انت وطنى مكتمله

الزيارة

العد العكسي بداء لاقتراب الامتحانات لا خروج لا تنزه فقط عمل بالنهار مذاكرة باليل كان مايكل يراجع لهما وكان جورج مهمته جلب الطعام وتحضير عصائر وقهوة
ماريان : لا بقى كفايه حرام عليكم انا عاوزة افصل
سيلفيا : كلها كم يوم وبعدين نرتاح
ماريان : راحه شويه يا لوفا امشى رجلى حتى
مايكل : عندها حق وانتى كمان كفايه عليكى كدة يلا
سيلفيا : يلا ايه
مايكل : ننزل نتمشى شويه
سيلفيا : لا طبعا انا مش هضيع وقت
ليأخذ من يدها الكتاب وينهضها
مايكل : قومى البسى وانتى يا ماريان خدى جورج واتمشوا شويه
سيلفيا : مايكل
مايكل : اسمعى الكلام لو فضلتى كدة مش هتعرفى تكملى مذاكرة شويه ونرجع تكونى فقتى يلا روحى غيرى هدومك
لتضرب سيلفيا قدمها الأرض وهى تتأفف بطريقه طفوليه ليضحك مايكل عليها وماريان تنادى على جورج
ماريان : جورج يلا يا قلبى
جورج يخرج من المطبخ
جورج : على فين
ماريان : المستر أفرج عننا هنخرج
جورج : يخليهم لك يا رب
ماريان : امين يا رب
مايكل وهو يضحك
مايكل : الله حلوة الدعاوى دى قوى
تخرج سيلفيا على ضحكهم
سيلفيا : طبعا ما العطله دى على قلبك زى العسل
مايكل : خلصتى يلا
سيلفيا : لما ارجع يا ماريان وانت تعمل حسابك نص ساعه وارجع
لتخرج من أمامه
جورج : الله يكون فى عونك يا دوك الا المذاكرة عند سيلفيا
مايكل : متخفش صاحبك شديد
جورج : هنشوف
وبعد فترة يعودا مايكل وسيلفيا وكانت تضحك بشدة لتجد جورج وماريان أمامهما
ماريان : هى دى النص ساعه دى انا حتى جايه من بدرى
سيلفيا : هتسطعبتى انا شيفاكوا لسه داخلين قبلنا ومايكل بيركن العربيه
جورج : اتفقشنا يا روحى
مايكل : منظركم وحش قوى
ليضحك الجميع لتدخل سيلفيا وماريان
ماريان : نص ساعه وبس انت فاهم
سيلفيا : اعمل ايه فضل يتكلم والوقت اخدنا محستش
ماريان : اه ما انا عارفه
سيلفيا : لعلمك مكنش الكلام الى فى بالك
ماريان : إلى هو
سيلفيا : انتى لعنه متحركه
تضحك ماريان بشدة وينتهى اليوم وتتوالى الايام حتى الامتحان تؤديا كل منهما امتحانها
ماريان : ياه مش مصدقه خلصنا
سيلفيا : ربنا يسهل بقى فى النتيجه
مايكل : اهلا جميلاتى طمنونى عملتوا ايه
ماريان : كان معقول مش كدة سيلفيا
سيلفيا : اه يعنى
ماريان : اكلم انا جورج اكيد قلقان
لتتركهما ليقترب مايكل من سيلفيا
مايكل : مالك يا بلسمى
سيلفيا : مفيش
مايكل : تعبانه
سيلفيا : شويه
مايكل : أنا عندى عمليه بعد نص ساعه تحضرى معايا
سيلفيا : ينفع
يبتسم مايكل
مايكل : طبعا ينفع وينفع قوى يا بلسمى يلا حضرى نفسك
يمر اليوم ويقوم مايكل بإيصال سيلفيا وأمام شقتها
مايكل : حبيبتى بابا وماما واخواتى هيجوا الاسبوع الجاى وطبعا عايزين يشفوكى ويتعرفوا عليكى
سيلفيا : ودى ضرورى يعنى
مايكل : اهلى عاوزين يشوفوا عروستى انتى رأيك ايه دى مهم ولا لا
سيلفيا : اوكى
سيلفيا تنغمس في العمليات أكثر هى وماريان لأنهم يقرروا العمل شهر بعد الامتحان حتى إجازاتهم ويحضر أهل مايكل
مايكل : اهلا وسهلا نورتوا نيويورك
ماجد : منورة بيك يا دكتور
مينا : طبعا لازم تنور بس مش بيه
ساميه : اسكت انت مايكل انا عاوزة اشوف خطيبتك
مايكل : طب ريحى يا ماما من السفر
ميرا : لا يا ميكو مش هنرتاح الا لما نشوف إلى خطفت قلبك
مايكل : طب هعزمها على العشاء نخرج مع بعض
