عفاف الرد ولكن تغلق فمها لعدم وجود رد على كلامه فكم تطاولت واهانت ساميه وهى الان تريد تزويج بنتها من ابنها فيجب أن تكون لطيفه معها حتى تستطيع تزويج بنتها ثم بعد هذا تفعل ما تريد أما عند مايكل ووالدة
ماجد : خير يا ابنى بقالك ربع ساعه قاعد سرحان ومش معايا ايه هو الموضوع صعب قوى كدة
مايكل : بابا انا قررت اتجوز
أنت تقرأ
انت وطنى مكتمله
Romansaالغربه ليست أن تكون بمكان بعيد عن وطنك واهلك لكن الغربه هى أن تخاف أن الحب يطرق باب قلبك فأيهما تختار غربه المكان ام غربه الحرمان
