Unicode
" အား....ဘာလုပ်တာလဲ မင်း !"
ဘဝတိုးတတ်အောင်မြင်ရေးနည်းလမ်းများ စာအုပ်ကို
ကုတင်ပေါ် မောက်ခုံလေးအိပ်ကာ ဖတ်နေစဉ်
ခြေသလုံးမှ ဆစ်ခနဲနာကျင်မူကြောင့်
ချက်ချက်ခေါင်းထောင်ထကြည့်လိုက်ရာ
ခြေထောက်တွင် သွားရာအကွင်းလိုက်ကြီး
ထင် နေသည်ကို တွေ့လိုက်ရသဖြင့် ဂျူးယကို
အော်ငေါက်ဖို့ လှမ်းကြည့်တော့ သူကတစ်ပြန်
စိတ်တိုနေဟန်ဖြင့်....
"သခင်လေးဆီပို့ပေးမယ်ဆိုပြီး... မပို့ပေးဘူး!"
မျက်ထောက်နီလေးဖြင့် နှုတ်ခမ်းလေးမဲ့ အသက်ရှူသံ
ပြင်းပြင်းဖြင့် စိတ်ဆိုးနေသည့် ကောင်လေးကို
ကြည့်ကာ ဆက်သွင်ဟိန်း ခြေထောက်နာတာပင်
မေ့၍....ပြုံး ချင် မိ သွားတော့သည်။
"မင်းသခင်လေးက ဘယ်မှာနေတာလဲမှမသိတာ။
ငါလဲ ရှာနေတာပဲ ဒီလောက်ရန်ကုန်မြို့အကျယ်ကြီး
ဘယ်လိုသွားရှာမလဲ။ပြီးတော့ မင်းသခင်လေးက
အမှောင်ထဲမှာနေတာဆို... ခွေးလေးရ....ငါက
ဘယ်လိုမြင်ရမှာလဲ"
ထိုအခါ.. ဂျူးယသည် ဝိုင်းစက်စက်မျက်လုံးလေးကို
ဟိုလှည့်ဒီလှည့်လှုပ်ရှားပြီး စဉ်းစားကာ....
"စောသခင် ကိုရှာပေး"
"လာပြန်ပြီ...စောသခင်ကဘယ်သူလဲ။မင်းသခင်လေး
ပဲလား"
"မဟုတ်ဘူး.... သခင်လေးပိုင်တဲ့ ကုမ္ပဏီ "
ဆက်သွင်ဟိန်း သည် မျက်ခုံးနှစ်ဘက်ပင့်တတ်သွားပြီး
ခေါင်းကုပ်ကာ...
"အမှောင်ထဲက ကုမ္ပဏီ လား... အား...မကိုက်နဲ့ဟ"
ဂျူးယမှာ ဆက်သွင်ဟိန်းအား နဲနဲလေးမှစိတ်မရှည်။
ဒီထက်ပိုပြီးလည်း သူမရှင်းပြတတ်။ စောသခင်ဆိုတာ
အဆောက်အဥိီးကြီးတစ်ခုဖြစ်ပြီး...ဦးဉာဏ်က
ထိုနေရာတွင်အလုပ်လုပ်သည်ကိုတော့သိသညိ။
ဦးဉာဏ်ကိုတွေ့လျှင် သခင်လေးဆီပြန်ခေါ်သွားပေးဖို့
ပြောရမည်။ ဦးဉာဏ် သူ့ကိုထပ်သက်မည်ဆိုလည်း
ခံရုံသာ.... မသေခင်တော့ သခင်လေးကို
ကာကွယ်ပေးရဦးမည်။သူ့အသက်ထက် သခင်လေး
အသက်ကပိုအရေးကြီးသည်။ သခင်လေးကို ကာကွယ်
ပေးခြင်း သည်...စောသခင်အင်ပါယာကို ကာကွယ်ပေးခြင်း
ပင်ဖြစ်သည်ဟုဘိုဘ်ိုကြီး မသေခင်က သေချာမှာကြား
သွားခဲ့သည်မို့ သူ လိုက်နာရမည်။
YOU ARE READING
Dear!Hunter Guys (Season 1)(Completed)
Short StoryDear! Hunter Guys(Season-1) S-1 :Action, Comedy,Character Intro Written by Naykyihtun #ဆန္းကမာၻေဝ#တိေၾတသ