ساميه : لا دلوقتى مش انت بتقول انها جارتك
مينا : الباب فى الباب يا ماما
ساميه : خلاص كلمها قول لها ماما عاوزة تشوفك
مايكل : ايه الكلام دى يا ماما انتى عاوزة تروحى شقتها
ساميه : اه فيها ايه
مينا : واهو الواحد يسلم على مارو
مايكل : مين قال انك رايح معاهم ماما
ساميه : انا واختك بس محدش تانى
مايكل : ثوانى اكلمها
ليخرج هاتفه
سيلفيا : مايكل فيه حاجه
مايكل  : ازيك الاول
سيلفيا : سورى اصل مش دى معادك اتخضيت
مايكل : هو الحقيقه يعنى اصل
سيلفيا : فيه ايه يا مايكل
كان الجميع حوله يستمعون للمكالمه ليهتف مينا
مينا : وحشتينى يا مرات اخويا
تضحك سيلفيا
سيلفيا : مينا معاك
مايكل : الحقيقه العيله كلها
سيلفيا : هما جم
مايكل : ايوه وماما وميرا عاوزين يزوروكى فى شقتك دلوقتى
تصمت سيلفيا قليلا
سيلفيا : مايكل كلمنى لوحدك لو سمحت
لينظر لهم
مايكل :استئذنكم دقيقه
ليدخل مايكل لغرفته
مايكل : فيه ايه يا سيلفيا
سيلفيا : هو لازم دلوقتى
مايكل : وراكى حاجه
سيلفيا : لا أصل اصل
مايكل : ايه
سيلفيا : انا لسه مخلصه تنضيف الشقه وشكلى
ليقاطعها مايكل بضحكه
مايكل : يكفيكى نص ساعه تجهزى
سيلفيا : هتيجى معاهم
مايكل : لا
سيلفيا : يعنى عاوزنى اقعد لوحدى معاهم
مايكل : مش هيكلوكى سيلفيا
سيلفيا : الموضوع مش كدة كل الحكايه قلقانه يعنى ممكن والدتك لما تشوفنى رأيها هيبقى ايه
مايكل : كونى يا حبيبتى على طبيعتك ساعتها كل إلى يشوفك هيحبك بس مش زى
تبتسم سيلفيا
مايكل : اجهزى نص ساعه وهيكونوا عندك سيلفيا
سيلفيا : ها
مايكل : بعشقك يا روحى
يغلق الهاتف ليخرج إلى عائلته
مايكل : نص ساعه وتشفوها
جرس الباب يرن تفتح ماريان الباب لتبتسم إلى مايكل
ماريان : اهلا يا دكتور اتفضل اهلا بيكم اتفضلوا
يدخل الجميع
مايكل : ماريان اقدم لك ماما واختى ميرا
ماريان : اهلا وسهلا نورتوا
ساميه : اهلا بيكى يا بنتى
مايكل يبحث بعينه عن سيلفيا
مايكل : سيلفيا فين
ماريان : جايه
تخرج سيلفيا من غرفتها كانت ترتدى فستانا زهرى اللون به ورود ملونه وكان شعرها مفرود وكانت تضع زينه خفيفه لأول مرة مايكل يراها هكذا فدائما ملابسها بنطال وبلوزة وايضا شعرها ذيل حصان ولم يراها واضعه زينه على وجهها كان يتأملها من رأسها حتى قدمها بوله شديد وهى كانت تنظر إليه بخجل وتفرك يديها كانت ساميه تبتسم وتنقل بصرها بينهما وماريان تعقد يديها أمامها كأنها تشاهد مسلسل أما ميرا كانت تنظر الى اخيها مبتسمه لتقطع سيلفيا هذا المشهد
سيلفيا : احمممم مساء الخير
الكل : مساء النور
يتحرك مايكل ليقف بجانب سيلفيا ليميل على إذنها ليهمس لها
مايكل : ايه الجمال دى كله
لتنظر له سيلفيا بدهشة وخجل شديد لتهمس
سيلفيا : مايكل مش كدة لو سمحت
مايكل يعتدل
مايكل : اقدم لك يا حبيبتى ماما وميرا اختى
سيلفيا : اهلا وسهلا نورتونا
مايكل : اقدم لكم
ليضع يدة على كتف سيلفيا التى تتفاجاء بهذة الحركه
مايكل : سيلفيا خطيبتى وحبيبتى
كان الخجل تمكن من سيلفيا حتى أذنها احمرت لتبتسم ساميه وميرا وماريان وسيلفيا تنظر إلى الارض
ساميه : تعالى يا حبيبتى فى حضنى
سيلفيا تتقدم لتحتضنها ساميه وايضا تحتضنها ميرا
ماريان : اتفضلوا اقعدوا يا جماعه
يجلس الكل وكان مايكل سيجلس ولكن ساميه قالت له
