"Siraulo lang ang maniniwala sa sumpa na yun. Malabong magkagusto ako sa kanya dahil alam ko sa sarili ko na babae pa rin ang gusto ko. Pero bakit siya na lang lagi ang nasa isipan ko?"
-Gunter
Kaya bang baguhin ng isang halik ang lahat?
Status: Co...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Gunter’s POV
Hindi ko alam kung papano ipapaliwanag sa taong nakasaksi sa aming kalagayan ni Lance. Kahit na sino mang makakita ng kasalukuyang ayos namin ni Lance ay iisiping may ginagawa kaming milagro. Si Lance na hubo’t hubad na nakapatong sa aking likuran habang ako naman ay nakadapa sa sahig. Kung alam ko lang na magpapang-abot sa ganito ay hinayaan ko na lang sana siyang gawin ang nais niyang mangyari.
“Wow naman!” sambit ng taong nakakita sa aming ayos. Mabilis siyang tumalikod nang mapansin niyang nakahubo si Lance.
“Ano to, Balak niyong markahan ang bawat sulok ng kwarto sa mga sexperience niyo?” dugtong pa niya. Kahit na hindi ko masyadong naaninag ang kaniyang mukha ay alam na alam ko kung kaninong boses ito at kung hindi ako nagkakamali ay siya ang nag-iisang pinsan ni Lance na maituturing ko na ring pinsan.
Matapos magsalita si Kuya Eisen ay bigla namang tumayo si Lance at nagtungo sa kama upang kunin ang kumot upang matakpan ang kaniyang katawan. Ako nama’y inayos ang sarili bago ko binuksan ang ilaw. Nang masiguro niyang nasa maayos na kaming kalagayan ay saka lang muling humarap sa amin si Kuya.
“Ano ba kasing ginagawa mo dito?” tanong ni Lance kay Kuya habang nagkakamot ng ulo.
“Kanino ngang idea ulit ang pagbisita ko dito?” sarkastikong tanong ni Kuya Eisen.
“Sana man lang nagsabi ka na pupunta ka dito para napaghandaan namin” tugon ni Lance na tinaasan ng kilay ni Kuya.
“Paano pa magiging surprise kung nagsabi ako?” iritableng tanong niya habang hinuhubad ang kaniyang sapatos. Matapos siyang maghubad ng sapatos ay lumapit siya sa akin.
“Pasensya na Gon kung hindi ako nakapagsabi. Halos dalawang taon din tayong hindi nagkita kaya naman gusto kitang surpresahin. Kanina pa sana ang dating ko kaso may nangyaring hindi maganda sa daan kaya ang lala ng traffic at ngayon lang ako nakarating. Hayaan mo pwede niyo namang ipapatuloy mamaya” sabay tapik niya sa aking likod na sinabayan ng isang pagkindat. Hindi ko alam kung anong isasagot ko sa kaniyang sinabi. Hindi ko alam na nakatitig na lang pala ako sa kaniya kung saan nag-aantay siya ng sagot mula sa akin.
“Hello?” pagpukaw ni Kuya sa aking atensyon. Sasagot na sana ako nang biglang hatakin ni Lance ang aking kamay patungo sa kama. Nabigla ako nang paupuin niya ako sa kaniyang mga hita kung saan mabilis kong nadama ang katigasan niya.
“Nahihiya lang to si Babe dahil nahuli mo kami kuya” nagulat ako sa inasal ni Lance lalong lalo na sa pagtangka niyang paghalik sa aking pisngi.
“Pasensya na Gon” natatawang sabi ni Kuya Eisen. Nagpatuloy siya sa paglalakad habang bitbit nito ang isang plastik na sa tingin ko ay naglalaman ng pasalubong.
“Anong ginagawa mo?” mahinang tanong ko kay Lance nang mawala ang tingin sa amin ni Kuya Eisen. Inilayo ko ng bahagya ang aking sarili sa kaniya upang hindi ko madama ang kaniyang katigasan.