ساميه : انت هتعمل ايه
مايكل : هقعد
ساميه : لا اتفضل اقعد مع باباك واخوك
مايكل : ماما
ساميه : يلا اتفضل
ميرا : ايه يا ميكو هى وحشتك المزة
مايكل : مالكيش دعوة يا رخمه
ليميل مايكل على إذن سيلفيا ليهمس لها بكلمات لتتسع عينها ويغمز لها وتحمر أكثر ليتركهم ويخرج
ماريان : عن اذنكم ثوانى
ساميه : اتفضلى يا بنتى
ميرا : انتى أمورة قوى يا لوفا بصراحه احلى من الصورة إلى وراهالى ميكو مش كدة يا سوسو
ساميه : بصراحه عندك حق يا ميرا
سيلفيا : ثانكس يا طنط
ساميه : لا طنط ايه يا مرات ابنى انتى تقولى لى يا سوسو زى ولادى بالظبط
تبتسم سيلفيا
ميرا : اما انا بقى خلاص قررت نبقى أصحاب ايه رأيك
سيلفيا : وانا أطول ابقى صاحبه قمر زيك
ميرا : دى انتى إلى قمر
كان مايكل ينظر للساعه كل مدة ومينا وماجد يراقباه ليهتف مينا
مينا : هى ماما بقالها قد ايه يا بابا عند العروسه
ماجد : بقالها نص ساعه تقريبا
مينا : يا ترى العروسه هتعدى من الاختبار إلى ماما عملاه ليها
يغمز مينا الى والدة وينتبه مايكل إلى الحديث
مايكل : اختبار ايه
مينا : اصل ماما ناويه تحط سيلفيا فى اختبار تشوفها هتنفع ولا لا
مايكل : يعنى ايه لو معتدش مش هتجوزها ايه التهريج دى
مايكل يتجه إلى الباب ليسمع ضحكات مينا وماجد لينظر لهما ليفهم لعبتهما
مايكل : انت مش هتبطل مقالبك الرخمه دى
مينا : اعمل ايه ما انا شيفك متوتر ومش على بعضك
ماجد : براحه على نفسك متخفش عليها مامتك ما صدقت يعنى لو العروسه حبت هى إلى تخلع مامتك هتجوزها لك غصب عنها
يبتسم مايكل ويرن جرس الباب لتدخل ساميه وميرا والإبتسامة تملاء وجوههم ليقف مايكل وتتجه إليه ساميه لتحتضنه وتقبله من وجنتيه
ساميه : مبروك يا حبيبى عروسه زى القمر ربنا يفرحكم ببعض
ميرا : بصراحه يا ميكو مكنتش اعرف ان ذوقك حلو قوى كدة
ساميه : عقبال الموكوس إلى فى بالى
مينا : تفتكرى يا سوسو موكوس هيتجوز ايه
ميرا : موكوسه زيه
ليضحك الجميع ويستأذن مايكل ليهاتف سيلفيا
سيلفيا : الو
مايكل : وحشتينى
سيلفيا : انت مش لسه شايفنى من اقل من ساعه
مايكل : حبيبتى انتى كل دقيقه ببعد فيها عنك بتوحشينى قوى
سيلفيا : استنى هنا ايه الى انت عملته دى لما مامتك كانت عندى
مايكل : عملت ايه
سيلفيا : انت ازاى تعاكسنى قدامهم ولا كمان تقولى الى انت قلته دى
مايكل : طب انا قلت ايه
سيلفيا : انت عارف
مايكل : اصل مش فاكر انا قلت ايه اه قصدك لما قلت إن الفستان مبين حاجات معينه
سيلفيا : لعلمك انت قليل الادب
مايكل : انا قليل الادب يا سيلفيا
سيلفيا : ووقح كمان انا مكنتش متوقعه منك كدة
مايكل : اعمل ايه انتى إلى حلوة قوى وبعدين لازم تعتذرى علشان انتى غلطتى فيا
سيلفيا : والى انت قلته مش غلط
مايكل : لا انا قلت الى شفته وبعدين انا مسكت لسانى ومرضتش اكمل واقول إن صد
سيلفيا : اسكت متكملش انا غلطانه ومش هرد عليك تانى
تغلق سيلفيا الهاتف ليبتسم مايكل ويدخل مينا
مينا : هو العريس كان بيكلم العروسه
مايكل : ايوة واتهد قفلت السكه فى وشى
مينا : ليه ها ليه
مايكل : مش هقولك يا رخم
ليضحك مينا ومايكل ليردف مايكل
مايكل : مينا عاوز اعمل مفاجاءة لسيلفيا
مينا : قولى عاوز ايه وانا اساعدك
لتصرخ ميرا عليهما
ميرا : وانا معاكم
مينا : وبكدة تكتمل عصابه ماجد
ليضحكوا بشدة